23. यीशु गअ: जनम

यूसुफ नुतुम मियद धर्मी होड़ो लोओ मरियमअ: मंगनी होबा चुकाव लेना। जब इनि: अयुम केदा चि मरियम होड़मो ते मेनाइअ: दो इनि: सरी ताइनाए चि इनि: इनिअ: होन कअ: तनी। मगर इनि: मरियम के बदनाम काए सनङ ताइना। एनामेनते यूसुफ इनिअ: रे किरपा लाइ ओड़ो: इनि: के हपा-हपाते तलाक ओम रअ: सोचाव केदा। मगर एना रिकाय रअ: सिदा मियद स्वर्गदूत इनिअ: कुमु रे हिजु केअते इनि: लोओ बकड़ केदा।

एन स्वर्गदूत कजि केदा, “हे यूसुफ मरियम के अमअ: घरनी बाइ केअते आउ लाइ अलोम बोरोया। इनिअ: होड़मो रे जे होन मेनाइअ: इनि: पवित्र आत्मा पअ: ते मेनाइअ:, इनि: मियद कोड़ा होन के जनामिया। इनिअ: नुतुम यूसुफ दोहोए में (एना रअ: अर्थ तना – यहोवा बचाव नी) चियाची इनि: होड़ो कोके इनकुअ: पाप कोएते बचाव कोअ:।

एनामेनते यूसुफ मरियम लोओ बला जनाए ओड़ो: इनि: के अयअ: घरनी बाइ केअते ओड़ा आउ लिजाए, मगर इनिअ: होन अउरी जनामो भइर इनि: लोओ: काए गीति जना।

जब मरियम गअ: होन जनम रअ: समय नड़े गी ताइकेना, दो इनि: ओड़ो: यूसुफ बैतुलहम नगर सेनो: रअ: मियद जिलिंग होरा किन सब केदा। इनकिन के एनता सेनो: गी ताइकेना चियाची रोमी अधिकारी इस्राएल देश रेन सोबेन होड़ो कोके लेका सनङ ताइनाए। इनि: सनङ ताइनाए चि सोबेन होड़ो को एनता को सेनो: कअ:, जे तअ: रे इनकुअ: पुरखा को तयु ताइना। राजा दाऊद गअ: जनम बैतुलहम रे होबा लेना ओड़ो: दाऊद मरियम ओड़ो: यूसुफ बरन किनअ: पुरखा ताइकेना।

मरियम ओड़ो: यूसुफ बैतुलहम नगर किन सेनो: जना, मगर एनता रे जानवर कोके दोहो को ठयाद रअ: अलावा इनकिन तयु लाइ जेतअ: तअ: रे ठयाद का ताइकेना। एन ठयाद गी ताइकेना जे तअ: रे मरियम अयअ: होन के जनम किजअ:। इनकिन इनि: के चरनी रेकिन गीति तजा चियाची एनता रे इनिअ: लाइ जेतन बिस्तर का ताइकेना। इनकिन इनिअ: नुतुम यीशु किन दोहो केदा।

एन अयूब, एनता नड़े रअ: पीड़ी रेगी हुडिङ लेका चरवाहा को अकोअ: मिण्डी कोअ: झुण्ड कोको नेल बड़ा ताइना। अचका गी मियद चमकदार स्वर्गदूत एनता रे नेल इका जना, ओड़ो: इनकु बोरो जना को। एन स्वर्गदूत कजि केदा, “अलपे बोरोया, चियाची अञङ तअ: रे अपे लाइ बुगिन संदेश मेनअ:। बैतुलहम नगर रे मसीह मालिक गअ: जनम होबा कना।”

सेन केअते एन होन के संगारी पे, ओड़ो: अपे इनि: के लिजअ: ते लिपटाव कन ओड़ो: चरनी रे गीतिजअ: कन पे नमिया।”अचका तेगी सिरमा रे स्वर्गदूत को पेरे जना। इनकु परमेश्वरअ: मनारंग ताइनको। इनकु कजि केदा को, “सोबेर मनारंग स्वर्ग रे मेनाइनी परमेश्वर के नमो: का। ओते दिसुम रेन होड़ो: कोरे शांति होबाव का, जे कोअ: इनि: फिकिरेया।”

एनेद स्वर्गदूत को सेनो: जना को। एन चरवाहा कोयो अकोअ: मिण्डी कोके बगि केअते एन होन के नेनेल को सेनो: जना। जल्दी गी इनकु एनता को सेटेर जना जेतअ: रे यीशु ताइकेना ओड़ो: इनकु इनि: के चरनी रे गीतिजकन को नम किजअ:, चिलका एन स्वर्गदूत कजि लअ:। इनकु इसु रासिका को ताइकेना। एनेद एन चरवाहा को हडो को रुवाड़ जना, जेतअ: रे इनकुअ: मिण्डी को ताइकेना। इनकु जेनअ: को अयुम ओड़ो: नेल लअ: को एना सोबेनअ: को लाइ परमेश्वरअ: मनारंग ताइनको।

पूरब रे संगीन मियद देश रे हुडिङ लेका कोड़ा को ताइकेना। इनकु इपिल कोअ: बारे रेको पढ़ाववेन ताइकेना ओड़ो: इनकु इसु पुरअ: गी बुद्धिमान को ताइकेना। इनकु मियद एटा गी इपिल के सिरमा रेको नेल किजअ:। इनकु कजि केदा को चि नेयअ: रअ: अर्थ तना चि यहूदी कोअ: मियद नावा राजा गअ: जनम होबा कना। एनामेनते इनकु एन होन के नेनेल लाइ अकोअ: देशअते सेन होरा रअ: को सलाह केदा। मियद जिलिंग सेन होरा रअ: तयोमते इनकु बैतुलम को हिजु लेना ओड़ो: एन ओड़ा केको नम केदा, जेतअ: रे यीशु ओड़ो: अयअ: एंगा- अपु किन ताइकेना।

जब एन कोड़ा को यीशु के अयअ: एंगा लोओ: को नेल किजअ: दो इनकु मुकड़ी टेकाव केअते इनिअ: आराधना केदा को। इनकु यीशु के इसु गोंनोवन उपहार को ओमाजअ:। एनेद इनकु अकोअ: ओड़ा ते हडो को रुवाड़ जना।