24. यूहन्ना यीशु के बपतिस्मा ओमायाए

एलीशिबा ओड़ो: जकर्याह गअ: होन कोड़ा मरंग जनेते मियद भविष्यवक्ता बाइ जना। इनि:सुनसान ठयाद रे तयु ताइना ओड़ो: बुरू रेन हुरुम सुकू रसी ओड़ो: मरंग फेनगा कोए जोम को ताइना ओड़ो: ऊँट गअ: रूई ते बाइया कन लिजअ: तुसिङएन ताइकेना।

इसु होड़ो को यीशु गअ: कजि को अयुम लाइ सुनसान ठयाद तेको ओडोङ जना। इनि: नेयअ: कजि केद परचार केदा,“पाप कमि को बगि पे चियाची स्वर्ग राइज नड़े रेगीअ:।”

जब होड़ो को यूहन्ना गअ: संदेश को अयुम केदा, दो एन मेसे ढेइर होड़ो को अकोअ: पाप कोको मानातिङ केदा, ओड़ो: यूहन्ना इनकु के बपतिस्मा ओमाद कोअ:। यूहन्ना के नेनेल लाइ इसु धार्मिक अगुवा कोयो को हिजु लेना, मगर इनकु अकोअ: पाप कोके काको मानातिङ केदा।

यूहन्ना धार्मिक अगुवा कोके कजियद कोअ, “हे जहरीला बिङ लेकन होड़ो को, अपे अपेअ: पाप के मानातिङ पे ओड़ो: अपेअ: ब्यवहार के बदली पे। परमेश्वर सोबेन एन दारु कोके हदेया जे बेस लेका का जोवअ:, ओड़ो: इनि एना के सेंगेल रे हड़ोबेअ:।” जे भविष्यवक्ता को कजि लअ: यूहन्ना एना के पूरा केदा, “नेलेमे, जल्दी गी अञङ अमअ: सिदा अञङअ: संदेश उदुब नी के कुलीञङ, जे इनि: अमअ: रे विश्वास लाइ होड़ो कोके तेयार कोअ:।”

हुडिङ लेका धार्मिक अगुवा को यूहन्ना केको कुली किजअ: चि इनि: मसीह तनी। यूहन्ना जबाब ओमाद कोअ:,“अञङ मसीह न लाइ, मगर इनि: अञङअ: तयोमते हिजु तना। इनि: इमीन महान मेनाया चि अञङ इनिअ: जूता रअ: फीता खोलाव लाएक को बंगुइया।”

तयोम हुलंग यीशु बपतिस्मा इदि लाइ यूहन्ना तअ: हिजु लेना। जब यूहन्ना इनि: के नेल किजअ:, दो इनि: कजि केदा,“निलिपे! परमेश्वरअ: मेमना, जे दिसुम रअ: पाप कोए उठाव इदि केयाए।”

यूहन्ना यीशु के कजियजअ:,“अञङ अम के बपतिस्मा ओमाम लाएक बंगुइया।”बदला रे जरूरत मेनअ: चि अम अञङ के बपतिस्मा ओमाञङ में। मगर यीशु कजि केदा, “अम के अञङ के बपतिस्मा ओम चाही चियाची रिका लाइ बुगिन कमि नेयअ: गी तना। आद् यूहन्ना यीशु के बपतिस्मा ओमाजाए, जबकि यीशु चिउलाव काए पाप लअ:।

बपतिस्मा ओम किज रअ: तयोमते जब यीशु दाअ: ते ओडोङ जना, दो परमेश्वरअ: आत्मा दुदुमुल ओड़े गअ: रूप रे नेल इका जना ओड़ो; लतार हिजु केअते इनिअ: रे रुकाव जना। इमतंग गी परमेश्वर स्वर्ग गेते कजि केदा। इनि: कजि केदा, “अम अञङअ: होन कोड़ा तनमे। अञङ अम लोओते दुलाड़ दोहो यञङ ओड़ो: अञङ अमेते इसु रासिका मेनाङगा।”

परमेश्वर यूहन्ना के कजि लिजअ:,“पवित्र आत्मा लतार अड़गु केअते जाएअ: रे रुकाव केनोगअ:, जे नी के अम बपतिस्मा ओमायाम।” इनि: गी परमेश्वरअ: होन कोड़ा तनी।” परमेश्वर मियद गी मेनाइया। मेनदो जब यूहन्ना यीशु के बपतिस्मा ओमाजाए दो इनि: परमेश्वर आबा के बकड़ तन अयुम किजअ:, होन कोड़ा परमेश्वर के नेल किजअ:, जेकी यीशु तनी ओड़ो: इनि: पवित्र आत्मा के नेल केदा।