25. शैतान यीशुअ: परीक्षायअ:

यीशुअ: बपतिस्मा होबाव रअ: तयोमते जल्दी गी पविता आत्मा इनि: के सुनसान ठयाद ते इदि किजअ:। यीशु एनता रे चालीस दिन ओड़ो: चालीस अयुब ताइकेना। इमतंग इनि: उपास केदा ओड़ो: शैतान यीशु तअ: हिजु केअते पाप इका लाइ इनिअ: परीक्षा केदा।

सिदा शैतान यीशु के कजियजअ:, “अगर अम परमेश्वरअ: होन कोड़ा तन में रेदो ने दीरी कोके होलोंग बाइ तम चि अम जोम दड़िकम!”

मगर यीशु शैतान के कजियजअ, “परमेश्वरअ: बचन रे नेयअ: ओला कना, “जीद ताइन लाइन होड़ो के सिरिफ होलोंग रअ: जरूरत बनो गअ: मगर इनकु के सोबेन एन बकड़ कोरअ: जरुरत मेनअ: जे परमेश्वर इनकु के कजिया कोअ:!”

एनेद शैतान यीशु के मन्दिर रअ: सोबेनेते चेतन चुद्लू रे इदि किजअ: ओड़ो: इनि: के कजियजअ:, “अगर अम परमेश्वरअ: होन कोड़ा तनमें रेदो नेतअ: ते लतार डेगाव तम, चियाची ओला कना परमेश्वर अम के उठाव लाइ अयअ: स्वर्गदूत कोके हुकुम ओमा कोअ: चि अमअ: काटा दीरी कोएते कअ ठोगोका।”

मगर यीशु एनका काए रिका केदा जे शैतान इनि: के रिका लाइ कजि लिजअ:। एना रअ: बदली रे यीशु शैतान के कजियजअ:, “परमेश्वर हर मियद होड़ो के कजियअ:, अम प्रभु अमअ: परमेश्वरअ: अलोम परीक्षा यअ:।”

एनेद शैतान इनि: के दिसुम रअ: सोबेन राज्य कोए देखावजअ: चि एना चिमिन पेड़ेजन मेनअ: ओड़ो: एना चिमिन किसाड़ मेनाअ:। इनि: यीशु के कजियजअ:,“अञङ अम के नेयअ: सोबेनअ: ओमा मेयाइङ अगर अम मुकड़ी टेकाव केअते अञङअ: आराधनाए रेदोम।”

यीशु जबाब ओमा जाए, “हे शैतान अञङ तअ: ते संगीन केनोम! परमेश्वरअ: बचन रे इनि: होड़ो कोके हुकुम ओमा कोअ:, ‘सिरिफ अपेअ: प्रभु परमेश्वरअ: भइर आराधनाए पे। परमेश्वर रअ: रूप रे इनि: के भइर माइनी पे।’”

यीशु शैतान गअ: परीक्षा ते हराव काए मानातिङ जना, एनामेनते शैतान इनि: तअ: ते सेनो: जना। एनेद स्वर्गदूत को हिजु केअते यीशु केको सेवा किजअ:।