26. यीशु अयअ: सेवा शुरुयाए

शैतान गअ: परीक्षा कोए ते मना केद रअ: तयोमते, यीशु गलील परदेश रे हिजु लेना। नेयअ: गी एन ठयाद ताइकेना, जे तअ: रे इनि: ताइन ताइना। पवित्र आत्मा इनि: के इसु पेड़े ओमाइ ताइनअ: ओड़ो: यीशु मियद ठयाद देते एटअ: ठयाद सन सेन केअते होड़ो कोके शिक्षा ओमाद कोअ:। सोबेन को इनिअ: बारे रे बुगीन कजि को कजि ताइना।

हडो यीशु नासरत नगर सेनो: जना। जब इनि: हुडिङ गी ताइकेना दो इनि: ने हातु रेगी तयु ताइना। आराम रअ: दिन रे इनि: आराधना यको एन ठयाद रे सेनो: जना। अगुवा को इनि: के यशायाह भविष्यवक्ता गअ: संदेश कोरअ: मियाद किताब को ओमाजअ:। इनकु सनङ ताइनको चि इनि: एनाए ते पढ़ावेकअ:। आद् यीशु एन किताब के खोलाव केअते एना रअ: मियद भाग के होड़ो को लाइ पढ़ाव केदा।

यीशु ने लेका पढ़ाव केदा, “परमेश्वर अञङ के अयअ: आत्मा ओमा कदीञङअ: चि अञङ कंगाल कोके सुसमाचार हटिङ दड़ि कञङ। इनि: अञङ के नेयअ: मेनते कुल कदीञङअ: चि जेल ओड़ा रे मेना कोअ: इनकु के आजाद कोकञङ, अंधा कोके हडो मेद ओमा कोकञङ ओड़ो: जे कोके होड़ो को रिम को तनाको इनकु के छोड़ाव कोकञङ। नेयअ:गी एन समय तना जब परमेश्वर अबुअ: रे दया याए ओड़ो: अबुअ: देंगायाए।

एनेद यीशु दुब जना। सोबेन होड़ो को इनि: के ध्यान तेको नेली ताइना। इनकु सरी ताइनको चि पवित्र किताब रअ: जे भाग के इनि: नअ: पढ़ाव लअ: एना मसीह गअ: बारे रे ताइकेना। यीशु कजि केदा, “जे कजि को अञङ नअ: अपे लाइ पढ़ाव लअ:, एनाको सचमुच नअ: गी होबाव तना।” सोबेन को ताजुब केदा को। इनकु कजि केदा, “चिनअ: नी यूसुफ गअ: होन कोड़ा नअ: लाए?”

एनेद यीशु कजि केदा, “नेयअ: सरती गी तनअ: चि होड़ो को जाए एनकन भविष्यवक्ता के चिउलाव कको अपनावीयअ, जे इनकुअ: नगर रे हारा दड़ि कना। एलिय्याह भविष्यवक्ता गअ: समय रे, जब साढ़े तीन साल जकेद दाअ: काए गामा लअ: इमतंग इस्राएल देश रे इसु विधवा को ताइकेना। मगर परमेश्वर एलिय्याह के इस्राएल देश रे जेताय विधवा गअ: देंगा लाइ काए कुल किजअ:। नेयअ: रअ: बदला रे इनि: एलिय्याह के मियद एटअ: देश रेन विधवा तअ: कुल किजअ:।”

यीशु लगातार कजि केदा, “ओड़ो: एलीशा भविष्यवक्ता गअ: समय रे, इस्राएल देश रे इसु होड़ो को उहुर रअ: रोग ते दुकु रेको ताइकेना। मगर एलीशा एन में से जेतय केओ काए ठीक केद कोअ:। इनि: सिरिफ इस्राएल रेन दुश्मन कोअ: सेनापति नामान के भइर ठीक लिजाए।” मगर जे होड़ो को यीशु गअ: कजि को अयुम ताइना इनकु यहूदी को ताइकेना। एनामेनते जब इनकु नेयअ: कजि को अयुम केदा दो इनकु इनिअ: चेतन रेको खींस जना को।

नासरत नगर रेन होड़ो को यीशु केको सब किजअ: ओड़ो: इनि: के आराधना ठयाद तअ: ते ओर केअते बाहर तेको इदि किजअ:। ओड़ो: इनकु इनि: के मियद सेरेंग रअ: चुन्द्लू रेको इदि किजअ: चि इनि: के एनता ते हुरंग केअते गोए ताइका। मगर यीशु भीड़ते ओडोङ जना ओड़ो: नासरत नगर के बगि केअते सेनो: जना।

एनेद यीशु गलील परदेश रअ: सोबेन ठयाद रे सेनो: जना ओड़ो: मरंग भीड़ इनि: तअ: हिजु लेना। इनकु नेलकन इसु होड़ो कोके को आउ लेद कोअ:, जे उरयु तन ओड़ो:विकलांग को ताइकेना। इनकु में से हुडिङ लेका अंधा, ओड़ो: हुडिङ लेका एटा लंगड़ा, बहिरा या कोका को ताइकेना। यीशु इनकु के ठीक केद कोअ:।

नेयअ: रअ: अलावा इसु नेलकन होड़ो कोके यीशु तअ: को आउ लेद कोअ:, जे कोअ: रे दुष्टात्मा को ताइकेना। यीशु एन दुष्टात्मा कोके इनकुएते ओडोङ लाइ हुकुम ओमाद कोअ:। एन दुष्टात्मा को गुल केदा, “अम परमेश्वरअ: होन कोड़ा तनमे!” भीड़ रेन होड़ो को ताजुब ताइनको ओड़ो: इनकु परमेश्वरअ: को मनारंग ताइनको।

एनेद यीशु अयअ: चेला को में से बारह झन कोड़ा कोके सला केद कोअ: चि इनकु इनिअ: खास होड़ो को बाइयो कअ:। इनि: इनकु के अयअ: खास चेला कजि केद कोअ:। ने खास चेला को इनि: लोओते सेन होरा केदा को। ओड़ो: इनि: जेते शिक्षा को नम केदा।