29. निर्दयी दासी गअ: कहनी

मुसिङ हुलङ पतरस यीशु के कुली किजअ:, “हे गोमके, जब अञङअ: हगा अञङअ: बिरोध रे पापेअ: दो अञङ के अञङअ: हगा के चिमिन बेर क्षेमा ओमाइ चाही?” चिनअ: सात बेर जकेद?” यीशु कजि केदा, “सात बेर कहा, मगर सात रअ: सत्तर बेर!” नेयअ: रअ: चलते यीशु गअ: मतलब नेयअ: तना चि जनाव गी क्षेमा ओम चाही। एनेद यीशु ने कहनी उदुब केदा।

यीशु कजि केदा, “परमेश्वर गअ: राइज ने लेका मेनअ:। मियद राजा अयअ: दासी गअ: हिसाब इदि सनङ ताइना। इनिअ: मियद दासी मियद इसु मरंग कर्जा रअ: कर्जदार ताइकेना।”

मगर एन दासी अयअ: कर्जा के काए चुकाव दड़ि जना, एनामेनते राजा कजि केदा, “नीजअ: कर्जा चुकाव लाइ ने कोड़ा के ओड़ो: इनिअ: परिवार कोके गुलाम रअ: रूप रे अखरीङ तकोम।”

“एन दासी राजा गअ: अयार रे अयअ: मुकड़ी टिकुब केअते कजियजअ:, “दया केअते अञङ लोओते धीरज दोहोएम ओड़ो: अञङ अञङअ: कर्जा रअ: पूरा टका को पेरे तअ:। राजा दासी गअ: चेतन रे दया केदा, एनामेनते इनि: इनिअ: सोबेन कर्जा कोके क्षेमा तदा ओड़ो: इनि: के सेनो: इका किजअ:।”

“मगर एन दासी जब राजा तआएते बाहर ओडोङ जना दो इनि: के मियद गति दासी नम जना, जे इनिअ: हुडिङ लेका पैसा रअ: कर्जा ताइकेना। एन दासी अयअ: गति दासी के सब किजअ: ओड़ो: कजियजअ:, जे अमअ: चेतन रे अञङअ: कर्जा मेनअ: एना को पेरे जेमें!”

“एन गति दासी मुकड़ी टिकुब केअते कजि केदा, “दया केअते अञङ लोओते धीरज दोहोएम ओड़ो: अञङ अञङअ: कर्जा रअ: पूरा टका को पेरे तअ:। मगर एना रअ: बदला रे एन दासी अयअ: गति दासी के जेल ओड़ा रे घुसाव तजा, इमतंग जकेद नंग जब तक चि इनि: एन कर्जा के काए पेरेजेअ:।”

हुडिङ लेका हडो एटअ: दासी को जे नअ: को होबा लेना, एना को नेल केअते इसु को परेशान जना। इनकु राजा तअ: को सेनो: जना ओड़ो: सोबेनअ: को उदुबजअ।”

“राजा एन दासी के केड़ा केअते कजियजअ:, “हे दुष्ट दासी! अञङ अमअ: कर्जा के एनामेनते क्षेमा लअ: चियाची अम अञङ ते अरजी लअम। अम केओ एनका गी रिकाए चाही ताइकेना। एनेद राजा निमिन खींस जनाए चि एन दुष्ट दासी के जेल ओड़ा रे घुसाव तजा। जब तक चि इनि: अयअ: सोबेन कर्जा के काए पेरेजेअ:।”

एनेद यीशु कजि केदा, “स्वर्गीय रे मेनाइ नी अञङअ: आबा जाए लोओ नेका गी रिकायअ:। अगर अपे अपेअ: हगा के अपेअ: दिल ते कपे क्षेमाइ रेदो।”