30. यीशु पाँच हजार होड़ो कोके जोम ओमा कोअ:

यीशु अयअ: सला कद चेला कोके परचार लाइ ओड़ो: होड़ो कोके शिक्षा ओमा को लाइ ढेइर एटअ:-एटअ: हतु कोए कुल केद कोअ:। जब इनकु एनता को रुवाड़ जना, जे तअ: रे यीशु ताइकेना दो इनकु इनि: के उदुबजअ: को चि इनकु चिनअ: कोको रिका लअ:। एनेद यीशु इनकु के झीलेते एटअ: पअ: अयअ: लोओ मियद शांत ठयाद रे सेन केअते हुडिङ देरी आराम लाइ केड़ा केद कोअ:। एना नंग इनकु मियद डोंगा रेको रकब जना ओड़ो: झीलेते एटअ: पअ: को सेनो: जना।

मगर एनता रे इसु होड़ो को ताइकेना, जे यीशु ओड़ो: इनिअ: चेला कोके डोंगा रे सेनो: तन को नेल लेद कोअ:। नेयअ:सरी जनेते होड़ो कोयो झील रअ: हन पारोम सेन लाइ झील रअ: गेना-गेना पैदल गी नीर केदा को ओड़ो: इनकु ते सिदा को सेटेर जना। जब यीशु ओड़ो: चेला को सेटेर जना को, दो ने होड़ो कोअ: गी मियद मरंग झुण्ड इनकुअ: इन्तजार लोओते सिदा रेगी एनता रेको ताइकेना।

एन झुण्ड रे एरा ओड़ो: होन कोके बगि केअते 5,000 तेओ थिम्बा कोड़ा होड़ को ताइकेना। एन होड़ो कोअ: परती यीशु गअ: दिल दया ते पेरे जना। चियाचि यीशु लाइ एन होड़ो को एन मिण्डी को लेका को ताइकेना जे कोअ: चेताय चरवाहा बंकुआ। एनामेनते इनि: इनकु के शिक्षा ओमाद कोअ: ओड़ो: इनकुअ: तला रे जे को उरयु ताइना इनकु के ठीक केद कोअ:।

आखरी हुलङ चेला को यीशु केको कजियजअ:, “नअ: दो देरी जना ओड़ो: नड़े तअ: कोरे जेतन नगर बनोगअ:। ने होड़ो कोके बिदा तकोम चि निकु सेन केअते जोजोम लाइ जानअ: कोको कीरिंग दड़ि कअ:।

मगर यीशु चेला कोके कजियाद कोअ:, “अपे इनकु के जोजोम लाइ जानअ: को ओमा कोपे!”इनकु जबाब को ओमा जअ:, “अले नेयअ: काले रिका दड़िअ:? अले तअ: रे सिरिफ पाँच टोअ: होलोङ ओड़ो: बरिया हुडिंग-हुडिंग हाकु मेना किनअ:।”

यीशु अयअ: चेला कोके कजियाद कोअ: चि एन भीड़ रेन होड़ो कोके तसाद रे पचास-पचास झुण्ड रे दुदुब लाइ कजियकोपे।

एनेद यीशु एन पाँच टोअ: होलोङ ओड़ो: बरिया हाकु किन के इदि केद स्वर्ग पअ: अरीद केदा, ओड़ो: एन जोजोमअ: लाइ परमेश्वर के धन्यबाद ओमा जाए।

एनेद यीशु होलोङ खंडव-खंडव केअते चेला कोके ओम इदियद कोअ: चि इनकु होड़ो कोके को हटिङ इदियको कअ। ओड़ो: इनि: एन बरिया हाकु केयो इनकु सोबेन कोके हटिङ यद कोअ:। चेला को एन जोजोमअ: कोके हटिङ इदि केदा को, ओड़ो: एना एकदम कअ छबा जना! इनकु सोबेन जोम केअते बी जनाको।

एना रअ: तयोमते चेला को बचाव लेन खंडव कद जोजोमअ: कोके जमा केदाको जे कअ जोम लेना ओड़ो: इनकु एन खंडव कन बचाव जोजोमअ: ते पेरे कन बारह डाली को उठाव केदा। एन सोबेन जोजोमअ: पाँच टोअ: होलोङ ओड़ो: बरिया हाकु कोएते हिजु लेना।