35. दयालु आबा गअ: कहनी

मुसिङ हुलङ यीशु ढेइर होड़ो कोके शिक्षा ओमा को ताइना। जे इनिअ: अयुम लाइ को जमा लेना। ने होड़ो को मालगुजारी इदि वाला को ओड़ो हडो एटअ: होड़ो कोयो को ताइकेना, जे मूसा का नियम के मानातिङ लाइ कको कोशिश लअ:।

हुडिङ लेका धरम अगुवा को नेल किजअ: को चि यीशु एन होड़ो को लोओ: गति लेका बकड़ तना। एनामेनते इनकु अको-अको रे नेयअ: कजि को एटेज केदा चि इनि: गलत तनाए। यीशु इनकु के बकड़ तनाए अयुम केद कोअ:, एनामेनते इनि: इनकु के ने कहनी उदुबद कोअ:।

“मियद होड़ो ताइकेना, इनिअ: बरिया होन कोड़ा किन ताइकेना। हुडिङ होन कोड़ा अयअ: अपु तेके कजियजअ:,‘हे आबा अञङ के नअ: गी अञङअ: सम्पति रअ: हिसा चाही!’ एनामेनते अपु ते अयअ: बरन होन कोड़ा किन के अयअ: सम्पति के हटिङ तद किना।”

“सेकड़ा गी अयअ: हुडिङ होन कोड़ा सोबेना के जमा केअते संगीन देश ते सेनो: जना ओड़ो: पापी जिनगी जीदेन रे अयअ: सोबेन सम्पति के बर्बाद केदा।”

“एना रअ: तयोमते जेतअ: रे हुडिङ होन कोड़ा ताइकेना, एन देश रे मियद भयंकर अकाल होबा जना ओड़ो: इनि: तअ: रे जोम को कीरिङ लाइ टकाओ कअ: ताइकेना। एनामेनते इनि: के जे कामी नम जना, एना सुकरी कोके गुपी ताइकेना। इनि: इमिन दुकु ओड़ो: रेगेंज ताइकेना चि इनि: सुकरी कोअ: चारा जोम सनङ ताइना।

आखिर रे, एन हुडिङ होन कोड़ा खुद रे कजि केदा, ‘अञङ नेतअ: रे चिनअ: चिका तनञङ? अञङअ: आबा तअ: रेन सोबेन दासी कोतअ: रे जोजोम लाइ इसु मेनअ:, मगर अञङ नेतअ: रे रेगेज ते गोजो तना। अञङ अञङअ: आबा तअ: रुवाड़ केनोगञङ ओड़ो: अञङअ: आबाए ते अरजी यञङ चि अयअ: मियद दासी लेका अञङ के दोहो किङ कअ।”

“एनामेनते एन हुडिङ होन कोड़ा अयअ: अपु तेतअ: ओड़ा रुवाड़ लाइ सेन एटेज केदा। जब इनि: संगीन रेगी ताइकेना, इनिअ: अपुते इनि: के नेल किजअ: ओड़ो: इनिअ: दिल दया ते पेरे जना। इनि: नीर केअते अयअ: होन कोड़ा तअ: हिजु लेना ओड़ो: इनि: के हम्बुद केअते चूमा किजअ:।”

“एन होन कोड़ा कजि केदा, ‘हे आबा, अञङ परमेश्वर ओड़ो: अमअ: बिरोध रेञङ पाप कदा। अञङ अमअ: होन कोड़ा कजियो लायको बंगुजाँ।”

“मगर अपुते मियद दासी के कजियजअ:, ‘सेकड़ा गी सेन केअते मियद सोबेने ते बेस लिजअ: अउवेम ओड़ो: अञङअ: होन कोड़ा के तुसिङइमे। इनिअ: ती: रे मुदाम ओड़ो: काटा रे जूता तुसिङइमे। ओड़ो: सोबेन कोएते बेस बछरू के गोजिम चि इनि: के जोमियाबू ओड़ो: परब बु मनावयअ, चियाची अञङअ: होन कोड़ा गोए लेना मगर नअ: दो इनि: जीद मेनाइया। इनि: आद लेनाए मगर नअ: दो अबु इनि: केबु नम किजअ:।’”

“एनामेनते होड़ो को परब को मनाव को एटेज। हुडिङ देरी बिताव जन चि मरंग होन कोड़ा ओते पीड़ी कामी ते हिजु लेना। इनि: दुरंग ओड़ो: सुसुन को अयुम केदा ओड़ो: ताजुब जना चि नेयअ:चिनअ: होबाव तना।”

“जब मरंग होन कोड़ा सरी जना चि इनकु नेयामेनते परब को मनाव तना चियाची इनिअ: हगा ओड़ा हिजु कना, दो इनि: इसु खींस जना ओड़ो: ओड़ा काए बोलो जना। इनिअ: अपुते बाहर ओडोङ केअते इनि: के इनकु लोओ: परब मनाव लाइ अरजी किजअ, मगर इनि: मना तजाए।

“एन मरंग होन कोड़ा अयअ: अपुतेके कजियजअ:, ‘ने सोबेन साल रे अञङ अमअ: लाइ मेहनइत ते कामी केदा। चिउलव अमअ: कजि कञङ मना कदा, मगर अम चिउलव अञङ के मियद हुडिङ मेरोमो कम ओमा दिङअ: चि अञङ अञङअ: गति कोलो जोम नु दड़ि कञङ। मगर अमअ: ने होन कोड़ा अमअ: टका कोके पाप कामी रे बर्बाद कदा। ओड़ो: जब नी हिजु लेना दो इनि: लाइ ते परब मनाव लाइ अम सोबेन कोएते बेस बछरू केम गोए किजअ:।’”

“अपुते जबाब ओमा जअ, ‘हे अञङअ: होन कोड़ा अम जनाव अञङअ: लोओ: मेनामअ ओड़ो: जे नअ: को अञङअ तना, एना सोबेनअ: अमअ: तना। मगर नअ: अबु लाइ परब मनातिङ ठीक मेनअ:, चियाची अमअ: हगा गोए लेना, मगर नअ: इनि: जीद मेनाइअ:। इनि: आद लेना, मगर नअ: दो अबु इनि: केबु नम लिजअ:।”