38. यीशु केको सब इका ताइया

हर साल यहूदी होड़ो को फसह परब को मानातिङ ताइना। नेयअ: रअ: बारे मियद रासिका ताइकेना चि चिमिन सौ साल सिदा परमेश्वर इनकुअ: पुरखा कोके मिस्र देश रअ: गुलामी ते छोड़ाव लेद कोअ:। यीशु पहली बेर होड़ो कोअ: थला रे परचार ओड़ो: शिक्षा ओम एटेज केद रअ: लगभग तीन साल तयोमते यीशु अयअ: चेला कोके कजियद कोअ: चि इनि: ने फसह परब के इनकु लोओ: यरूशलेम शहर रे मानवय सनङ तना ओड़ो: नेआव गी चि इनिके यरूशलेम शहर रेगी को गोजीअ:।

यीशुअ: चेला को मेसे रे यहूदा नुतुम मियद होड़ो ताइकेना। यहूदा के यीशुअ: खास चेला कोअ: टका को थैला दोहो रअ: जिमेदारी ताइकेना, इनि: जनाव गी एन थैला ते टका को चोराव ताइना। यीशु ओड़ो: इनिअ: चेला को यरूशलेम शहर सेटेर जन रअ: तयोमते यहूदा यहूदी अगुवा को तअ: सेटेर जना। इनि: पैसा रअ: बदला रे अधिकारी कोके यीशुअ: चिन्हा उदुब केअते इनि: के इनकुअ: ती रे ससाब रअ: प्रस्ताव मंडाव केदा। इनि: सरी ताइनाए चि यहूदी अगुवा को कको मानातिङ ताइना चि यीशु गी मसीह तनी। इनि: सरी ताइनाए चि इनकु इनि: के गोगोज को सनङ तना।

मरंग पुरोहित गअ: कजि रे यहूदी अगुवा को यीशु के इनकुअ: ती रे ससाब लाइ यहूदा के तीस ठू चाँदी रअ: सिक्का को ओमा जअ:। नेयअ: एन लेका गी होबा जना, चिलका भविष्यवक्ता कजि लअ: चि होबाव गअ। यहूदा पती जना ओड़ो: पैसा इदि केअते सेनो: जना। इनि: यीशु के साब इका मेनते इनकुअ: देंगा लाइ मोका कोए संगार ताइना।

यरूशलेम शहर रे यीशु अयअ: चेला कोलोओ: फसह परब मनाव केदा। फसह परब रअ: भोज इमतंग यीशु होलोङ इदि केअते खंडुज केदा ओड़ो: कजि केदा, “नेयअ: के इदि पे ओड़ो: जोमे पे। नेयअ: अञङअ: होड़मो तना, जे अञङ अपे लाइ ओमापे तनञङ। नेयअ: के अञङअ: याइद रे रिकाय पे।” ने लेका ते यीशु कजि केदा चि इनि: इनकु लाइ गोए केनोगाए ओड़ो: इनकु लाइ इनि: अयअ: होड़मो के दाड़े रकाबेअ:।

एनेद यीशु मियद दाखरस रअ: डुभा इदि केदा ओड़ो: कजि केदा, “नेयअ: के नू केपे। नेयअ: नावा करार रअ: अञङअ: मयोम तना, नेयअ: के अञङ दुलेञङ, नेयअ: मेनते चि परमेश्वर अपेअ: पाप कोके क्षेमाकाए। अपेयो एना गी रिकाए पे, जे नअ: अञङ नअ: रिका तनाइङ नेयअ: मेनते चि हर बार जब अपे नेयअ: पे नूयअ अञङ के पहामीञङ पे।”

एनेद यीशु अयअ: चेला कोके कजियद कोअ:, “अपे में से मियुड़ अञङ के सब इकाञङअ।”चेला को ताजुब जना को ओड़ो: कुपली जना को चि ओकोय नेकाय कामी यअ:। यीशु कजि केदा, “अञङ के सब इकाञङ होड़ो इनि: तनी जे नी: के अञङ ने खंडुइअ: कअ: होलोङ ओमायञङ।” एनेद इनि: एन होलोंङ के यहूदा के ओमाजाए।

एन होलोङ के इदि केद रअ: तयोमते यहूदा गअ: रे शैतान बोलो जना। यहूदा ओडोङ केअते यीशु के साब इका लाइ यहूदी अगुवा कोअ: देंगा मेनते सेनो: जना। नेयअ: अयुब रअ: समय ताइकेना।

जोम केद रअ: तयोमते यीशु ओड़ो: अयअ: चेला को जैतून पर्वत को सेनो: जना। यीशु कजि केदा, “अपे सोबेन इसीङ अयुब अञङ के बगि ताञङअ: पे। नेयअ: ओला कना, अञङ चरवाहा के गोजिञङ ओड़ो: सोबेन मिण्डी को छितीर-बितीर केनोगअ: को।”

पतरस जबाब ओमा जअ, “भले गी बचाव कन सोबेन होड़ो: को अम के बगि तमाको, अञङ कञङ बगिमअ:।”एनेद यीशु पतरस के कजियजअ:, “शैतान अपे सोबेन कोके इदि सनङ तना, मगर हे पतरस, अञङ अम लाइ बिनती कदाञङ चि अम बिश्वसेते अलोम बगियोकअ। एनरेओ इसीङ अयुब सिमअ: रअ: सिदा रे अम तीन बार मनायम चि अम अञङ के कअ गी सरीयम।”

पतरस एनेद यीशु के कजियजअ:, “भले गी अञङ गोए केनो गञङ, मगर अञङ अमअ: कञङ मनायअ:।”सोबेन चेला कोयो नेका गी को कजि केदा।

एनेद यीशु अयअ: चेला कोलो: गतसमनी नुतुम रअ: मियद बगाइचा रे सेनो: जना। यीशु अयअ: चेला कोके बिनती लाइ कजियद कोअ: नेया मेनते चि शैतान इनकुअ: परीक्षा अलोए इदि कअ:। एनेद यीशु आए बिनती लाइ सेनो: जना।

यीशु तीन बार बिनती केदा, “हे अञङअ: आबा अगर होबा दड़िओ रेदो दया केअते ने दुकु रअ: प्याला के नू लाइ अलोम कजिञङअ:। अगर होड़ो कोअ: पाप क्षेमा लाइ ओडो: जेतन होरा बनोओ रेदो अमअ: सनङ गी पुराव कअ:।” यीशु इसु बेचाइन ताइकेना ओड़ो: इनिअ: बलबल दाअ: मयोम टीपा लेका ताइकेना। इनि: के पेड़े ओम लाइ परमेश्वर मियद स्वर्गदूत के कुल किजअ:।

हर बेर बिनती केद रअ: तयोमते यीशु अयअ: चेला कोतअ: रुवाड़ जना, मगर इनकु दुड़ुम लेना को। जब यीशु तीसरा बेर रुवाड़ जना दो इनि: कजि केदा, “एहेन केनो:पे! अञङ के साब इका नी नेतअ: रीअ:।”

इमतंग गी यहूदी अगुवा को, पलटन को ओड़ो: मियद मरंग भीड़ लोओ ते यहूदा हिजु लेना। इनकु तलवार को ओड़ो: लाठी कोको सबा कद ताइना। यहूदा यीशु तअ: हिजु केअते कजियजअ:, “हे गुरु जोहार,” ओड़ो: इनि: के चूमा किजअ:। इनि: साब इकाए वाला होड़ो के यहूदी अगुवा को सरी कको मेनते नेका रिका लअ:। एनेद यीशु कजि केदा, “हे यहूदा, चिनअ: अम मियद चूमा ते अञङ के सब इकाञङ तनम?”

जब एन पलटन को यीशु केको सबी ताइना इमतंग पतरस अयअ: तलवार ओडोङ केअते महापुरोहित गअ: मियद दासी गअ: लुतुर के खंडुइअ तदा। यीशु कजि केदा, “तलवार के संगीनेम! अञङ अञङअ: आबाए ते अञङ के बचाव लाइ स्वर्गदूत कोअ: मियद सेना लाइ अरजी दड़िञङ। मगर अञङ के अञङअ: आबा गअ: कजि मानातिङ मेनअ:। एनेद यीशु एन होड़ो गअ: लुतुर के ठीक तदा। एनेद सोबेन चेला को नीर जना को।