39. यीशु गअ: मुकदमा सेसेना

नअ: थला निदाकन ताइकेना। एन पलटन को यीशु के महापुरोहित गअ: ओड़ा को आउ लिजअ:, चियाची इनि: यीशु के सवाल कुली सनङ ताइना। पतरस संगीने तेगी इनकुअ: पीछा ताइना। जब पलटन को यीशु के ओड़ा को आउ लिजअ: दो पतरस बाहर रे तिंगु केअते सेंगेल तअ: रे जुरुबेन ताइना।

ओड़ा भीतर रे यहूदी अगुवा को यीशुअ: चेतन रे मुकदमा को चलाव केदा। इनकु इनिअ: बिरोध रे झूठा कजि को कजि लाइ इसु थिम्बा झूठा गवाह कोके को आउ केद कोअ:, मगर इनकुअ: कजि को अको-अको रेओ मिद लेका कअ: ताइकेना, एनामेनते यहूदी अगुवा को नेयअ: साबित कको दड़ि जना चि इनि: जन कजि कोरअ: दोषी मेनाइअ:। यीशु चिनाव काए कजि केदा।

आखरी रे महापुरोहित सीधे यीशु के नेल केअते कजि केदा, “अले के उदुबलेम चि चिनअ: अम जीद परमेश्वर गअ: होन कोड़ा मसीह तनमे?”

यीशु कजि केदा, “हाँ अञङ तनीङ, ओड़ो: अम अञङ के परमेश्वर लोओ: दुबा कन ओड़ो: स्वर्ग ते हिजु तनो नेलिञङअ:।”महापुरोहित अयअ: लिजअ: के चगाड़ केदा, चियाची जे यीशु कजि लअ: इनि: एन कजि ते इसु खींस जना। इनि: एटअ: अगुवा कोअ: रे गुल केदा, “अञङ के नेयअ: उदुब लाइ जाए एटअ: गवाह रअ: जरूरत बनोगअ: चि ने होड़ो चिनअ: चिका कदा। अपे खुद गी इनि: के नेयअ: कजि तन पे अयुम किजअ: चि इनि: परमेश्वर गअ: होन कोड़ा तनी। इनिअ: बारे रे अपेअ: चिनअ: बिचार मेनअ:।

सोबेन यहूदी अगुवा को महापुरोहित के जबाब को ओमा जअ:, “इनि: गोजो लाएक मेनाइअ:।”एनेद इनकु यीशु गअ: मेद रे पट्टी को तोल केदा, इनिअ: रेको बेए केदा, इनि: के बीड़ा किजअ: को ओड़ो: इनिअ: मजाक को उड़ाव केदा।

ओड़ो: पतरस, जब इनि: ओड़ाए ते बाहर रे तंगी ताइना, इमतंग मियद दासी कुड़ी इनि: के नेल किजअ:। इनि: पतरस के कजियजअ:, “अमो यीशु लोओ: ताइकेनम!” पतरस मना केदाए। तयोमते एटअ: कुड़ीओ ने कजि केगी कजि केदा, ओड़ो: पतरस एन रेओ मना केदाए। आखरी रे होड़ो को कजि केदा, “अले सरीयले चि अम यीशु लोओ: ताइकेनाम। चियाची अबेन बरनकिन गलील परदेस रेन तनबेन।”

एनेद पतरस कजि केदा, “अगर अञङ ने होड़ो के सरी रेदो परमेश्वर अञङ के श्राप ओमाञङ कअ:!”सेकड़ा गी पतरस गअ: ने लेका किरिया जोम केद रअ: तयोमते मियद संडी सिम रअ: केदा। यीशु दोयाते हेता रुवाड़ केअते पतरस के नेल किजअ:।

पतरस एनताए ते सेनो: जना ओड़ो: जोर-जोर ते केदा। इमतंग गी यीशु के सब इका वाला यहूदा नेल किजअ: चि यहूदी अगुवा को यीशु के गोजो रअ: सजा को ओमा जअ:। यहूदा इसु दुकु जना ओड़ो: सेनो केअते अजे तेगी गोए जना।

नअ: दो एन देस रेन राज्यपाल पिलातुस ताइकेना। इनि: रोम देस लाइ कामी ताइनाए। यहूदी अगुवा को यीशु के इनि: तअ: को आउ लिजअ:। इनकु सनङ ताइनको चि पिलातुस इनि: के गोजो रअ: सजा ओमाइ कअ: ओड़ो: इनि: के गोजी कअ:। एनेद पिलातुस यीशु के कुली किजअ:, “चिनअ: अम यहूदी कोअ: राजा तनमे?”

यीशु जबाब ओमा जअ:, “अम सरती गी कजि केदाम। मगर अञङअ: राइज नेतअ: ओते दिसुम रअ: नअ: लअ:। अगर तना रेदो अञङअ: दासी को अञङअ: लाइ को लड़ाई ते। अञङ ने ओते दिसुम रे परमेश्वरअ: बारे रे सच्चाई के उदुब लाइ हिजु कनञङ। सोबेन मियद होड़ो जे सच्चाई ते दुलाड़ेअ: इनि: अञङअ: अयुमेअ:।” पिलातुस कजि केदा, दो सच्चाई चिनअ: तना?”

यीशु लोओ: बकड़ केद रअ: तयोमते पिलातुस बाहर भीड़ रे सेन केअते कजि केदा, “अञङ जेतन कारण काइन नम केदा चि ने होड़ो गोजी लाएक मेनाइया।” मगर यहूदी अगुवा को ओड़ो: भीड़ रेन होड़ो को जोर तेको कजि केदा, “इनि: के क्रूस रे रकाबी पे!” पिलातुस जबाब ओम केदा, “इनि: जेतनाव गी गलत कामी रअ: दोषी बंगुजअ:। मगर एन रेओ इनकु ओडो: गी जोर ते गुल केअते को कजि केदा। एनेद पिलातुस तीसरा बेर कजि केदा, “इनि: दोषी नअ: लाए!”

पिलातुस बोरो जनाए चि एन भीड़ रेन होड़ो को दंगा को एटेज तअ:, एनामेनते इनि: अयअ: पलटन को यीशु के क्रूस रेको रकाबी कअ मेनते हे केदा। रोमी पलटन को यीशु के कोरड़ा तेको बीड़ा किजअ:, इनि: के राजसी लिजअ: को तुसिङ किजअ:, ओड़ो: इनि के बो रे जनुम रअ: बाइया कन मुकुट को तुसिङ ताइजा। एनेद इनकु नेयअ: कजि केअते इनिअ: मजाक को उड़ाव केदा, “नेलिपे यहूदी कोअ: राजा!”