40. यीशु के क्रूस रेको रकाबीअ:

यीशु गअ: मजाक उड़ाव केद रअ: तयोमते, पलटन को इनि: के क्रूस रे रकाबी लाइ को इदि किजअ:। इनकु एन क्रूस के इनि: केगी को उठाव इका किजअ:, जे तेअ: रे इनि: के गोजो ताइकेना।

एन पलटन को इनि: के एन ठयाद रेको आउ किजअ:, जे “खोपड़ी” कजियो ताइना। ओड़ो: इनिअ: ती ओड़ो: काटा के क्रूस रेको ठोकव केदा। मगर यीशु कजि केदा, “हे आबा, निकु के क्षेमा तकोम, चियाची निकु कको सरीया चि निकु चिनअ: को चिका तना।” इनकु इनिअ: बो चेतन रे क्रूस रे मियद तख्ता केओ को डुंगा तदा। एना रे ओला कन ताइकेना, “यहूदी कोअ: राजा।” पिलातुस इनकु के नेयअ: गी ओल लाइ कजि लेद कोअ:।

एनेद पलटन को यीशु गअ: लिजअ: को लाइ चिट्ठी को सजू केदा। जब इनकु नेका केदा को दो इनकु एन भविष्यवाणी केको पूरा केदा, जे नअ:रे कजि लेना, “इनकु अञङअ: लिजअ: कोके अको-अको रेको हटिङ केदा, ओड़ो: अञङअ: लिजअ: को लाइ चिट्ठी कोको सजू केदा।”

एनता रे बरिया डाकू कीनो किन ताइकेना, पलटन को इनकिन के इमतंग गी क्रूस रेको रकब लेद किनअ:। इनकु इनकिन के यीशु गअ: बरन पअ: रेको दोहो लेद किना। एन मे से मियद डाकू यीशु गअ: मजाक उड़ाव केदा, मगर एटअ: नी कजि केदा, “चिनअ: अम कम बोरोया चि परमेश्वर अम के सजा ओमामअ:? अलङ दो ढेइर एटकन कामी कोके कमि कद रअ: दोषी लंग ठहराव कना, मगर ने होड़ो निर्दोष मेनाइअ:।” एनेद इनि: यीशु के कजियजअ:, “जब अम अमअ: राइज हिजु रेदो दया केअते अञङ के पहामिङ मे।” यीशु जबाब ओमा जअ:, “इसिङ गी अम अञङ लोओ: स्वर्ग राइज रेम ताइना।”

एनेद यहूदी अगुवा को ओड़ो: भीड़ रेन एटअ: होड़ो को यीशु गअ: मजाक को उड़ाव केदा। इनकु इनि: केको कजियजअ:, “अगर अम परमेश्वर गअ: होन कोड़ा तनमे रेदो क्रूसेते लतार अड़गुन मे ओड़ो: खुद के बचावेन मे। एनेद अले अमअ: चेतन रेले बिश्वसेअ:।”

एनेद गोटा देश रे रिमिल कुलकुल हेंदे जना, भले गी एन हुलङ थला सिंगी रअ: समय ताइकेना। नेयअ: थला तिकिन रअ: समय रे हेंदे लेना ओड़ो: तीन घंटा जकेद नेका गी ताइकेना।

एनेद यीशु हकाव केअते कजि केदा, “पूरा जना! हे आबा अञङ अञङअ: आत्मा अमअ; ती रेङ जिमा तना।”एनेद इनि: अयअ: बो के लतार केदा ओड़ो: अयअ: जीउ के अड़अ: तदा। जब इनि: गोए जना दो मियद भूकम्प हिजु लेना। एन मियद पर्दा जे परमेश्वर गअ: हाजरी ते होड़ो कोके जुदा को ताइना, चेताने ते लतार चेचअ: केअते बरिया भाग बाइ जना।

अयअ: गोनोज ते यीशु होड़ो को लाइ परमेश्वर तअ: हिजु रअ: होरा खोलाव केदा। जब यीशु गअ: पहरादार ताइन केन मियद पलटन जे नअ: को होबा लेना नेयअ: सोबेनअ: नेल केद चि कजि केदा, “पक्का गी ने होड़ो निर्दोष ताइकेना। नी परमेश्वर गअ: होन कोड़ा ताइकेना।”

एनेद युसुफ ओड़ो: निकुदेमुस नुतुम बरिया यहूदी अगुवा किन हिजु लेना। इनकिन बिश्वास ताइकेना किन चि यीशु गी मसीह ताइकेना। इनकिन पिलातुस के यीशु गअ: होड़मो किन असी किजअ:। इनकिन इनिअ: होड़मो के लिजअ: तेकिन लिपटव केदा। एनेद इनकिन एना के मियद सेरेंग के हद केअते बाइया कन कब्र रेकिन इदि केदा: ओड़ो: एना रअ: भीतर रेकिन दोहो केदा। एनेद इनकिन एन कब्र रअ: दुवार के तेपेद लाइ मियद मरंग चेपटा दीरी केकिन गुली तदा।