22. २२. युहन्ना जन्मो

शेवटीम, परमेश्वराय तिया भविष्यवक्ताहा आरी गोठ्या केअया. तियाल तेअ लोकाहा आरी गोठ्या किई सेकतले. परंतू तिया समयामे लिईन फाची ४०० वोरेहे लूग तियाय तियाहासे गोठ्या नाहा केअया का ताहा परमेश्वराय जकर्याह नावा भविष्यवक्ता पाही एक होरगा दूत मोकल्यो. जकर्याह आन तिया पत्नी एलीशिबा परमेश्वरा आदर केअतले आथे. ते खुबुज डाये विई गेह्ले आथे. आन तिया एकबी संतान जन्मूला नाय आथो.

तिया होरगा दूताय जकर्या हाय आख्यों. “ तोअ पत्नील एक पोयरो जन्म लीई. तू तिया नाव युहन्नो भवजे परमेश्वर तियाल पवित्र आत्मकी परिपूर्ण केरी, आंन युह्न्नो लोकाहान मसीहाल स्विकार केरा खातोर तियार केरी. जकयाय जवाब देदो. आंय आन माओ पत्नी पोयराल उत्पन्न केरा खातोर खुबुज ढाये हाय. आंय केह्की होमजू का तूं माआसे खेरोज आखतोंह?

तिया होरगादुतांय जकर्याल जवाब देदो, “तोअ इही इया हारा संदेशाले लां खातोर आंय परमेश्वरा इहीने आलोह काहाका लूंये माआवे विश्वास नाहा केअयो, तियाल पोयरो जन्म लेअनू लूग तूं गोगनूम सक्षम नाय रेहो.” तुरतूच जकर्याह गोगनूम असमर्थ बनी गियो. ताहा तोअ होरगादूत जकर्याहे इहीने वापस गियो. तिया बाद जकर्याह कोअ आलो आन तिया पत्नी गर्भवती बली.

जाहा एलीशीबा साहा मोयना गर्भवती आमी ताहा तोज होरगादूत अचानक से एलीशीबा जातूलाहावे प्रगट वेअयो. जियो नाव मरियम आथो. मरियम कुंवारी आथी आन विखड वेरा खातोर युसुफ नावा पुरुषा आरी मांगनी वेअली आथी. होरगा दूतांय आख्यों, “ तू गर्भवती वेअहो आन एक पोयराल जन्म देहो. तूल तियो नाक यीशु थोवजे . तोअ सर्वशक्तीमान परमेश्वरा पुत्र वेरी आन कायम माहे राज्य केरी.

मरीयमाय जबाब देदो, इं केह्की वेरी, काहाका आंयता कुंवारी हाय? तिया होरगा दूतांय होमजावी, “ पवित्र आत्मा तोअवे आवी आन परमेश्वरा सामर्थ्य तोअवे सांवाली केरी. तियाल तोअ बालक पवित्रवेरी. आन तोअ परमेश्वरा पोयरो वेरी.” जों तिया होरगा दुतांय आखलों तियावे मरियमाय विश्वास केअयो.

इं वेअनू तुरतूज मरीयमाय जाईन एलिशीबाल भेट केअयी का जेह्की मरियमाय तीयोल नमस्कार केअयो. एलिशीबा बालक तिया माजमे उछुलनू तिया खातोर परमेश्वराय जो केअलो आथो तिया बाबतीम इं बाया आनंदीत वेअया. एलीशीबा आरी साथ मोयना रेवनू बाद, मरियम वापस आली.

तिया बाद, एलिशीबाय तियो बाळाल जन्म देदो. जकर्याह आन एलिशिबाय तिया बाळका नांव युहन्नो थव्यों. जेह्की होरगा दुतांय आदेश देदलो आथो. ताहा परमेश्वराय जकर्याल भोग तियार (सक्षम) केअयो. जकर्याहाय आख्यों, “ परमेश्वरा स्तुती वे काहाका तियाय तिया लोकाहान संहायता केरा आठवण रांखीही. ओ माआ पोयरा. तूं सर्वशक्तीमान परमेश्वरा भविष्यवक्तो वेहो. तूं लोकाहाने आखोह का ते केह्की.