21. २१. परमेश्वर मसीहा प्रतिज्ञा केहे

जाहा परमेश्वराय जगा निर्मिती केअयी, तोअ जांतला आथो का तियाल एक दिही मसीहील मोकल्या पडी. तियाम आदय आन हवाल प्रतिज्ञा केअयी का तोअ ऐहेकी केरी. तियाय आख्यों का हवाकी एक वंश जन्म ली जो हापा मुनकाल फडी. जिया हापाया हव्वाल धोको देदलो तो सैतान आथो. परमेश्वरा आखनू आथो का मसीहा पुरीरीतीकी सैतानाल हारावी दी.

परमेश्वराय अब्राहाया आरी प्रतिज्ञा केअली आथी का तियाद्वारे जगा बादया जात्या आशीषित वेरी. परमेश्वर नंतर ऐकदा समय मसीहील मोकलनूद्वारे इस प्रतिसाले पुरो केरी तो मसीहा जगा हर एक जाती मेने लोकाहान तियाहा पापाहाकी सोडवी.

परमेश्वराय मुसाल प्रतिज्ञा केअली आथी का भविष्याम तो मुसा होय एक अन्य भविष्यवक्ताल मोकली. ओ भविष्यवक्तो मसीही वेरी. इओ रितीकी, परमेश्वराय बापस प्रतिज्ञा केअयी का तो मसीहील मोकली.

परमेश्वरा राजा दाऊदासे प्रतिज्ञा केअयी का तिया एक वंशज मसीही वेरी. तोअ राजा वेरी आन परमेश्वरा लोकाहावे कायम खातोर राज्य केरी.

परमेश्वराय यिर्मया भविष्यवक्ता आरी गोठ केअयी का आन आख्यों का एक दिही तो एक नवी वाचा बांदा तो नवो करार इस्त्राएला आरी सिनाय पर्वता वे बांदी जुनी वाचो होच नाय रे. जाहा लोकाहां आरी ती तिया नवो करार बादी तो तियाहावे स्वतः व्यक्तीगत रूपा की प्रगट केरी. प्रत्येक व्यक्ती तियावे प्रीती राखी आन तिया नियम पालनु इच्छा केरी. परमेश्वराय आख्यो का ओ तिया तियाहान ह्रुदयाम लेखी देवनू सारखो हाय. ते तिया लोक वेरी आन परमेश्वर तियाहो पापाहान माफ केरी तोअ मसीह वेरी जो तियाहा आरी तियो तियाहा पापाहा माफी मांगी सेकताह.

जियाल मोकलून परमेश्वरा प्रतिज्ञा केअली आथी, तोअ मसीही एक सिध्द भविष्यवक्तो वेरी. अर्थात तोअ मसीही परमेश्वरा संदेशाहान हारी रिती हिकवी.

इस्त्राएली याजकाहांय लोकाहां खातोर परमेश्वरा हुंबूर बली चढवून चालूच अखलो इं बलीदान लोकाहा पापाता खातोर तियाहान परमेश्वरा द्वारे दंडीत केअनु जागावे चढवूतले आथे. याजकाहाय लोकाहां खातोर प्रार्थना केअयी. पेन तोंअ मसीही सिध्द माहायाजक वेरी, जो परमेश्वराल दां खातोर एक सिध्द बली रूपाम स्वतः चढवी दी. अर्थात तोअ कधीही पाप नाय केअ. आन जाहा तोअ स्वतः बली वेरा खातोर दीई. तोअ जगा केअल्ली बी अन्य (बिहरी) बली आवश्यक नाय वेअ.

लोकांहा समुताहा राजा राज्यो केअताला आन कधीही-कधीही ते गलती केअतहा. राजा दाऊदाय केवल इस्त्राएलियाहावे राज्यों केअयो. पेन दाऊदा वंशज मसीह पुरा जगावे राज्य केरी. आन तोअ कायम मोट राज्य केरी. इयाल सोडीन, तोअ कायम न्यायपर्ण रितीकी राज्य केरी. आन खरा निर्णय लीई.

परमेश्वरा भविष्यवक्ताहान मसीहा बाबतीय खूबूय गोठ्या आख्या उदाहरणा खातोर, मलाकी आखे का मसीहा आवनू पेअला अमूक-अमूक भविष्यवक्तो आवी. तोअ भविष्यवक्तो खूब महत्वपूर्ण वेरी. इया व्यतिरिक्त, यंशायाहाय लेख्यो का मसीही एक कवारी से जन्म ली. आने मीका भविष्यवक्तो आखेहे मसीहा बैतलहय नगराम जन्म लीई.

यशाया भविष्यवक्तो आखे, का मसीही गलील भागाम फीऱ्या केरी. जे लोक खूब दुखी बय मसीही तियाहान शांती दी. तोअ कैद्याहान सोडवीन आजाद केरी. मसीही बिमाराहान आन जे उनाता नाहा, देखी नाहा सेकता गोगी नाहा सेकता किंवा चाली नाहा सेकता तियाहान हारो केरी.

यशाया भविष्यवक्ताय इंबी आख्यों का लोक मासीहील नफरत केरी आन तीयाल स्वीकार केअनु से इन्कार केरी. अन्य भविष्यवक्ताहाय आख्यो की मसीह एक साथी तिया विरूद उठी. जकर्याह लोकाहासे चांदी तीस सिक्का ली. इया व्यतिरिक्त काही भविष्यवक्ताहाय आख्यों का लोक मसीहील माय टाकी. आन इंबी केरी का तिया फाडका खातोर सहो रवि.

भविष्यवक्ताहाय इंबी आख्यों का मसीही केहेकी मरी. यशायाय भविष्यद्वानी केअयी का लोक तीयावे यूपी. तिया मजाक उडावी आन तियाल ठोकी, ते तियाल भालो टोची आन यातनाम मोय जाय. जेह्की तियाय कायज गलत नाहा केअयो.

भविष्यवक्ता हाय इंबी आख्यों का मसीही पाप नाय के. तोअ सिध्द बेरी. परंतू तोंअ तियाल मोरी परमेश्वर तियाल अन्य लोकाहां पापाहा काखे दंडीत केरी. तिया मोअनू से लोक परमेश्वरा आरी मेल केरा सक्षम वेरी. तियाल परमेश्वर चाहातलो का मसीही मोय जाय.

भविष्यवक्ताहाय इंबी आख्यों का पामेश्वर मसिहाला मोअलामेने जीवतो उठवी इं देखावे का इंबादे नवो करार केरी परमेश्वरा योजना आथी. ताकी तोअ तिया लोकाहान वाचावे. जियाहाय तिया विरुध्द पाप केअयो.

परमेश्वराय भविष्यवक्तावे मसीहा बाबतीत खुबुज गोग्या प्रगट केअया. परंतू मसीह इया भविष्यवक्ताहा केढावी जीवन कालाम नाहा आलो. इया भविष्यवक्ताहा देवनू बाद ४०० से जाह्के वोराहा बाद खेरा समयावे परमेश्वराय यसीहाल इयाजगाम मोकली.