26. २६. इसू तिया सेवकाई सुरवात केहे

सैताना परिक्षावे वीजय मिळवीन येशू पवित्र आत्माकी परिपूर्ण विईन तोंअ रेतलो तिया ठिकाणी गलील इया ठिकाणी वापस आलो.येशू परमेश्वरा वचना शिक्षण देतो खुबुज जागे जातो आथो .प्रत्येक जां तिया विषयी हारोंज आखतो आथो .

येशू हानेने रेतलो तिया ठिकाणी नासरेत इया ठिकाणी गियो .शब्बाथ दीही तोअ उपासना केरा तिही गियो .तीयाहाय तीयाल यशाया पुस्तका एक भाग वाचा देदो,येशूय तिया यशाया पुस्तकामेने काहीं भाग लोकाहा हुंबुर वाच्यो .

येशूय वाच्यो,”पर्मेश्वराय तिया आत्मो मान देदोह,’तोअ इया खातोर का गरिबाहान सुवार्ता आंखा,तेअंरालाहान सोडवा,आंदलाहान देखावा,कोंडालाहान सोडवी दां खातोर,इया घोषणा केरा,परमेश्वरा कृपा वोराहा घोषणा केरा .

त्यानंतर येशू नीचे बोठो.प्रतेकाय तीयाल हारीरिती वेअयोय. तीयाहान मालूम आथो का येशूय वाचलो शास्त्रामेने ओ भाग येशू ख्रिस्ता बद्दल हाय.येशू आखे,‘‘ ओ शास्त्रलेख आज तुमा उनाता पुरो वेअयो .’’तांह बादा हान आचर्या वाटयो .‘‘ओ योसेफा पोयरो ने? ’’ तेअ आखा लाग्या .

फाची येशू आखे,‘‘ केअलाबी संदेष्ट्टातिया गावाम मान मिळतो नाहा .एलीया संदेष्टा काळाम इस्राएलाम अनेक विधवा आथ्यां . परंतू जांहा साडेतीन वोरेंह दुष्काळ पडयो तांहा देवाय इस्राएलांमेने विधवांहान मदत केराखातोर एलीयाल मोकल्यो नाहा, तर परराष्ट्रीय विधवाहान मदत केराखातोर मोकल्यो .’’

येशू आगाडी आखे, ‘‘आन अलीशा संदेष्टा कालाम इस्राएलाम अनेक कुष्ठरोगी आथा.परंतू अलीशाय तीयाहामेने केढालूज हारो नाहा केअयो .तियाय फक्त नामाना कुष्ठरोग हारो केअलो, तोअ इस्राएला शत्रूंहुं सेनापती आथों .’’येशू भाषण उनानारा लोक यहूदी आथा .म्हणुन जांहा तेअ इं उनाया, तियाहान तिया खूप राग आलो .

नासरेथामेने लोकांहांय येशूल तिईन आचकूता डोंगा कडावेने फेकीन तीयाल जीवतो मारा तीयाल लीई गिया.परंतु येशूय गर्दीमेने वाट काडीन, नासरेथ नगर सोडयो

मग येशू गालिल प्रांतामेने प्रवास केअंतो गियो आं पुष्कळ लोक तिया इही आला .तियाहाय तिया इही अनेक आजारी, अपंग, आंधळे,पांगले, बेरे, व मुके लोकाहान लिई आले आंन येशूय तियाहान हारे केअंयें .

पुतडे लागले एहेडा अनेक लोकाहान येशूइही लिई आला .येशू आद्न्याकी, तेअं पुतडे मनुष्यांमेने बारें निग्ये आंन खुबुजदा बोंबलीन आखे ‘‘तू देवा पोयरो हाय!’’ मोडा जनसमुदायांय आश्चर्यचकीत विईन देवा उपासना केअयी.

ताहा येशूय बारा शिष्यांहा निवड केअयी, तियाहान येशू प्रेषित आखतलो .ते प्रेषित इसू आरी प्रवास केअंता आन तिया ईहिने हिकता आथा .