27. २७. हारा शोमरोना गोठ

एके दिही, यहूदी धर्मशास्त्रा विषयी जानकारी जांणारो एक व्यक्ति येशू परिक्षा वेराखातोर आवीन आखे,‘‘गुरुजी सदामाटे जीवन प्राप्त केराखातोर आंय काय किंव?’’येशूय उत्तर देदो,‘‘देवा नियमशास्त्राम काय लेखलो हाय?’’

तियाय आख्यो,‘‘तू तोअ देव इयावे पूरा मनाकी, पुरा जीवाकी आंन पुरी शक्तिकी प्रीती केअ.आन जेह्की स्वत;वे तेह्की शेजा-यावे प्रीति केअ’’येशूय आख्यो,‘‘अगदी बरोबर उत्तर देदो!इं केअ म्हणजे तू सदामाटे जगोह.’’

पेन धर्मशास्त्रा पंडित स्वत:ला धार्मीक ठरवूतो आथो तीयाल तियाय पुछ्यो,‘‘मा शेजारयो केडो हाय?’’

येशूय एक गोष्ट आखीन तिया धर्मशास्त्र पंडिताल उत्तर देदो.‘‘एक यहुदी मांहू यरुशलेमेने यरीहो नगराम रस्त्याकी जातो आथो.’’

‘‘तो मांआहू रस्ताकी जातलो ताहा, लुटारुंहुंय तियावे हमलो केअयो.तियाहाय तीयावे जो काय आथो तोंअ पेचकी लेदो आंन तीयाल मारहाण किईन आरदो मोअंला समान सोडी देदो. फाची तेअ तिहीने निगी गिया.

‘‘ तिया बाद तुरुतुच, एक यहूदी याजक तियाच रस्त्याकी निचे चालतो आलो.जांहा इया धार्मिक पुढा-याय वेअयो की इया माआहाल लुटारुंहुंय लुटलो हाय, आर्दा मोअंला समान हाय, तोअ रस्ता बिहिरी बाजुने गियो, तीयाल मदती गरज आथी तीयोल दुर्लक्ष किईन आगाडी निगी गियो.

‘‘तिया नंतर थोडाच वेळाकी, एक लेवी तियाच रस्त्याकी आलो.(लेवी ए यहूदी लोकांहामेने एक गोत्र आथो जे मंदिरा सेवाम याजकांहा मदत केअता आथा.)लेवीयबी तिया माआहावेल, जियाल लुटारुंहुंय लुटलो आन मारहाण केअलो, दुर्लक्ष किईन आन बिहिरी वाटिकी निगी गिया.”

‘‘तियाहा फाचाडीने आवनारो तिसरो माआहुं एक शोमरोनी आथो.(शोमरोनी ए यहूदी वंशामेने परराष्ट्रीयांहा आरी वोराडे केअला लोक आथा.)(शोमरोनी आन यहूदी एकबिजा दोष केअता आथा.)परंतु ईया शोमरोन्याय तिया यहूदी माआहाल वेअयो,ताहा तीयाल तिया दया आली.नंतर तियाय तिया काळ्जी केअयी आंन तिया जखमांवे पट्टया बांद्या”.

‘ फाची तिया,शोमरोन्याय तिया माआहाल उसलीन तिया फुरक्यावे बाहाव्यो आन तियाय तीयाल वाटीवेने एका उतार शालाम लिई आलो आंन तिया देखभाल केअयी.”

‘‘बिहिरे दिही, शोमरोनाल आगाडी प्रवासाल जावनु आथो.तीयाल तियाय उतारशाळा व्यवस्थापकाल काहीक पोयसा दिईन आख्यो,‘‘इया काळजी लेजा, आन ईयापेक्षा जे कांय जाहका पोयसा खर्चाल लागीता आंय परत आविन तुल दिही.’’

ताहा येशूय तिया धर्मशास्त्रा पंडिताल पुछ्यो,‘‘तूल काय वाटेह?तिया तिन्याहामेने लुटला मोअला अवस्थाम पडला माआहा शेजारी केडो आथो?’’तियाय तीयाल उत्र देदो,जियाय तीयावे दया देखावी तोअ.येशूय तीयाल आख्यो,‘‘तूबी जाईन एहेकीज केअ.’’