29. २९. दुष्ट चाकरा गोठ

एक दिही,पेत्राय येशूल पुछ्यो,‘‘प्रभुजी,जाहा मा पावूहू मा विरोदाम गुनो केरी ताहा आय तीयाल कोतादा माफ केरा जोजे?’’सातदा काय?’’येशूयआख्यो,‘‘सातदा नायता, साता सत्तरदा!’’ईयावेने, येशूल एहेकी आखनु आथो का,आपुहुय कायम माफ केरा जोजे .ताहा ईशुय ई गोठ आखी.

येशू आखे,‘‘देवा राज्यो एका राजासारख हाय . तियाल तिया चाकरावेने हिशोब लेवनु वाटयो.तिया एका चाकरावे 200,000 वोराहा वेतना ओतो मोडो कर्ज आथो.

‘‘ओ चाकर तिया कर्ज फेडी सेकतलो नाय तीयाल राजाय आख्यो का,इया माआहाल आन इया कुटुंबाल गुलाम म्हणून वेचीन तिया कर्जा फेड किई ला.’’

‘‘तोअ चाकर राजाहुंबुर तिया पागे पाडीन आखे, कृपा किईन माआवे दया केअ आन मान थोडोक समय दे, म्हणजे आय तोअ बादो कर्ज वापस किंही’’राजाल तिया चाकरावे दया आली आन तियाय तिया बादो कर्ज माफ केअयो आन तियाल जां देदो.’’

‘‘पेन ओ चाकर बारें गियो ताहा तीयाल तिया सोबती एक चाकर मिल्यो,जियावे तिया लगभगचार मोईना ओता वेतना ओतो कर्ज लेवनु बाकी आथोतिया चाकराय तिया आऱ्या चाकराल तेअयो आन आखे,‘आमीज आमी मा पोयसा मान दे!’’

‘‘तिया सोबती चाकर गुडगा टेकिन आखेह, ‘‘मान थोडक समय दे आन माअवे दया केअ, म्हणजे आय तोअ बादो कर्ज वापस किही’’पेन त्याऐवजी, तियाय तिया सोबती चाकराल बादा कर्जा फेड वेअ तावलुग तुरुंगाम टाक्यो.

ताहा तिया सोबती दासाल खूब दुख: वेअयो आन तियाय वेअलो बादो प्रकार तिया धन्याल आख्यो .तीयाहाय राजाइही जायन बादोकाय आखी देखाव्यो.’’

राजाय तिया चाकराल लिई हाद्यो आन आखे,‘ओ दुष्ट चाकरा!’’तू गयावया केअतलो तियाल मायुय तोंअ बादो कर्जसोडी देदो .तेह्की तूबी तोअ सोबती चाकरावे दया केरा जोजतो आथो.राजाल तिया खूप राग आलो आन तियाय तिया बादो देवनु वापस केरी तावलुग तीयाल तुरुंगात टाक्यो.’’

ताहा येशू आखेह, ‘‘जर तुमा प्रत्येक जां आपुआपु पावाहाल मनाकी नाय केहाता मा होरगामेने बाह्को बी इयाहोच तुंमा आरी केरी .’’