6. ०६. परमेश्वर इसहाकास मदत करतो

जांहा अब्राम खूब डायो वि गियो ताहां तिया पोयरो इसाहाक एक पुरुषासमान वि गेहलो. तीयाल अब्राहाम तिया एक सेवकाल तिया पोयरो इसाहाका खातोर तिया देसाय एक पत्नी लां खातोर मोकल्यों जिही तिया जातुल रेतले आथें.

जीहीं अब्राहाया जातुलें रेतले तिया देसाय जावनु लांब प्रवास केरा बाद परमेश्वराय तिया सेवकाल रीबका आरी मुलाकात केरावी. ती अब्राहाया पावाहा पाआंजी आथी.

रीबका तियो कुटुंब सोडीत तिया सेवका आरी वापस जा खातोर तीयार वेअयी. जेह्की ते पोग्यें इसाहाकाय तियो आरी वोएड केअयो.

खूब वोराहा बाद अब्राहाय मोय गियो. तहां परमेश्वराय अब्राहाय पोयरो इसाहाकाल, अब्राहामा आरी एक वायदा की आशीष देदी. तिया वायदाय परमेश्वराय एक प्रतिज्ञा आथी, की अब्राहाया गणाय नाय उबोतो वंश वेअरी पेन इसाका पत्नी रिबकाल एक बी पोयरों नाय आथों.

इसाकाय रिबका खातोर प्रार्थना केअयी, आन परमेश्वराय तीयोल जुडवा पोयराकी तियो कोखं पोअयी जियो समय तें वेनी पोयरे कोखये आथे ते आपसाम चुलातले, तीयाल जो काय वेअतलों तो बाद रीबका परमेश्वराल आखतली.

परमेश्वराय रीबकाल आख्यों, तूं बेन पोयराहाल जन्म देहो. तीयाहा बंश बेन अलग-अलग जाती बनी. ते एक बिजा आयी चुलाय पेन मोडा पोयरा जाती आज्ञानाता पडी.

जांहा रिबका पोयरा जन्म वेअयो, ता योड पोयरो रातो आन रुघाल आथो, तियाहाय तिया नाव एसाव थव्यं तांहा हातो पोयरो एसाव थेटावाल तीईन जन्म्यो, आन तियाहाय तिया नाव याकुब थव्यं.