7. ०७. देव याकोबास आशीर्वाद देतो

जाहा तें पोयरे मोडे वेअये ताहा याकुबाल कोअ रेवनु हाये लागे. पेन एसावाल जानवराहा शिकार केअनु हारो लाग्यों. रिबकाय याकुबावे प्रेम केअयो, पेन इसाकाय एसावावे प्रिती केअयी.

एक दिही जाहा एसाव शिकार किईन वापस आलो, ता तों खुब पुखो आथो. एसावाय याकुबाल आख्यो जों कांय तुये रांदलो हाय तीयामेने मान बि थोडंक दे या याकुबाय जवाब देदो, “ पेअलो याआ आरी प्रतिज्ञा केअ का पेअलो वेअनु कारण हर एक वस्तू तुल मिला जोजे, ती बादी मान देजे. शेवटी एसावांय तियो बादी वस्तूंहुन याकुबाल देवनु प्रतिज्ञा केअयी. ताहा याकुबाय थोडंक मांडो देदो.

इसाक एसावाल आशीष दा आथो. पेन तिया पेअला तियाय ऐहेकी केअयो, रिबका आन याकुबाय याकुबा एसाव वेअनु छोग केअयो आन तिया आरी धोको केअयो. इसाक डायो आथो आन तो देखी नाय सेकतलं तीयाल याकुबाय एसाव कपडें पोव्ये आन बोकडी चामखो तिया कोगीम आन आथाम वेताली लेदो.

याकुब इसाका पाही आलो आन आखेल आंय एसाव हाय आंय तीयाल आंलोह की तूं आन आशीष देहो.जाहां इसाकाय बोकडी रुगाहान हाय लागव्यो आन फडका हान खास लेहो ता तीयाय होयज्यों कि ओ एसाव हाय आन तीयाल आशीष देदी.

एसावाय याकुबा से इर्ष्या केअयी की याकुबाय तियाय पेअलो पोयरो अधिकाराल आन सोबत तिया बादा आशीषन बि चोरी लेदला.शेवटी तीयाय तिया बहाकाल मोअनू बाद याकुबाल माय टाका योजता बनावी.

पेन रीबकाय एसावा योजना उनाय लेदी. तियाल तियाय आन इसाकांय याकुबाल तिया जातुंहा इंही यं खातोर दुर मोकली देदो.

याकुब खूब वोरेह लुग रिबका जातुलाहा आरी रियो. तिया समयावे तिया वोराड केअयो आन बारा पोराहान आन एक पोयरील जन्म देदो. परमेश्वरा तीयाल खूब धनवान बनाव्यो.

वीस वोरेह लुग कनानाय तिया कोअसे दुर रेवनु बाद, याकुब तिया कुटुंब, तिया सेवकाहान आन तिया जानवरे बादों टोल आरी वापस आलो.

याकुब तीयाल धाकातो आथो का तियाल विचार केअंल की एसाव आयी बी तीयाल माय टांका हाय. तीयाल तीयाय भेंट खरुपाय जानवरा टोलो एसावा इंही मोकल्यों. जो सेवक टोलं लीइन गेहल तीयाय आख्यों तोअ दास याकुब इया जानवराहान तुल देहे तोअ लगेल आंवी रियोह.

पेन एसाव आयी याकुबाल नुकसान नाय केअरा आथो तिया बदले, तोअ तीयाल एकदा वापस विईंन खुब खुश आथो. तिया बाद याकुब कनानाय आरामान आथो. फाचीं इसाक मोय गियो. आन याकुब आन एसावाय तिया दाटी देदो. करारा वायदा जो परमेश्वराय अब्राहामा आरी केअला तें आमी इसाकावेने तें याकुबावे आल्ली आथी.