8. ०८. परमेश्वर युसुफ आन तिया पारिवाराल बचावेह.

काहीक वोराहा नंतर, जाहां याकुब डायो वि गियो ता तीयाय पोयरो युसुकाल तिया पावाहन मोकल्य जे खास जानवरा देखभाल केअता आथा.

युसुफा पावुहु तियावे ईर्षा केअता आथा, काहाका तीहाहा बाह्को तियावे खुब प्रेम केअतलं आथो. आन तीयाल बी युसुफाय एक होप्न वेअलं आयं की तों तिया अधिकारीबनी जाहे. जाहा युसुफ तिया पावाहा पाही आलो ता. तीयाहाय तीयाल बंधक बनावी लेदलं आन तीलाल दासाहान जे व्यापार केअतला तीयाहन वेची देदलं.

कोअ वापस आवनु से पेअला तिया पावाही तिया फाडके फाडीन बकडी रक्ताय पिजवी देदे. फाची तियाहांय तें फाडके तियाहा बाहाकाल देखाव्ये का तो इं विचार के की एकदा जंगली जानवराहाय युसुफाल माय ठाक्यो. याकुब खुब नाराज आथो.

दासाहा व्यापार केअनारा ते लोक युसुफाल मिस्त्राय ली गिया नील नदी किनारावे वहती केअलं मिस्त्र एक मोड आन शक्तिशाली देस आथ. तिया दासाहा व्यापारा केअनारा लोकाहांय युसुफाल एक मातला सरकारी अधिकाऱ्याल दासा रुपाम वेची देदो. युसुफाय तिया मालका हारी रिती सेवा केअयी परमेश्वराय युसुफाल आशीष देदी.

तिया मालका पत्नीय युसुफा आयि हुवा कोशीश केअयी कि पेन युसुफाय इयो रितीकी परमेश्वरा विरुद् पाप केअनु से नकार देदो. ती क्रोओत विइंन युसुफावे खोटा आरोप लागव्या. तीयाल, तीयाल गिरफ्तार किईन जेलाम मोकली देदो. इंहीलुग का जेलाम बी युसुफ परमेश्वराय आरी सयई की रियो. आन परमेश्वराय तीयाल आशीष देदी.

बेन वोराया बाद, युसुफ आमी बी जेलाम आथो थले बी तोअ निर्दोष आथो. एक रात फिरौन, नेह्की मिस्त्री लोक तीयाहा राजाहान हातकुताहा आथा, तियाय बेन होपने देख्यो तियाय खूब चकरीम कि देदो. तिया एक बी सलाहाकार तियाल तिया होपनाहा अर्थ नो आखतला.

परमेश्वराय युसुफाल होपनाहा अर्थ आखा शक्ती देदली आथी, तियाल फिरौनाय युसुफाल जेलायेने तिया इटी तदी लेदो. युसुफाय तिया होपनाहा अर्थ आखी देदो आन आखे, परमेश्वर जाह्की पिका सात वोरेहे आन दुष्काळा सात वोरेहे मोकलु नाये हाय.

फीरौन युसुफासे खूब खुष वि गियो की तियाय तियाल मिस्त्रा बिहरो बादाहासे शक्तीशाली पुरुष म्हणून नियुक्त की देदो.

युसुफाय लोकाहान हारी पिका सात बोराहाम जाहाने खावनु धान्य जमा केरा लागव्यो नाहा सात वोराहा दुष्काले आलं ताहा युसुफाय लोकाहान तोय खावनु धान्य वेची देदी की तियाहावे खां खातोर खूब धान्य रे.

तो दुश्काळ फक्त मिस्त्राम नायता कनानाय बी आथो जिही याकुब आन तिया परिवार रेतलं हाथ

तियाल याकुबाय तिया मोठा पोयराल धान्य लां मिस्त्राम मोकल्य. जाहा ते धान्य ला युसुफा हुंबुर उवा रियातांहा पावाहांय युसुफाल नाहा ओअख्य. पेन युसुफाय तीयाहान ओअखी लेदा.

इं मालूम केरा खातोर कि ते बदलाया का नाही इं पारख्या बाद युसुफाय तिहान आख्यो “ आंय तुमा पावुहु युसुफ हाय बियाहा था. जाहां तुम्हांय मान दासो रुपाये वेची देदलो ताहा तुम्हांय माआ आरी वाईट केरा विचार केअल पेन परमेश्वराय वाईटाल हायमे (बदली) उपयोग केअयो आवा आन मिसरा रा की आंय तुमा आन तुमा परिवारा रवावुन व्यवस्था कि सेकु.

जांहा युसुफा पावूहु कोअ वापस गिया आन तियाहा बाहाकाल (याकुब) समाचार आख्यो की युसुफ आमी बी जीवतो हाय तोअ खुब खुश पेअयो.

हालये याकुब एक डायो व्यक्ती आथो तेबी तोअ तिया पुरा परिवारा आरी मिसरा गियो, आन ते तिहीं यं लाग्या. याकुबाय तिया मोअतु पेअला तीयांय तिया प्रत्येक पोयराल आशीर्वाद देदो. (अशीषित केअया)

करारा ती प्रतिज्ञा जी परमेश्वराय केअली आथी ती इसकावे आन तिया बाद याकुब आन बाद तिया बारा पोयरे आन तिया परिवारावे आलली आथी. तिया बारा पोयराहा वंश इस्राएला बारा गोत्र बनी गिया.