9. ०९. देव मोशेल हादेह

युसुफा मृत्युनंतर, तियां बादा जातुला मिसर देसाय रेतला आया. ते आन तिया पोयरे खुब पोरेह तिंही रीयें आन तियाहांन खुब पोयरे वेअये, तियाहान इस्त्राएली ऐहेकी आखतलें.

होप वोराहा नंतर इस्त्राएली लोकाहा आकडो खुब वादी गियो. युसुफाय केअला काया हाबमिसरी लोक पिहीरा गेहला. तियाहन आमी इस्त्राएली लोकांहा धाक लागा लागी. कारण ते खुबुज आया. तियाल तिया टायमाल मिसरावे राज्य केअनारा फारोंय इस्त्राएल लोकाहान मिसरी लोकाहा गुलाम किई यवले.

मिसरी लोकाहांय इस्त्राएल लोकाहान खूब इमारती बांधकाम केरा व मोड-मोडा शहरा निर्माण केरा खातोर बळजबरी (कष्ट) केअयी. ऐहडया(मेहनती) कायाहा की तियाहा जीवन खुबुज त्रासदायक वेअयो. पेन देवांय तियाहन आशीर्वादीत केअये. व तियाहान फाची पोयरे उत्पन्न वेअये.

फारोंय वेअयो की इस्त्राएल लोकाहान खुब पोयरे वेअतेह तियाल तियाय एक आदेश काठ्यो की इस्त्राएला पोयराहान नाईल खाडीम फेकी देजा.

एका इस्त्राएली स्त्रीय एका पोयराल जन्म देदो. तियोय व तिया पतीय तियाहा बाळाल काहीक समयपर्यत दबावा प्रयत्न केअयो.

जाहा तिया बाळा याहाकी बाहाको तियाल दबावी सेवये नाय ताहां तियाहाय तिया बालकाल मृत्यूमेने वाचावा खातोर तियाल एका तरगुनाऱ्या शिबलीम थवीन ती नाईल खाडी तेडीवे टेवलावे थवी देही. तिया बालका मोडी बोंही तिया काम वेरी तों वेअती रियी.

फारो पोयरींय ती शिबली उगडीन माजये वेअयो ताहा तीयोल एक बाळ वेअयो. तांहा तियोंय तियाल तियो पोयंर बनाव्य तियोय तिया बाळाल दुध पाजा खातोर एक इस्त्राएली स्त्रील दाही पेन तियोल मालूम नाय आथो की ती तिया माहाकी हाय. जाहा तों बाळ मोड वेअयो व तियाल तिया माहाकी दुधा गरज नाहा, ताहा तियोय तियाल फाये पोयरी इंही होपी देदो तीमोय तिया नांव मोसे थव्यं

एक दिही, मोशे मोड वि गियो. तांहा तियांय एका मिसरी मांहाल एका यहुदी मांहाल सेकताना वेअयो. मोशेय तिया इस्त्राएली पावाहाल वाचावा प्रयत्न केअयो.

मान केडो नाहा वेअतो इं विईन मोशेय तिया मिसरी माहांला माय टाक्य व तिया शरीर पुरी देदो, पेन मोशेय केअतें इं कार्य केडाय तेबी देखालो आथो.

जांहा फारोय मोशेय केअला कार्याबद्दल उनायो ताहा तियाल तियाय मारा कोशीश केअयी. फारो शिपायाइंहीने सुरक्षित रांखातोर मोशे मिसर देस सोडीन जंगलाम नाहीं गियो.

मोशे आमी मिसर देसाइहीने दूर जंगलाम मेठे चारतो आथो. तियाय तिहींज एका स्त्री आरी पोयड केअयो व तिमाल बेन पोयरे वेअये.

एक दिही मेढे चारतो आथो, मोशेय एक चाडतो यिलगूता वेअयो. पेन तो चाडवो बोलीन खाक नाय वेअयो. ऐहकी तीयाल देखाया आलो. फाची तो वेरा खातोर तिया चाडवायं जातलं तांहा तियाल एक आवाज उनाया आल, “ मोशे तूं तोअ पानामेने चापले काढ कारण तू पवित्र जागावे उबं हाय.

देव गग्यो, “मामुंमया लोकांहा दु:ख वेअयोह आय तुल फारों इंही मांओ लोकाहान मिसरामेने गुलामीमेने सोडवा खातोर मोकलूनाये हाय आंय तियाहान कनान देस देनांर हाय, जो मायुंय अब्राम, इसाक व याकोब ल देवनु प्रतिज्ञा केअली आथी.”

मोशे गग्यो, जर लोकाहांय माब पुछ्यो की तुल केढाय मोकल्य, तर आंय तियाहान काय आखू? देव गग्यो, “ आंय हाय तो हाय, तियाहान आखजे आंय हाय इंयाय मान तुमा इंही मोकलुलं हाय तियाहान इंबी आख की, आंय तियाहा पूर्वजाहां म्हणजे अब्राम, इसाक व याकोबा देव हाय. इंज मांआ सनातन नांव हाय.”

मोशे खुब काबराय गियो आन फारोइंही जां खातोर नकार दा लाग्य कारण तियाल हायकी गोगता बी नाय आवतलं तियाल देवाय मोशे पावाहाल, हारून इयाल तिया मदत केरा मोकल्य. देवाय मोशे व हारून इयाल पेअलंज आखी थवलं की फारो हट्ट केरी.