1. रसना

हणा तरीका थमी सरुमात म परमेश्वर वे हेती सीज नी रसना करी। अने सो दाडा म दुनिया नी मने जी कई ऐनेम है अन हेत नी रसना करी। परमेश्वर द्वारा धरती नी रसना ने वहे इते इन्दारो अने खाली हेती, केमके अजू होदी परमेश्वर वे ऐनेम कई होदी सीज ने बणावी हेथी। पोने परमेश्वर नी आत्मा पाणी ने ईपर भमती हेथी।

फेर परमेश्वर वे केदू इजवादू था, मने इजवादू थाए जू। परमेश्वर ने देक्यु ले इजवादू ताजू है, अने देने दाड़ो केदो। अने हने ऐने इन्दारा थकी अलग करयो तेने अणे रातर केदी। परमेश्वर वे रसना करवा ने पेलखे दाडा म इजवाड नी बणाजू।

रसना बनावा ने बीजा दाडा म परमेश्वर वे कदू, पाणी एक जगा इपर भेणु थाए जाए। अने एक भाग थाए जो। परमेश्वर वे हणा भाग ने आकाश केदो।

तिनमे दाडा म परमेश्वर वे कदू पाणी एक जगा इपर भेणु थाए जाए, अने हुकाएली जगा देखावा लागे। अने हुकी जगा ने धरती केदी। अने पाणी दरजो केदो। परमेश्वर वे देख्यु के जी मने बनायू तू इते ताजू हैतू।

फेर परमेश्वर वे केदू धरती हेत तरीका न रुखड़ा अने पोथ उगाड़े। मने हेवुस थायु परमेश्वर वे दिख्यु में जी अणे बणायु तू इते ताजू हेतु।

रसना बणावा ने चारमा दाडा म परमेश्वर वे केदू आकाश माँ जोवीये चार अने सूर्य, चन्द्रमा, अने तारागण देखावा लाग्या। परमेश्वर वे अने धरती इपर इजवाणु आलवा हारू अने दाड़ो मने रातर मोसम अने वरह म परख करवा हारू बनाया।

पासवे दाडे परमेश्वर वे कडू जीवित प्राणी पाणी ने भर दो मने आकाश में ओलमी उड़े। हने तरीको थकी अने पाणी म तरवा वान हेत जंतुअ अने ओलजी ने बणावी। परमेश्वर वे देख्यु के आते ताजू हेतु अने ने आशीर्वाद आल्यु।

रसना न सोमा दाडा मा परमेश्वर वे केडू जगा इपर रेवा वाण हेता तरीका न जनावर बनेजाए। अने परमेश्वर ने केवा अनुसार हेवूस थाए जू कईक जनावर पाळवा वान हेत कईक जगा ईपर रगना वान हेत अने कईक जंगल मा रेवा नाडा जनावर हेत अने परमेश्वर देख्यु के यु ताजू है।

फेर परमेश्वर वे केदू आवो आपु मनख ने आपडा वानीय रूप म अने आपडा बराबर बनावजे ई धरती इपर अने हेत जनावरो इपर कब्जो करहे।

अत परमेश्वर वे गार लेने ऐने थकी मनख ने बनायु अने ऐनेम जीवन ने हा फोके देदो। अणा मनख नो नाम आदम हेतु। आदम ने रेवा ने हारू एक मोटो वगीसो बणायो अने एनी रखवाडी करवा हारू आदम ने ता मेल दे दो।

अणा वगिसा ने वस म परमेश्वर वे बे खास रोखड लगाड जीवन नु रोखडो अने भलु अने बुरा ने ज्ञान नु रोखड़ो। परमेश्वर वे आदम ने केदो के इते अना वगिसा नु जीवन नो रोखड़ो अने भले अने बुरा ने ज्ञान नो रोखडा ने सोडेने हेत कण भी रोखडा नो फण खाए सके है। अगर अने हना रोखडा नो फेण खाही तो इते मरे जा है।

फेर परमेश्वर वे कदू आदमी ने हारू अखलो रेवो ताजू है, पोने कई भी जनावर आदम ने हात वाने ने बने सख्यो।

येतरे हारू परमेश्वर वे आदम ने भारी नींदर म दड देदो। फेर परमेश्वर वे आदम नी एक पाहडी लेने हेने थकी एक बसेर नी रसना करी अने हेने आदम कने लेने आयो।

जेर आदम वे ऐने देख्यु ते अने केदो कम से कम ये तो मारे हरकी है। येतो बजेर केवा है। केमके येते आदमी मा थकी बनावी ली है। ऐने हारू आदमी आपडे भाई बा ने सोडे दे है। अने आपडी बजेर ने हाते एक थाए जाए है।

परमेश्वर वे आदमी अने बजेर ने आपडा रूप मा बनाय, अने अनने आशीर्वाद आल्यो अने अनने केदो, धन खर सोर अने सोर न सोर पेदा करो अने धरती ने भर दो अने परमेश्वर ने देख्यु के जी कई मने बनायु तू इते धनु ताजू हेतु। मने इते अन हेत थकी राजू हेतो यु हेतु सब रासन करवाने सोमे दाडे थायु तू।

जेर हातवो दाडा आयो ते जी कई परमेश्वर करतो थी। अने हने हेत काम ने खातम करयो अने हातवा दाडाने आशीर्वाद आल्यो भने हने पवित्र ठेरायो केमके हने दाडे अने हेती सीज ने बनावा ने ख़तम करियो ती। हना तरीका थकी परमेश्वर वे दुनिया नी अने जी कई ऐनेम है, अने हेत नी रसना करी।