2. पाप दुनिया म आवेरयो है

आदम अने ऐनी बजेर परमेश्वर द्वारा अन हरु बनावेला हना ताजा वगीसा म रेत थक घन राजू हेत। अन म थकी कोने बी सीसर ने पेरत थ, फेर हदी अणी वात वे अनम थकी केने भी लाजे ने मारय थ, केमके दुनिया म पाप ने हेतो। ई घडी घडी अना वगीसा म फरय करत थ अने परमेश्वर थकी वाते करय करत थ।

पोने हना वगीसा म एक हाप हे थो। इते घनो धोखेबाज हे थो। अने हनी बजेर थकी पुसु, केम हासेस परमेश्वर वे तम थकी अना वगीसा न कणा भी रुखड़ा ने फळ ने खावा हारू ना कदों है।

अनी बजेर वे जवाब आल्यो परमेश्वर वे हम थकी केडू है के हमू अणा भला अने बुरा ने ज्ञान ने रोखडा ने अलावा कणा भी रोखाडा नो फळ ने खाए सको है। परमेश्वर वे हम थकी केदो है के अगर तम वे हणा फळ ने खादों चा ऐन अडया होदा ते तमो मरे जाहों।

हणे हाप वे बजेर ने जवाब आल्यो, ये हासी बात नहे है। तमो ने मरो परमेश्वर जाणे है के झेमेस तमो हणा फळ ने खाहो, तमो परमेश्वर ने वागीस थाए जाहो अने ऐने हरक भल अने बुरा ने वळखवा लागे जाहों।

अणी बजेर वे दिख्यु के यु फळ मन भवनों हेथू, अने हवाद बाळ् देखातु यू। ये हुदी हमजदार बणवा मागती हेथी, ऐतरे हारू अणिचे फळ ने तोड़ेने खाए लेदो। फेर अगिचे अपड़ा आदमी ने जी ऐने हाते हेथो यु फळ आल्यु मने अणे होदो खाए लेदो।

घडिक म अणनी आखे खोलाए गई अने अणने खबर पडी के ई लाग हेत। अणवे पादड ने एक हाते हीवे ने अणन सिसर बणावेने अपड़ा शारीर ने ठाकवा नी कोसिस करी।

तर आदमी अने ऐनी बजेर वे हणा वणीसा म फरत थका परमेश्वर नी आवाज ने हमळी इ बेये परमेश्वर थकी हताए वे जवाब तर आदमी ने हादी केदो तू का है? आदम वे जवाब आल्यो में तमने वणीसा म फरत थक हमळ अने हूँ समके जो तो केमके हूँ लागो हेतो। ऐतरे हारू है हताए जो।

फेर परमेश्वर वे पुसु तने कोणे वताडयो के तू लागो है? केम ते ई फळ खादों है जेने खावा हारू में तने ना केदो थो? आदमी वे जवाब आल्यो तमे मने जी ये बजेर आली है अणीयस मने ई फळ आल्यो। तर परमेश्वर वे बजेर थकी पुसु , “ते यु हु करयु है? इ बजेर बोली,” हाप वे मने धोखो कारयो।“

परमेश्वर वे हाप ने केदो, तू श्रापित है! तू तारा ओजरा ने बळ करही अने गार सारही। तू मने ये बजेर एक बिजा बिजा थकी री करहो अने तार सोर अने ऐनी सोर होदी एक बिजा थकी री करहे। अणी बजेर नो पिढी तारे मोणका ने सगर हे, अने तू ऐनी फणी में सोटही।

तर परमेश्वर वे बजेर थकी केदो हु तारे सोर जणवा ने धणु दुःख भरो करुगा। तू आपडा आदमी थकी लालसा करही अने इ तारे इपर कब्जो कर हे।

फेर परमेश्वर वे आदमी थकी केदो ते आपडी बजेर नी हमळी है अने मारा हुकुम ने नहे मान्यो है। ऐतरे हारू जगा शर्पित थाई है। अने तने भोजन उगाडवा ने हारू काडो मेहनत करवा नी जरुरत पड़े है। अने तारी देह गाह म मळे जाहे अणे आदमी पड़हे। आवु तू मरी जाहि हव्वा राख्यु जेनू मतलब है। जीवन आलवा वाळी केमके ई हेती जातीय नी माता थाए। अने परमेश्वर वे आदम अने हव्वा ने जानवर ने समडा थकी बणावेली पेरायु।

परमेश्वर वे केदो आवु भल अने बुरा ने जाणवा हारू मनख आपडे वाणीय थाए जू ये ऐतरे हारू अणने जीवन नारूखड़ा ना फळ ने नहे खावो देवो जुगे। वणीया ने वारत का दडय। अने परमेश्वर वे केने भी अणा जीवन ना रोखड ने फळ ने खावा थकी रोकवा हारू अणा वगीसा ने बायणा इपर।