3. बाढ

घणा टाइम ने बाद दुनिया म घण खर मनाव रेत थ। इ घण ख़राब अने झगडा करवा वाळ थाए जत। यू ऐतरो ख़राब हेतो के परमेश्वर वे एक मोटी बाढ़ थकी अणा पूरी दुनिया ने ख़तम करवा नो निर्णय लेदो।

पोणे परमेश्वर नुह थकी खुश हेतो। इते ख़राब मनख ने विस म रेवा वाणों एक धरमी आदमी हेतो। परमेश्वर ने नुह ने वताडू के ई एक मोटी बाढ़ ने लाववा वाणे है। हणे खातीर अणे नुह थकी एक मोटी नावडी बणावा ने हारू केदो।

परमेश्वर वे नुह ने लमसम १४० मीटर लांबी , २३ मीटर पोसती , अने १३.५ मीटर ओंसी नावडी बणावा हारू केदो। नुस ने ऐने लाकडी थकी बणावी हेथी। अने हेनेम तीन भाग, घण खरा कमरा , एक छत , अने एक बारी बणावी हेथी। इ नावडी नुह ऐना परिवार अने जगा न हर तरीका न जानवरों ने हणी बाढ़ थकी हमाळे ने राख है।

नुह वे परमेश्वर नी वात मानी अणे अने ऐने सौर वे हेवीस नावडी बणावी जेवी परमेश्वर वे वताडी हेती। केमके इ नावडी घणी मोटी हेथी ऐतरे हारू ऐने बणावा म घण वरह लाज। नुह वे मनख ने आववा वाळी वाढ़ ने बारा म सेतावणी आली अने अणने परमेश्वर नी मेर फरवा ने हारू केदो, पोणे अणवे ऐने इपर विसवा ने करयो।

परमेश्वर वे नुह अने ऐना परिवार ने आपडे हारू अने जानवरों ने हारू हजेजाए ऐतरो भोजन भेळो करवा नो ओडर होदो आन्यो। जेर हेतु कई तैयार हेथो। ते परमेश्वर वे नुह थकी केदो के यो टाइम ऐने ऐनी बजेर नो ऐना तिन सौर नो अने अणनी बजेर नो कुल मेंळवेने आठ जण ने नावडा जावा नो हेथो।

परमेश्वर ने हर जनावर अने ओलजी ने नर अने मादा ने नुह ने मेड काड्य के इ नावडा म जाए सके अने बाढ ने खातीर हसवाए रे सके। परमेश्वर वे हेव हेती परकार न जानवर ने हात नर अने हात मादाओ ने मोकलय जेने भोग सडावा ने हारू म ले सके। जेर इ हेत नावडा पोगी ज तेर अणेस परमेश्वर वेस नावडा ने बायंणा ने बंद कर देदो।

तर पाणी पडवो शुरू थायो अने पाणी पडतो जो। वगर रोकाये साळी रातरे तक पाणी पडतो रयो। पूरी दुनिया नी हर ऐक वस्तु आ तक के मोटा थकी मोटा दोंगोर होदा पाणी म डूबी जा।

हुकाइली जगा इपर रेवा वाळी हर ऐक वस्तु मरे गई, अण मनख अने जनावरो ने सोडेने जी जावड़ा म हेथ। इते नावडू पाणी इपर तुरंत रयु अने नावडा ने मथ नी हर ऐक वस्तु ने डूबवा हरवेन राखी।

पाणी ने रोकाए जवाने बाद पास मईन थक इ नावड़ो पाणी इपर तुरंत रयु अने हणा टाइम दौरान पाणीं ख़तम थावा लग्यु। तर एक दाड़ो इते नावड़ो एक दोंगोर नीटेकरी इपर जाए टकी पोंणे दुनिया अजु होदी पाणी थकी ढकाऐली हेथी। तिन महीने बाद दोंगोर नी सोह्जी देखावा लागी हेथी।

फेर साळी दाडा बाद नुह वे एक कागड़ा ने यो देखवा ने हारू बारत काडयो के केम पाणी हुकाए जू तू। इते कागडो हुकाएली जगा ने जोवना हारू अई तई उडतो रयो पोंणे ऐने हेवी कुई जगा ने मळी।

फेर बाद म नुह वे एक कबूतरी ने बारत मोकली। पोंणे ऐने होदी कुई हुकी जगा ने मळी ऐतरे हारू इ नुह कने पासी आवे गई एक हफ्ता ने बाद अने हणी कबूतरी ने पासी मोकली अने ई आपडी सोस म जैतून नी डाळी लेने पासी आवे गई। पाणी घटे रयु हेथो रोखड फेर थकी उगवा लाग्य थ।

नुह वे एक हफ्तों फेर वाट जोबी अने तिन में वखत हणी कबूतरी ने बारत मोकली। हणी वखत ऐन इबीरेवा हारू जगा मळी गई अने इते पासी ने आवी। पाणी हुकाए रयु हेथो।

बे महीन बाद परमेश्वर वे नुह थकी केदो आवु तू अने तारो परिवार अने हेत जनावर नावडा थकी नकळे आवो। घणी खरी संतान अने पोत परपोत पैदा करो अने धरती ने भर दो। अतः नुह अने ऐनो परिवार नावडा थकी बारतो नकळे आयो।

नुह ने नावडा थकी बारत आववा ने बाद अणे एक वेदी बनायो अने भोग ने हारू काम म लेवा वाळ हेता घरकाह न जनावर म थकी थोड़क ले जाए ने भोग सडायो। परमेश्वर हणा भोग थकी राजू थायो अने नुह अने ऐना परिवार ने आशीष आली।

परमेश्वर वे केदो हु प्रतिज्ञा करू इ के मनख ने द्वारा करयो जावा वाळ भोड़ काम ने खातीर हूँ फेर केर जगा ने हराय ने आलू ने बाढ द्वारा दुनिया ने ख़तम ने करूँगा। मोना के मनख आपडे जनम ना टाइम थकिस पापी है।

फेर परमेश्वर वे आपडी वायदा नई लिसाणी ना रूप म पेलखो मेघधनुष ने बणायु। जेर केर भी हरग म मेघधनुष देखाए पड़े है, तेर परमेश्वर याद करहे के अणे हु वायदों करी है अने हेमेस ऐन मनख होद याद कर हे।