4. अब्राहम ने हाते परमेश्वर नो वायदों

बाढ़ न कई बरह ने बाद दुनिया म घण खर मनख ऐ रथ करत थ। अने अणवे फेर थकी परमेश्वर ने अने एक बिजा ने विरुद पाप करयो। केमके इ हेत ऐकस बोली बोल्य करत थ। ऐतरे हारू इ एक हाते भेळ थाए अने दुनिया ने भर देवा ने परमेश्वर ना हुकुम ने बजाए एक नगर ने बणायु।

इ घण घमण्ड वाळ हेथ अने अणने केवो जीवन जिववो जुगे हणा बारा म इ परमेश्वर ना हुकुम नो मानवो नहे साहत हेथ। आ तक के अणवे एक एवी मीनार ने बणावो शुरू हाते मळे ने भूडाई करत रय ते इ घण खर पापी काम ने करे सकहे।

ऐतरे हारू परमेश्वर वे अणनी बोली ने घणीस अगल अगल बोली म बदले देदी अने अण मनख ने हेती दुनिया म फेलाव देद। जणा नगर ने अणवे बनावू शुरू करयु इते बाबेल केवायु जेनो मतलब है गडबड़ी।

कई हो वरह ने बाद, परमेश्वर वे अब्राहम नाम नो एक आदमी थकी वात करी। परमेश्वर ने ऐने थकी केदो आपडा देश अने परिवार ने सोडेने हणा देश म जातो रे जी बे तने वताडे। हूँ तेन आशीष आले अने तने थकी एक मोटी जाती बणावे। हूँ तारो नाम महान करूँगा। जी तानी आशीष आल है हूँ ऐने आशीष आले अने जी तने हराप आले ऐने हराप आले। तारे खातीर दुनिया न हेत जातीये आशीष ले है।

अतः अब्राहम वे परमेश्वर नी वात मानी। अणे आपडे हेत सेवक आपडी हेती धन ने हाते आपडी बजेर सारै ने लिदी अने घणा देड ने कनान देह म जातो रयो जी परमेश्वर वे ऐने देखाडयो थो।

जेर अब्राहम कनान पुग्यो ते परमेश्वर वे ऐने थकी केदो आपडी सारी मेट देख। हूँ तने यु देह आले दे अने तारे पिढी हमेशा ने हारू ऐने इपर अधिकार राख हे। तेर अब्राहम हणा देह म वहे जो।

मलीकीसिदक नाम नो एक आदमी हेतो जी सर्वोच्च परमेश्वर नो याजक हेथो। एक दाडो जेर अब्राहम युद्ध करवा ने बाद आवे रयो थो ते यो अने अब्राहम मल्या। मलीकिसिदक वे अब्राहम ने आशीर्वाद आल्यो अने केदो मौसो परमेश्वर जी हरग मने धरती नो मालिक हे इते अने आशीर्वाद आले। फेर अब्राम वे युद्ध म जितिले हेती वस्तु नो दसवो भाग मलीकिसिदक ने आल्यो।

कई वरह जात रय पोंणे अजु होदो अब्राम अने सारै ने कई सोरो ने हेथो। परमेश्वर वे अब्राम थकी वात करी अने फेर थकी वायदों करयो के ऐने एक सोरो देदा थाहे। अने जेम हरग म तारा हे हेमेस ऐना घण खर पीढी थाहे। अब्राम वे परमेश्वर ना वायदा इपर विसवा करयो। परमेश्वर वे घोषणा करी के अब्राम एक धर्मी आदमी हेथो। केमके अणे परमेश्वर ना वायदा इपर विश्वास करयो थो।

तर परमेश्वर वे अब्राम थकी एक वायदा करयो। साधारण रूप थकी एक वायदों बे पाल्टी ने विस म एक बिजा ने हारू काम ने करवा नो एक हमझवारी थाए है। परमेश्वर वे अब्राम थकी इ वायदों तर करयो थो जेर अब्राम हुतो थो, पोंणे झे हेत भी परमेश्वर ने हमळे सकत हेथ। परमेश्वर वे केदू हूँ तारा शारीर थकी पैदा करेने तने तारो एक निस खुद सोरो आले। हु तारे जातिये ने यु कनान देश आलू है। पोंणे अजु होदो अब्राम ने कुई सोरो ने हेथो।