5. वायदा ने सोरो

अब्राम अने सारै ने कनान पुगावा ने दस वरह ने बाद अजु होदो भणने कुई सारै ने हेथ। ऐतरे हारू अब्राम ने बजेर सारै ने ऐने थकी केदो केमके परमेश्वर वे अजु होदु मने सोरु जणवा हरकी नहे करी है, अने भावु हूँ सोर जणवा ने हारू घणी डुही हूँ देख मारी दासी हाजिरा आ है। ऐने थकी शादी करे ले के ई मारे हारू एक सोरो पैदा करे सके।

अत अब्राम ने हाजिर थकी शादी कर लीदी। हाजिरा ने एक सोरा पैदा थायो अने अब्राम वे ऐनो नाम इश्माएल राख्यो। पोंणे सारै हाजिरा थकी रिह करवा लागी। जेर इश्माएल तेरह वर नो हेथो परमेश्वर वे फेर अब्राम थकी बात करी।

परमेश्वर वे केदो हूँ सर्व शक्तिमान परमेश्वर हूँ हूँ तारे हाते एक वायदों करूगा तर अब्राम वे जगा इपर पड़ेने दंडवत करयो। परमेश्वर वे अब्राम थकी ऐम होदो केदो तू हाणीस जातियों नो बा बणही। हु तने अने तारे वहाजो जातीये ने अणनी खुद नी जगा थावा ने हारू कनान देश आल दे अने हूँ हमेशा ने हारू भणनो परमेश्वर थाऊँगा। तने आपडा घराणा न हर ऐक पुरुष नो खतनो करवो है।

तारी बजेर सारै एक सोरो जणहे इते वायदा नो सोरो थाहे ऐनो नाम इसहाक राखजो। हूँ ऐने हाते आपडा वायदा ने बणावे राखे अने इते एक मोटी जाती बणे जाहे। हूँ इशमाएल ने होदी एक मोटी जाती बणावे पोणे माटो वायदों इसहाक ने हाते रैहे। तर परमेश्वर ने अब्राम नो नाम बदलेने ने अब्राहम कर देदी, जेनो मतलब हे घणनो बा। परमेश्वर ने सारै नो नाम होदो बदलेने सारा कर देदो, जेनो मतलब है मुलमाता।

हणे दाडे अब्राहम ने आपडा घराणा न हेत आदमीज नो खतना करयो लम सम एक वर ने बाद जेर अब्राहम 100 वर नी ओमर नो हेथो। अने सारा 90 नेक वर नी हेथी तर सारा वे अब्राहम ने सोरा ने जनम आल्यु वे अणने केदो थो अणवे ऐनो नाम इसहाक राख्यु।

जेर इसहाक जोवन थायो ते परमेश्वर वे ऐम केने अब्राहम नी परीक्षा करी अपड़ा एखला सोरा ने ले अने मारा हारू भोग ना रूप म मार दड। फेर थकी अब्राहम वे परमेश्वर नी बात मानी अने आपडा सोरा ने भोग करवा ने हारू तैयार करयो।

जेर अब्राहम अने इसहाक भोग सडावा ने जगा नी भेट जासवा लग्या ते इसहाक वे पुसु, हे बा आपडे कने भोग करवा ने हारू लाकड़ ते है पोणे भोग करवा ने बोकडो का है, अब्राहम वे जवाब आल्यो , हे मारा सोरा परमेश्वर भोग करवा ने हारू बोकडा न उपाय करहे।

जेर ई भोग सडावा ने जगा इपर पुगीजा तर अब्राहम वे इसहाक ने बादेने वेदी इपर हुवाड देदी। इते आपडा सोरा ने मारवा वाळोस हेथो के परमेश्वर वे केदो , ऐकाए जा सोरा ने नुकसान ने हे पुगाड़ा आणु हूँ जाणे जो है के तो मारो भय माने है केमके ते आपडा एखला सोरा ने होदो मने थकी वसाड़ेने नहीं राख्यो।

भेड़स अब्राहम वे एक बोकडा ने दिख्यु जी झाड़ी म फसेलो हेथो। इसहाक ने बदले भोग करवा हारू परमेश्वर वे बोकडो नो उपाय करयो थो। अब्राहम वे राजू राजू बोकडो ने भोग सडाव देदी।

तेर परमेश्वर वे अब्राहम थकी केदो केमके ते मारे हारू हेतु कई आलवा ने इस्सा हेथी आ हुदी के आपडा एखलो सोरो ने होदी ऐतरे हारू हूँ तने आशीर्वाद आलवा नो वायदों करो है। तार जातिये हरग न तारो थकी मी वदु थाहे। केमके ते मारी हुकुम ने मानी है। ऐतरे हारू हूँ तारा परिवार ने द्वारा दुनिया न हेत कोम ने आशीष आलुगा।