6. परमेश्वर इसहाक ने उपाय करे है।

जेर अब्राहम घणो डायो थाऐ जो मो तर ऐनो सोरो, इसहाक एक आदमी नी उमर नो थाए जो घो। ऐतरे हारू अब्राहम वे आपडे एक सेवक ने आपडा सोरा इसहाक ने हारू हणा देश थकी एक बजेर लाववा हारू मोकल्यो जा ऐन हगा वाळा रेता था।

जा अब्राहम न हगा वाळा रेता था। हणा देश म जवा ने एक लाम्बी सफ़र ने बाद परमेश्वर ने अणा सेवक नो मुलाकात रिबका थकी करायो। इते अब्राहम मा भाई नी पोती हेथी।

रिबका आपडा परिवार ने सोडेने हणा सेवक ने होते पाणी जावा ने हारू मानी गई। जेमेस ई पुण्या इसहाक वे ऐने थकी शादी कर लिदी।

एक लाम्बा टाइम ने बाद, अब्राहम मरे जो। तर परमेश्वर वे अब्राहम ना सोरा इसहाक ने, अब्राहम ने हाते बादेलो वायदों नी जगा थकी आशीर्वाद आल्यो हणा वायदा म परमेश्वर नी एक प्रतिज्ञा हेथी के अब्राहम के वगर गणती जातिये थाहे। पोणे इसहाक नी बजेर रिबका ने सौर पैदा ने थाई।

इसहाक वे रिबका ने हारू दूवा करी, अने परमेश्वर वे ऐने जूळवा सौर नो गर्ब धारण करवा ने हरकी करी। जणा टाइम ई सौर रिबका न पेट मस हेथ, ई हाम – हाम वळगावा लाग्या ऐतरे हारू जी कई थाए रयु थू रिबका वे परमेश्वर ने वताड देडू।

परमेश्वर वे रिबका वे केदू तू बे सौर ने पेदा करही। ऐने पीढ़ी बे अलग- अलग जातिये बणहे। इ एक बीजा थकी वळगा है। पोणे मोटा- मोटा सोरा थकी पैदा थावा वाळी जाती ने नाना सौरा थकी भववा वाळी जाती ने हुकुम भानवो पड़हे।

जर रिबका वे सौर ने जनम थायु ते मोटो सोरो रातो अने रोंगट हेथ अने अणवे ऐनो नाम एसाव पाड्यो। नानो सोरो एसाव नी फणी ने हादीली जनमो अने अणवे ऐनो नाम याकूब राख्यु।