13. इजराएली ने हाते परमेश्वर नो वायदों
इजराएली ने लाल समुदर ने थकी पार लेने जावा ने बाद, परमेश्वर अणने ढ़ोगोर थकी म थाए ने सीने केवा वाळ नी मेर लेने साल्यो। इते इस पर्वत ढ़ोगोर हेथो। जी मूसा वे बळती थकी झाड़ी ने दिखी थी। हण मनख वे हण ढ़ोगोर ने नीस आपड झोपड़ ने बणाय थ।
परमेश्वर वे मूसा थकी अने इजराएल न हेत मनख थकी केदो तमने हमेशा मारी वात ने मानवी है अने जी वायदो हूँ तमारे हाते बांदू है। हेने बणावे राख्यो। अगर तमु हेवो कर हो। ते तमु मार पुरस्कार घणु मोगू धन, याजको ने राज अने एक पवित्र जाती ठहर हो।
परमेश्वर द्वारा अणने मेड भावाव ने हारू मनख ने तिन दाड तक खुद ने तैयार करयु। तर परमेश्वर सीने ढ़ोगोर नी सोटी इपर निस उतरो। जेर ई मायो ते भूकम्प थायो विजळजी झखकी, गलूणु तोकायु, अने हुन्नाजी नो जोरदार आवाज थाई। तर मूसा खुद ऊपर ढ़ोगोर इपर सड़े जो।
तर परमेश्वर वे मनख ने हाते एक वायदों करयो। अणे केदो, हूँ तमारो परमेश्वर यहोवा हूँ, हुस है जणे तमने मिस्त्र न गुलामी थकी जोड़ाय। कणा बिजा देवता नी उपासना नहीं करजो।
मूर्ति जे नही बणावजो मने ऐनी उपासना नही करजो, केमके हु यहोवा तमावे एखलोस परमेश्वर हु। वगर काम नेथकी मारा नाम ने उपयोग म नहे लेजो। सबत ना दाडा ने पवितर मानवा ने हारू याद राखजो। बिजा शब्द में सो दाड म आपड हेत काम करजो, हातवो दाडो तमारे हारू आराम करवा अने मने याद करवा नो दाडा है।
आपडे आई अने बा नो आदर करजो। हत्या नहे करजो। व्यभिचार नहे करजो। सोटी नहे करजो। आपडे पड़ोसी नी बजेर ऐने घेर या ऐना कणा भी सीज ने ले लेवा इस्सा नहीं करजो।
तर परमेश्वर वे अणी दस हुकुम ने पाण ने बे पाटियो इपर लखे ने मूसा ने आल देदी। परमेश्वर वे पालन करवा ने हारू मनख ने अन्य घणी व्यवस्था आली। मगर अणने हणी व्यवस्था नी पालन कारयो वे परमेश्वर वे हण मनख ने आशीष आलवा अने अणनी रखवाळी करवा नी प्रतिज्ञा करी। पोंणे अणे कदों के अगर अणवे ऐनो पालन ने करयो ने इते अणने दंड आल है।
परमेश्वर वे इजराएलियो थकी एक गजब तम्बू बणावा ने हारू होदु केदो-मिलाप वाळो तम्बू अणे अणने ठीक ठीक वताड्यू के अणा तम्बू ने केकेम बणावो है, अने ऐने मय कणी सीज ने मेलवी है। अणे अणने हणा तम्बू ने वे कमरों म वातवा ने हारू एक गजब पडदा ने बणावा ने हारू होदु केदो। परमेश्वर हणा पडदा ने वहे वाळा कमरा म आवहे मने ता रे है। जा परमेश्वर हैथो हणा कमरा जावा नी अनुमती केवल महायाजक ने हेथी।
हण मनख ने हणा मिलाप वाळा तम्बू ने हामे एक ओटल ने बणावो पड़ है। कुई भी जी परमेश्वर ने व्यवस्था न उल्यन कर है इते हणी मोटला इपर एक जनावर ने लेने आव है। तर याजक हेने भोग कर है। अने मोटला इपर परमेश्वर ने हारू भोग ने वाणीया वाळ है। परमेश्वर वे केदो, के हणा। जनावर नो लुई हणा आदमी न पाप ने टोप दे है। हणी रीती थकी, आवु परमेश्वर हणा पाप ने नहे देख है। इते आदमी परमेश्वर नी नजर म शुद्ध ठहर है। परमेश्वर वे मूसा ना भाई ने हारू टाळया।
परमेश्वर वे हण मनख ने जी कायदा आल्या था इ अणनो पालन करवा ने हारू सहमत थाय। इ केवल परमेश्वर न मनख थावा ने अने केवल ऐनी स भक्ति करवा ने हारू सहमत थाय।
कइ दाड तक मूसा सिने पर्वत नी सोटी इपर स रयो। इते परमेश्वर थकी वात करे रयो थो। पोणे मनख अण कने पासो आववा नी वाट जोवत- जोवत थकी ज। ऐतरे हारू इ हारून ने भेड़ हुनु लेने आय अने ऐने थकी एक मूरत बणावा ने हारू केदो ताकी इ परमेश्वार न बजाए ऐनी उपासना करे सके। हणी रीती थकी अणवे खतरनाक रूप थकी परमेश्वार ने विरोध पाप करयो।
हारून वे बोकडा ने वाणीय घेना नी एक मूरत बणावी। हम मनख वे हणी मूर्ति नी उपासना करवी शरु कर देदी। अने भोग सडायो। अणना पाप नी वजह थकी परमेश्वर अण थकी घणो क्रोधेत थायो थो। इते अणने नाश कर देवा साहतो थो।
पोणे मूसा वे अणने नहे मारवा नो परमेश्वर थकी विनती करी। परमेश्वर वे ऐनी विनती ने हमळी अने अणने नाश नहे करया।
फेर मूसा वे हणी मुरतो ने दळे ने हेनो बणाव देदी। अने हणा बुरादा ने पाणी म मीळवेंने हण मनख ने इते पाणी पाए देदो। परमेश्वर वे हण मनख इपर एक विपत्ति मोकली अने हण म थकी हण मनख मरे ज।
जणी पटिय ने मूसा वे तोड़ दडी थी अणनी जगा लेवा ने हारू मूसा वे हणी दस हुकुम नी पाणा नी नवी पाटिय ने बणावी तर इते फेर थकी ढ़ोगोर इपर सड़े जो अने दूवा करी के परमेश्वर हण मनख माफ़ करे। परमेश्वर वे मूसा नी हमळी अने अणने माफ़ कर देदो। नवी पटिय इपर दस हुकुम ने लेने मूसा ढ़ोगोर थकी निस उतरे आयो।
निर्गमन अध्याय 19-34 से एक बाइबल की कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।