14. ढ़ोगोर म भळकवो

परमेश्वर वे इजराएलियो ने अण कायदा ने वताडवू ख़तम करयु जिनी अणने बादेली वाक्या ने खातीर पालन करवी है। फेर अणे सीने ढ़ोगोर थकी अगाडी अणनी दोखणी करी। इते अणने वायदों न देरु म ले जावा भागतो थो। इ देश कनान होदो केवाए है। परमेश्वर वादळा ना खम्बा म अणने अगाड़ी -अगाड़ी साल्यो अने इ ऐने वहे -वहे साल्या।

परमेश्वर वे अब्राहम , इसहाक अने याकूब थकी प्रतिज्ञा करी थी के इते प्रतिज्ञा ना इते देह अणने पिढ़ीय ने आल है, पोणे अणा टाइम तास घणीस जातीय रेती थी। ई कनानी केवात थ। य कनानी मनख परमेश्वर नी भागती नहे करत थ अने ऐनी हुकुम ने नहीं मानत थ।ई झूठ देवताओ नी उपासना करय करत थ अने घणस भोड़ काम करत थ।

परमेश्वर वे इजराएलीयो थकी केदो, जेर तमु हणा वायदा ना देह म जो ते तान हेत कनानियो थकी सुटकारो पाए लेजो। अणने हाते ह्गू नहे करजो अने अण थकी शादी नहे करजो। तमो अणनी हेती मूर्तिय ने हेती तरह थकी ख़तम कर देजो। अगर तमो मारी हुकुम नहे मानहो, ते तमो मारे वगर अणनो देवता नी उपासना करवा लागहो।

जेर इजराएली कनान ने हद इपर पुगेजा, मूसा वे इजराएल न हेत पीठजे म थकी एक-एक करेंने बारे आदमी ने साटे लेदा अणे अणने जाए ने हणा देह नो खबर लेवा नो निर्देश सलाह आली में देखो के इते कवो देह है। अणने हण कनानीय नो खबर होदी लेवी हेथी के दखो के इ वळवाळ है या वगर वळवाळ है।

अण बारे आदम नी हेता कनान म फरत जाए ने साळी दाड नो सफर करयो अने फेर इ पासा फेर आया। अणवे मनख ने वताडयुइते देह घण पकाडवा वाळु है अने फसले धान घणी गजब नी है पोणे भेदीयो वे केदो अणना नगर घणा मजबूत ताकत वाळ है। अने इ मनख लाम्ब सोड है अगर हमो अणु इपर हमलो करजे ते, ते खरेखर रूप थकी ई आपने हराव दे है अने आपने मार दड है।

तर तस कालेब अने यहोशु अने अन्य बे भेदिय वे कदू आ हासो है के कनान मनख लम्बा अने वळवाळ है, पोणे खराखर रूप थकी आपने हरावे सके है। परमेश्वर आपडे हारू लड़ है।

पोणे मनख वे कालेब अने यहोशु ने नहे हमळी। इ मूसा अने हारून इपर गुस्सा थाए ज अने केदो, तमु हमने अणा खतरनाक जगा इपर केम लेने आया है? हमने मिस्त्र मस रेवु जुगतो हैथो। अगर हमू हणा देह म जाजे है ते हमू लड़ाई म मारय जाहो, अने कनान न मनख हमारी बजेर अने सोर ने गुलाम बणावा लेहे। इ मनख अणने पास मिस्त्र म लेने जावा ने हारू एक बिजा लीडर ने बणावा मागत थ।

जेर हण मनख वे हेवो केदो तो परमेश्वर घणो गुस्सा थाए जो। इते मिलाप वाळा तम्बू म आयो अने केदो, तमे मारे घमे बळवो करयो है, ऐतरे हारू तमो हेत अणा ढ़ोगोर म भटकवो पडहे। हरेक जणा ने बीस वर या ऐने थकी वदू उमर नु हे इते मरे जा है, अने केर भी हणा देह म भटाए ने सके जी हूँ तमने आलू है। खाली अने यहोशु हेनेम भाताए सकहे।

जेर मनख वे परमेश्वर ने हेवो केत हमळयु , ते इ दुखी थाय केमके अणवे पाप करयो थो। ऐतरे हारू अणवे कनान न मनख इपर हमलो करवा नो निर्णय करयो। मूसा वे अणवे नहे जावा ने हारू सेतावणी आली केमके परमेश्वर अण हाते ने जाए, पोंणे अणवे ऐनी नहे हमळी।

परमेश्वर हणा युदू म अण हाते नहे जोयो ऐतरे हारू कनानीयो वे अणने हराव देद अने अणम थकी घण ने मार दडय। तेर इजराएली मनख कनान थकी पास फेर आय। अगाडी साळी वरह तक, इ ढ़ोगोर म अई तई भटका है।

इजराएली मनख द्वारा ढ़ोगोर म भटकवा न साळी वरह ने दौरान, परमेश्वर बे अणनी जरुरत ने पूरी करी। अणे अणने हरग थकी मन्ना केवावा वाळी रोटी आली। अणे बटरो ना झुण्ड होदा ( जी के मध्य आकार न ओल्जी थाती थी) अणनी धावनी म मोकले ताकी अण कने खावा ने हारू बटकी थाए। हणा हेता टाइम परमेश्वर वे अणना सिसर अने काहड ने फारवा थकी वसाड़े राख्या।

आ तक के परमेश्वर वे अणने पिता ने हारू समतकारी रूप थकी पाणा म थकी पाणी काडयू। पोंणे अण हेता ने बावजूद इजराएली मनख वे परमेश्वर ने हामे अने मूसा ने हाये चुगली करी अने बडबुडाय, ते होद परमेश्वर विश्वासयोग्य हेथो अणे जी प्रतिज्ञा करयो थो के इते परमेश्वर विश्वासयोग्य हेथो। अणे जी प्रतिज्ञा करयो थो के इते अब्राहम, इसहाक, अने याकूब नी पिढ़िय ने हारू करहे , अणे इते करयु।

एक फेर टाइम जे एण मनख ने मेड पाणी ने हेथो, परमेश्वर वे मूसा ने केदो, पाणा थकी वाते कर, अने हेने थकी पाणी नकळ हे। पोणे मूसा वे वाते ने करी। बजाए ऐने, अणे लकड़ी थकी पाणा इपर बे वखत वादी। हणी रीते हणे परमेश्वर नो दिरादर करयो। हेत ने पिवान हारू पाणा म थकी पाणी ते नकोळ आयु पोणे परमेश्वर गुस्सो थायो। अणे केदो, केमके ते ऐवो करयो है ऐसटे तो वायदा ना देह म भराए ने सके।

जेर इजराएली मनख साळी वरह तक ढ़ोगोर म भटके सुक्य थ, तर जण वे परमेश्वर ने हामे पलवो करयो थो, इ हेतमरे ज थ। तर हंण मनख ने फेट थकी हणा प्रतिज्ञा ना देह ना हद तक ले जो। आवु मुसो घणो डोहो थाए जो थो। ऐतरे हारू परमेश्वर वे मनख नी दोखणी करवा म ऐनी मदद करवा ने हारू यहोशु ने सुन लेदो। परमेश्वर ने मूसा थकी आ प्रतिज्ञा होदी करी थी के एक दाडो इते अण मनख ने मेड मूसा ने हरको एक भविषवक्ता मोकल है।

तर परमेश्वर वे मूसा ने एक ढ़ोगोर नी सोटी इपर जावा ने हारू केदो ताकि इते प्रतिज्ञा न देह ने देखे सके। मूसा वे प्रतिज्ञा ना देह ने देख्यु पोणे परमेश्वर वे ऐने हेनेम भरावा नी आज्ञा ने आली। तर मूसा मरे ज्यो, मने इजराएलियो वे तिस दाड तक दुःख करयु। यहोशु अणनो नवो अगुवो बणे जो। यहोशु एक ताजो अगुवो हेथो। केमके अणे परमेश्वर इपर भरोहो करयो अने ऐनी बाते ने मानी।