15. प्रतिज्ञा नु देह

अंत म हावू इते टाइम आवे जो तो ,के इजराएली मनख प्रतिज्ञा ना देह, कनान म भराए जा है। हणा हदेह म यरीहो नाम नो एक नगर हेथो। ऐनी रखवाळी ने हारू ऐने सारीमेट ताकतवर दिवाळे हेथी। यहोशु वे हणा नगर म बे भेदिया ने मोक्लया। हणा नगर म राहाब नाम नी एक वेश्या रेती थी। अणयी हणभेदिय ने हात्या, अने फेर बाद म अणये अणने नगर थकी वसाडे ने काडवा म मदत करी। अणयी हेवु ऐतरे हारू करयु केमके इते परमेश्वर म विश्वा करती हेथी। जणा टाइम इजराएली मनख यरीहो ने ख़तम करहे तर अणवे राहाब अने ऐना परिवार नी रखवाळी करवा नी प्रतिज्ञा करी हेथी।

इजराएली मनख ने प्रतिज्ञा ना देह म भरावा जावा ने हारू यरदन नदी पार करवी हेथी। परमेश्वर वे यहोशु थकी केदू, याजको ने पेल जावा दे जेर याजक वे यरदन नदी म आपडे पोग ने मेल्या तो पाणी नी घाटा नु वबू रोकए जू , जेने थकी इजराएली मनख नदी नी पिली मेर हुकाएली जगा इपर पिलिपेर जाए सके।

अण मनख वे यरदन नदी पार कर लेदी ते परमेश्वर वे यहोशु थकी केदू के यरीहो इपर हमलो करवा ने हारू हबाएल रो यदपि, इते घणू मजबूत नगर हेथू। परमेश्वर हण मनख थकी केदू के अणना याजक अने सेनिको ने सो दाड तक हणा नगर नी सारिमेट थक्कर लगाडयु है। अत याजको अने सैनिको वे हेवुस करयु।

तर हातवे दाडे इजराएलीयो वे हणा नगर ने सारीमेट हात वरवत अजु चक्कर लगाडया। अणना नगर ना सारिमेट हातवी वखत चक्कर लगाड देवा ने बाद याजक वे आपडी हन्नाजी वगाडी अने सैनिक वे जोरदार सिसाया।

तर यरीहो ना सोरिमेट नी दिवाळे पड़े गई। जेवी परमेश्वर वे हुकुम आल्यो थो इजराएलियो वे नगर नी हरेक वस्तु ने ख़तम कर देदी। अणवे केवल राहाब अने ऐना परिवार ने सोड देदु जी इजराएलियो नो भाग बणे जत। जेर कनान में रेवा वाळ बिस मनख वे हमळयु के इजराएली वे यरीहो ने खतम कर देदे है। ते इ समकेजा के इजराएली मनख अण इपर होद हमळो कर है।

परमेश्वर वे इजराएली ने हुकुम माल्यो थो के कनान मा रेवा वाळ कणी भी जाती ने हाते शांतसंथी नहे करवी है, पोणे गिबोनियो नाम नी एक कनानी जाती न यहोशु थकी झूठ बोल्यो के इ कनान थकी सिटी एक जगह न रेवावाळ है। अणवे यहोशु थकी अण ने हाते शांतिसंधि करवा नो विनती करी। यहोशु अने बिज इजराएली अणुव वे परमेश्वार थकी नहे पुसु के अणने हु करवु जुगे। हेने वगर अणवे मिधयानीयो ने हाते समझोतो कर लेदी।

तिन दाड बाद इजराएली ने हतु पड्यु के गिबोनी मनख कनान म स रेत थ। इ गुस्स्रो थाए ज केमके गिबोनियो वे अणने धोखो आल्यो थो। पोंणे अणवे अण हाते करी गई हणा समझोता ने बणावे राख्यो केमके इते परमेश्वर ने हामे करयो ग्यो हेथो। तर कई टाइम ने बाद, कनान म रेवा वाळ एक अन्य जाती, ऐमोरियो न राजाओ वे हमळयु के गिबोनियो बे इजराएलियो ने हाते साझोतो कर लेदो है, ऐतरे हारू अणवे आपडी-आपडी फोज ने एक एक करे ने एक मोटी फोज बणा वी अने गिबोन इपर हमलो कर देदो। गिबोनियो वे अणनी सहायता करवा ने हारू यहोशु ने कने एक हमिसार मोकल्यो।

अत यहोशु वे इजराएली सेना ने मेंळी करी अने गिबोनियो ने मेड पुगवा ने हारू इ पूरी रातर साल्य। परबाते भोर म अणवे ऐमोरियो नी सेना ने भखनाव देदु अने अण इपर हमलो कर देदो।

हणे दाडे परमेश्वर इस्त्राएलियो ने हारू वळगायो द्धाने एमोरीयो ने घबराव दंडय अने मोट- मोट आलो पाडे ने हाण थक एमोरीयो ने मार दंडय.

परमेश्वर वे सूरज ने होदो हरण म एक जगा इपर थमाड देदो ताकी इजराएलियो ने पुरो टाइम मळे जाए के ऐमोरियो ने पूरी तरह थकी हराव दे हणे दाडे परमेश्वर वे इजराएलीयो ने हारू एक मोटी जीत प्राफ्त करी।

जेर परमेश्वर वे हणा सेना ने हरावा ने बाद, घणस कानानी जाती न मनख इजराएल इपर हमलो करवा ने हारू भेळ थाय। यहोशु अने इजराएली वे हमलो करेने अणने हाते ह नाश कर देद।

हणा युद्ध ने बाद परमेश्वर वे इजराएल न हरेक गोत्र ने प्रतिज्ञा न हणा देह म अणनो भाग आल्यो। तर परमेश्वर वे इजराएल ने भणनी हेती हद सिसामो इपर शांति प्रदान करी।

जेर यहोशु डोहो थाए जो, ते अणे इजराएल न हेत मनख ने एक हाते हादीकेद तर यहोशु वे हण मनख ने याद भलाड्यू के अणवे हणी वायदा नो पाळन करवा नी प्रतिज्ञा करी थी जी परमेश्वर वे अण हाते सीने ढ़ोगोर इपर करी हेथी। हण मनख ने परमेश्वर ने हाते विश्वासयोग्य रेवा अने ऐनी व्यवस्था नु पाळन करवा नो वायदो करयो।