17. दाऊद ने हाते परमेश्वर नो वायदो

शाऊल इजराएल नो पेलखो राजो हथो। इ लाम्बो अने ताजो हेथो, जेवू इ मनख साहत थ एकदम हेवोस। इजराएल इपर आपडा राज ने पेल थोड़क वरह म शाऊल एक तानो राजा हेथो। पोंणे बाद म इते एक ख़राब आदमी बणे ग्यो जणे परमेश्वर ने सुन्यो जी के एक दाडो ऐना जगा इपर राजो बणहे।

परमेश्वर वे दाऊद नाम नो एक जोवन इजराएली आदमी ने सुन ने एक दाडो शाऊल ने जगा इपर राजा थावा ने हारू तैयार करवु शरू करू। दाऊद बैतलहम नगर नो एक गोवाळ हेथो। कर टाइम इपर दाऊद वे वाग अने भालू बेय ने मार दडया हेथा। केमके दाऊद द्वारा रखवाळी करते टाइम ऐना बा बोकड इपर अणवे हमलो करयो हेथो। दाऊद एक नम्र अने धर्मी आदमी हेथो। अणेवे परमेश्वर इपर भरोहो करयो अने ऐनी वात ने मानी।

जार दाऊद हमण जोवन आदमी स हेथो। अणे लाम्ब सोड गोलियत ने हामे लड़ाई करी। गोलियत एक घणो ताजो सैनिक हेथो। इते घणा ताकतवर अने लमसम तीन मीटर लाम्बो हेथो। पोणे परमेश्वर वे गोलियत ने मारवा अने इजराएल ने वसाडवा म दाऊद नी मदद करी। ऐने बाद, दाऊद वे इजराएल ना दुश्मन इपर कई वखत जित हासिल करी, दाऊद एक मोटो सैनिक बणे ग्यो अने अणे घण थक लड़ाईज म इजराएल सेना नी दोखणी करी मनख वे ऐनी घणी तारीफ करी।

मनख वे दाऊद थकी ऐतरे लाड़ करयो के शाऊल ऐने थकी वळवा लाग्यो। आखिरकार शाऊल ऐने दडवा साहतो हेथो, ऐतरे हारू दाऊद ऐने थकी अने ऐना सैनिक थकी हरावा ने हारू ढ़ोगोर म नाहे जो। एक दाडो जेर शाऊल अने ऐना सैनिक दाऊद नी जोववा म हेथा , ते शाऊल एक गुफा द्यडा म जो। येते हम दयड़ो हेथो जेनेम दाऊद हताएलो हेथो, पोणे शाऊल वे ऐने ने दिख्यो। दाऊद शाऊल ने वहे ऐना घणो मेड जातो रयो अने ऐना सिसरा नो एक बटको कापे लेदो। बाद म जर शाऊल हणी डा दयडा थकी नकळयो ते दाऊद वे ऐने सीसाए ने हणा हादेल सीसर नो बटका ने वताडयो हणी तरीका थकी , शाऊल जाणे ग्यो के दाऊद ने राजा बणवाने हारू ऐने मार दडवा थकी नकार देदो।

थोड़क टाइम ने बाद शाऊल लड़ाई म मरे रयो अने दाऊद इजराएल नो राजो। इते एक ताजो राजो हे थो। अने मनख वे ऐने थकी परेम राख्यो। परमेश्वर वे दाऊद ने आशीर्वाद करयो अने ऐने सफळ बणायो। दाऊद वे घणी लड़ाई लड़ी अने परमेश्वर वे इजराएल न दुश्मन ने हरावा म ऐनी मदद करी। दाऊद वे यरूशलेम नगर ने जितेने ऐने आपडी राजधानी बणावी जार इ इते रयो अने राज करयो। दाऊद साळी वरह तक राजो रयो। हणा टाइम ने दोरान इजराएल ताकतवर अने धनवान बणे ग्यु।

दाऊद एक मन्दर बणावा साहतो हेथो जा हेत इजराएली परमेश्वर नी आराधना केर सके अने ऐने हारू भोग सडावे सके। लमसम ४०० वरह थकी इ मनख मूसा न बणाविला मिलाप वाळा तम्बू म परमेश्वर नी आराधना करी रयो हेथा अने ऐना हारू भोग सडावता हेथा।

पोंणे ता नातान नाम वो एक भविष्यवक्ता हेथो। परमेश्वर वे ऐने दाऊद थकी यु केवा ने हारू मोकल्यो ते घणी लड़ाई लड़ी है, ऐतरे हारू त मारे हारू अणा मन्दर ने बणावेना। तारो सोरो ऐने बणावे है। ते होदो हूँ तने बहुतायत थकी आशिर्वादित करे। तारो एक पिढ़ी हमेशा ने हारू मारे मनख इपर राजानो वणीय म राज कर है। हमेशा ने हारू राज करवा वाळा इते दाऊद ना एकमात्र वंशज मसीह हेथो। मसीह परमेश्वर नो सुने लो जण हेथो जी दुनिया न मनख नो अणन पाप थकी वसाड है।

जर दाऊद वे नातान न सन्देश हमिसार ने हमळयो ते अणे परमेश्वर नो धन्यवाद करयो, अने ऐती स्तुति करी। परमेश्वार ऐनी प्रतिष्ठा ने बढ़ा वे रयो हेथो अने ऐन घणी आशीष आली रयो हेथो। बेहाक दाऊद ने जाणतो हेथो के परमेश्वर हणी वात ने केर कर है। अणा टाइम म आपु जाणजे है के इजराएलीय ने एक लाम्बो टाइम तक लमसम १००० वरह तक मसीह ने आववा नी वाट जोवली पड़ हे।

दाऊद वे कई वरह तक न्याय ने हाते आपड मनख इपर राज करयु। अणे मोटी निष्ठा थकी परमेश्वर नी वात ने मानी अने परमेश्वर वे ऐने आशीर्वाद करयो। हलाकि, आपडा जीवन ना अंत म अणे परमेश्वर ना हामे खतरनाक पाप करयो हेथो।

एक दाड़ो दाऊद वे अपने महल थकी बारत ताक्यो अने एक बखेली बजेर ने मोगळत देखी। इते ऐने ने जाणतो हेथो, पोंणे अणे मतु कर लेइ के ऐन नाम बतशेबा हेथू।

अपने नजर ने फेर लेवा ने बजाए दाऊद वे ऐने आपडे मेड लाववाने हारू केमके मोकल्यो। इते ऐने होत हुतो अने ऐने पासी घेर मोकल देदी। थोडाक टाइम ने बाद बतशेबा वे यु केने दाऊद ने कने हमिसार मोकल्यो के इते पेट थकी है।

बतशेबा नो आदमी उरिय्याह नाम नो एक आदमी हेथो। इते दाऊद नो ख़ास सैनिक माहो एक हेथो। हण टाइम इते लड़ाई करवा ने हारू बाहर जाएलो हेथो। दाऊद ने उरिय्याह ने लड़ाई म पासो हादेने ऐने आपडी बजेर के हाते रेवा ने हारू केदू। पोंणे बिजा सैनिक लड़ाई म हेथा ऐतरे हारू उरिय्याह वे घेर जावा थकी ना के देदू। अत दाऊद वे उरिय्याह ने पासो लड़ाई म मोकल देदो अने सेनापति थकी ऐने लड़ाई म ऐवी जगा इपर राखवा ने हरु केदो जा दुश्मन हेत थकी ताकतवर वहे ताकि इते मारयो जाहे। ते ऐवू थाजू के उरिय्याह लड़ाई म मारयो ग्यो।

उरिय्याह ने लड़ाई म मरे जावा ने बाद दाऊद ने बतशेबा थकी शादी कर लेदी। बाद म, अणे दाऊद न सोरा ने जनम आल्यु। दाऊद वे जी करयु ऐने थकी परमेश्वर घणो गुस्सा हेथो, ऐतरे हारू अणे नातान भविषवक्ता ने दाऊद ने यु वताडवा ने हारू मोकल्यो के ऐनो पाप केयो ख़राब हेथो। दाऊद वे ऐना पाप नो पश्चाताप। करयो अने परमेश्वार वे ऐने माफ़ कर देदो। आपडा रोष जीवन म अपडे काठ टाइम म होद दाऊद परमेश्वर ना वहे साल्यो अने ऐनी वात ने मानी।

पोणे दाऊद नो सोरो मरे ग्यो हणे तरीके परमेश्वर वे दाऊद ने दण्ड माल्यो। ऐने बावजूद दाऊद ने मरवा तक, ऐना आपडा परिवार ने दण्ड थोड़क मनख वे ऐना हामे लड़ाई करी, अने दाऊद नी आपडी ताकत कम थाएगी। पोणे परमेश्वर विश्वासयोग्य हेथो अने आवु होदो अने यु करयु जी अणे दाऊद थकी करवा नो वायदा करयो हेथो इ करहे भले ई दाऊद वे ऐनी करी हेथी वाद म दाऊद अने बतशेबा नी बीजी सोर पैदा थाय अने ऐनु नाम सुलेमान पाडयु।