18. विभाजित राज्य

दाऊद राजा वे साळी वरह तक राज करयो। तर इ मरे जो, अने ऐना सोरो सुलेमान वे इजराएल इपर राज करवु शुरू करयु। परमेश्वर वे सुलेमान थकी वात करी अने ऐने थकी पुसु के इते सब थकी वदू हूँ साहे है। के परमेश्वर तार हरु करे। सुलेमान वे परमेश्वर थकी माग्यू के इते ऐने घणोस बुधिमान बणाव है। हणी वात ने परमेश्वर खुश करयो ऐतरे हारू परमेश्वर वे सुलेमान ने दुनिया नो हेत्र थकी बुधिमान आदमी बणाव देदो। सुलेमान वे घणीस वात ने हीकी अने इते एक बुधिमान शासन हेथो। परमेश्वर वे ऐते घणो धनवान होदो बणाव देदो हेथो।

यरूशलेम म सुलेमान वे हणा मंदिर ने बणायु जेने हारू ऐना बा वे योजना बणावी हेथी अने समान ने बेळो करयो हेथो। आवु मनख मिलाप वाळा तम्बू ने बजाए मंदिर म परमेश्वर की आराधना करत हेथ, अने ऐने हारू भोग सडावत हेथ परमेश्वर आवेने मंदिर म उपस्थित रिय करतो हेथो। अने ता इते आपड मनख ने हाते वास करतो हेथो।

पोणे सुलेमान वे बिज देहो नी बजेर थकी पेरम करयो। अणे घिनस लमसम १००० बजेरे थकी शादी करने परमेश्वर नी अवज्ञा करी। ऐने माही घणीस बजेर बिजा देशो थकी आवी अने आपडे देवताए ने लावजी अने अणनी उपासना करवी शुरू राख्यु। जेर सुलेमान ठोहो थाए जो ते अणे होदी अणना देवताओ नी उपासना करी।

हणा वजह थकी परमेश्वर सुलेमान थकी गुस्सो हेथो। अणे केदो के इते इजराएल देश ने बो राज्यों म भाग करवा ने द्वारा ऐने सजा माल हे। इते सुलेमान ने मरवा ने बाद ऐक कर हे।

सुलेमान ने मरवाने बाद रह्बाम राजो बण्यो। इजराएल देह ना हेत मनख ऐने आपड़ो राजा ने वाणीस स्वीकार करवा ने हारू एक हाते भेळ थाय। अणवे रह्बाम थकी शिकायत करी के सुलेमान वे अण थकी काढ़ी मेहनत करावी हेथी अने घण थक सन्दो वसुल्यो हेथो। अणवे रह्बाम थकी बिनती करी के ऐने थकी कम काम करावे।

पोंणे रह्बाम वे अणवे मोटीस मुर्खता थकी जवाब आल्यो तमो को हे के मारे बा सुलेमान व प्रय थकी काढ़ी मेहनत करावी। पोंणे हूँ ताम थकी ऐने थकी वदू होदी घणी काढ़ी मेहनत कराऊंगा अने हु तमने ऐने थकी वदु पीड़ित करूंगा।

जेर मनख वे ऐने हेम केत हमळयु ते अण माहो कोणेक वे ऐने हामो बलवो करयो। दस गोत्रो वे ऐने सोड देदो, अण हाते आवु केवल बे गोत्र स वस्या। अण बे गोत्रो वे खुद ने यहूदा राज्य केदो।

बाकी न दस गोत्रो वे यारोबाम नाम न एक आदमी ने आपड़ो राजा बणाव लेदो। आ गोत्र देश ने उत्तर पूर्वी भाग म हेथ। अणवे खुद ने इजराएल को राज्य केदो।

पोंणे यारोबाम वे परमेश्वर ने हामे बलवो करयो अने मनख थकी पाप करायो। अणे आपड मनख ने द्वारा उपासना करवा ने हारू बे मूर्ति ने बणावी इ आवु यहूदा ने राज्य म यरूशलेम में परमेश्वर न मंदिर म ऐनी आराधना करवा ने हारू नहीं ज।

यहूदा अने इजराएल न राज्य दुश्मन बणे ग्य अने हमेशा एक विसा ने हामे वळगावा लाग्य।

इजराएल न नवा राज्य म हेता स रजा दुष्ट हेथा। ऐनेम थकी कइ राजा बणवानी ने आह राखवा वाळा अन्य बिजा इजराएल ने द्वारा मारया जा।

इजराएल राज्य ना हेता राजाओं वे अने अधिकतर मनख वे मुर्तिय नी उपासना करी। जेर अणेवे हेवू करयु, ते ई हमेशा वेश्या ने हाते हुता अने आतक के घणी वखत मुर्तिय ने अगाडी सोर नी भोग होदो करयु।

यहूदा राज्य नी राजा दाऊद न वेश्या हेथा। अण राजाओ मारा कई भला आदमी हेथा जणवे न्याय ने हाते राज करयु अने परमेश्वर नी आराधना करी। पोंणे यहूदा ना अधिकार राजा ख़राब हेथा। अणवे दुष्टता ने होते राज करयु अने मुर्तिय नी उपासना करी। आतक में अणम थकी धोकड़ राजाओ वे झूठ देवताओ वे अगाडी आपड सोर ने होद भोग कर देह। यहूदा ना अधिकार मनख ने होदो परमेश्वर ने घमो बलवो करयो अने बिज देवताओ नी उपासना करी।