19. भविष्यवक्ता

परमेश्वर हमेशा इजराएलीयो ने कने भविष्यवक्ता ने काड्तो रेतो हेथो। भविष्यवक्ता परमेश्वर ना सन्देश ने हमळता हेथा अने फेर हेने मनख ने वताडता हेथा।

जेर अहाब इजराएल राज्य इपर राजा हेथो ते हवा टाइम एलिय्याह भविष्यवक्ता हेथो। अहाब एक ख़राब आदमी हेथो। अणेवे झूठ बाल देवता नी उपासना करावा ने हारू मनख ने परेशान करतो हेथो। ऐतरे हारू एलिय्याह वे अहाब थकी केदू में परमेश्वर अण मनख ने सजा आलवा जाए रयो है। अणे ऐने थकी केदू जर तक हूँ फेर थकी पाणी पडवा ने हारू ने को ता तक इजराएल न राज्य म ने पाणी पड़ है अने ने ओह पड़हे। हणी वात ने अहाब ने ऐतरो गुस्सा कर दडयो के अणे एलिय्याह ने मार दडवा नो नक्की करयु।

ऐतरे हारू परमेश्वर वे एलिय्याह थकी केदू के इते ढ़ोगोर म जाएने अहाब थकी हताए जाए। एलिय्याह ढ़ोगोर म हणी नाळा ने मेड ग्यो जा जावा ने हारू परमेश्वर वे ऐने वताडयु हेथो। हर परबाते अने हर हाजनो, होलजी एलिय्याह ने हारू रोटो अने माह लेने आवत हेथ। हणा पूरा टाइम अहाब अने ऐनी सेना एलिय्याह नी खोळी करता रया, पोंणे इ ऐने जोए ने सक्या।

पाणी ने पडवा थकी थोडक टाइम ने बाद इते नाळो हुकाए ग्यो। ऐतरे हारू एलिय्याह मेडस ना एक देह म जातो रयो। हणा देह म एक वरीब विधवा हेथी। जेनो एक सोरो हेथो। अण कने खावा लमसम ख़तम थाए स्क्यू हेथो केमके ता कुई खेती ने थाई हेथी। पोंणे गेर होदी हणी बजेर वे एलिय्याह नी देखभाळ केरी, ऐतरु हारू परमेश्वर वे ऐने अने ऐना सोरा नी जरुरत ने पूरी करी, हंणे खातीर थकी ऐना आटा नो बर्तन अने ऐना तेल नी डबी करे खाली ने थाई। हणा पूरा काळ ने दौरान अणकने भोजन हेथो। एलिय्याह थोडक वरह तक ता रयो।

हडा तीन वरह ने बाद परमेश्वर वे एलिय्याह थकी केदू के इते फेर थकी पाणी पाड है। अणे एलिय्याह थकी पासो इजराएल न राज्य में जाएने ने अहाब थकी वाते करवा ने हारू केदो। ऐतरे हारू एलिय्याह अहाब ने कने ग्यो। जार अहाब वे ऐने दिख्यो ते अणे केदो ताजो तू है, मुसीबत पैदा करवा वाळो। एलिय्याह वे जवाब आल्यो मुसीबत पैदा करवा वाळो ते तू है। तेवे यहोवा ने सोड देदो है। इस हासो परमेश्वर है पोंणे तू बाल नी उपासना करे रयो है। आवु तने इजराएल राज्य ने हेत मनख ने कर्मेल ढ़ोगोर इपर लेने आववू है।

अत, हेत मनख कर्मेल ढ़ोगोर म ग्य। इ सोरा होदा आया जी केता हेथा के इ बात न सन्देश ने वोलता ग्या। इ वात ना भविष्यवक्ता हेथा। इ हेता ४५० हेथा। एलिय्याह वे मनख थकी केदू केर तक तमो आपड मन ने फेरवे राखहो? अगर यहोवा परमेश्वर हे तो ऐनी आराधना करो, अगर बाल परमेश्वर हे ते ऐनी उपासना करो।

तर एलिय्याह वे बाल न भविष्यवक्ता थकी केदू एक वळद ने भोग करेने ऐना माह ने भोग थावा ने एक ओटला इपर राखो पोंणे भाग नहीं लगाडजो। ऐना बाद म हूँ होदो हेवुस करूँगा अने एक अलग ओटला इपर हूँ हणा माह ने मेले तर अगर परमेश्वर वेदी इपर आग पाडहे ते तमु जाण लेजो के इस हासो परमेश्वर है। तर वात न भविष्यवक्ता वे एक भोग में तैयार करयु। पोणे आग ने लगाड़ी।

तर बाल न भविष्यवक्ता वे बाल थकी इवा करी, हे बाल हमारी हमळ पुरो दाडो अणवे दुवा करी अने सिसाया अने आ तक के खुद ने साक्रओ थकी कापे दडया, पोंणे बाल ने जवाब नहे आल्यो, मने अणे काई भाग नहे गेरवी।

बाल न भविष्यवक्ताओ वे बाल थकी दूवा करवा म लमसम पुरो दाडो महाड़ देदो। अत अणवे दूवा करवी बंद कर देदी। तर एलिय्याह वे बिजा बळद ने माह ने परमेश्वर नी ओटला इपर मेल देदो। हेने बाद अणे मनख थकी पांणी ने ख़ास रासड ने हणी भोग इपर तर तक ळुडवाने हारू केदू जार तक से माह लाकड, अने आ तक के ओटला ने मेडकोर नी जगा परी तरह थकी पलळेने ने जाए।

तर एलिय्याह वे दूवा करी है यहोवा, अब्राहम, इसहाक अने याकूब न परमेश्वर हमने वताडो के तमु इजराएल ना परमेश्वर है। अने यो के हूँ तमारो सेवक है। मने जवाब आलो जेने थकी य मनख जाण लेहे के तमुस हासा परमेश्वर है।

तरवेस हरग थकी आग पड़ी अने अणये माह लाकड पाणा , गाट अने आ तक के ओटला ने ऐरमेर ने पाणी ने होदो बाळ दडयो। जेर मनख वे यु दिख्यु इ जगा इपर मरे पड़य अने बोल्य यहोवा ही परमेश्वर है! यहोवा ही परमेश्वर है।

तर एलिय्याह वे केदू बाल नो एक भी भविष्यवक्ता वसे ने ने जावो जुगे ऐतरे हारू मनख वे बाल न भविष्यवक्ता ने हांए ओटल अने अणने ता थकी अलग लीजा अने अणने मार दडया।

तर एलिय्याह वे अहाब रजा केदू, झट थकी आपडा घेर में नाहे जा केमके पाणी पडवाओ है। झट थकी वादळ घण थाए ज अने भारी पाणी शुरू थाए जो। यहोवा हणा हुकाएला ने खतम करो रयो हेथो। ऐने थकी खबर पड़ी के यहोवा स हासो परमेश्वर है।

जर एलिय्याह वे आपडा काम ने खतम कर दडयो। ते परमेश्वर ने एलिशा नाम नो एक पुरुष ने आपड़ो भविष्यवक्ता थावा ने हारू सुन्यो। परमेश्वर वे एलिशा ने माध्यम थकी घण थक समत्कार करया। एक समत्कार नामान ने हाते थायो। इते एक वेरी दुश्मन नी सेना नो सरदार हेथो। पोंणे ऐने सामडा नो एक भूडो बीमार थाए गई हेथी। नामान वे एलिशा ने बारा म हमळयो हेथो, ऐतरे हारू इते एलिशा ने कने आयो अने अणे ऐने हाजो करवा ने हारू विनती करी। एलिशा वे नामान थकी केदू के जाएने यरदन नदी ना पाणी म हात वखत डुबकी लगाड ले।

नामान गुस्सा थाए जो। अणे ऐवू करवा थकी नकार देदू केमके यु ऐने मुर्खता नु काम लाग्यु हेथू। पोंणे बात म अणे आपड़ो मन बदल लेदो अने जाए ने यरदन नदी म हात वखत डुबकी लगाडी। जर आखरी वखत इते पाणी थकी बारत नकळयो वे परमेश्वर वे ऐने ठीक कर देदो।

परमेश्वर वे इजराएल न मनख ने कणे बिजा घणा भविष्यवक्ता नो मोकल्या अण हेत मनख वे थकी मुर्तिय नी उपासना करवी बद कर देवर ने हारू केइ। हेने बजाए अणने एक बिजा ने हाते नियावने हाते व्यवहार करवो जुगे अने एक बिजा इपर दया करवी जुगे। अण भविष्यवक्ता वे मनख ने सेतावनी आली के अणने भूड काम ने करवु बंद कर देवू है। अने हेने बजाए परमेश्वर नी वात नो पाळन करवु है। अगर हण मनख वे हेवु नहे करवु ते परमेश्वर अणने दोषी माने ने अणनो नियाव कर हे। अने अणने दण्ड आल है।

अधिकांश टाइम हण मनख वे परमेश्वर नी हुकुम नो पाळने नहे करयु। अक्सर अणवे भविष्यवक्ता ने हाते भूडो वेवार करयो अने आ तक के के रक अणने मार दडया। एक वखत अणवे यिर्मयाह भविष्यवक्ता ने हुका कुवा म दड देदो अने ऐने ता मरवा ने हारू सोड देदो। इते कुवा ने तळजे म कादा म फसे जो। पोंणे तर राजा ने ऐने इपर दया आवेणी मने अणे आपड सेनीक ने हुकुम आल्यु के यिर्मयाह ने मारवा थकी पेल ऐने कुवर थकी बारत खेसे लो।

भविष्यवक्ता वे परमेश्वर ने मेर थकी बोलवो सालू राख्यु भले ही मनख बे अण थकी नफरत करी अणवे मनख ने सेतावणी आती के अगर अणवे माफ़ी ने मागी वे तो परमेश्वर अणने ख़तम कर देगा। अणवे मनख ने आ होदो याद अलाडू के परमेश्वर वे अण कने मसीह ने मोकलवा नी प्रतिज्ञा करी है।