21. परमेश्वर मसीह नी प्रतिज्ञा करे है।

जेर परमेश्वर वे दुनिया नी रसना करी हेथी इते जाणते हेथो के ऐने बाद म कणेक दाडे मसीह ने मोकल्वो पड़हे। अणे आदम अने हव्वा थकी प्रतिज्ञा करी के इते ऐवू करहे। अणे केदू के हव्वा थकी एक पीढ़ी जनम लेहे जी हाप न मोणका ने सगर है। जणे हाप वे हव्वा न धोखो आल्यो इते निसन्देह सैतान हेथो। परमेश्वर नो मतलब हेथो के मसीह पूरी तरह थकी सैतान ने हराव देहे।

परमेश्वर वे अब्राहम थकी प्रतिज्ञा करी हेथी के ऐने द्वारा दुनिया नी हैती जातिये आशीर्वाद पाम हे। परमेश्वर बाद म कणाक टाइम इपर मसीह ने मोक्ल्वा ने द्वारा अणी प्रतिज्ञा ने पूरी कर है। इते मसीह दुनिया नी हर का जाती म थकी मनख ने अणना पाप थकी सोडव है।

परमेश्वर वे मूसा थकी प्रतिज्ञा करी हेथी के भविष्य म इते मूसा ने वाणीय एक बिजा भविष्यवक्ता ने मोकला है। आ भविष्यवक्ता मसीह था है। हणी रीती थकी परमेश्वर वे फेर थकी प्रतिज्ञा करी के इते मसीह के मोकल है।

परमेश्वर वे राजा दाऊद थकी प्रतिज्ञा करी हेथी के ऐने वंशज पिढी मसीह थाहे। इते राज्यों बणहे अने परमेश्वर न मनख इपर हमेशा ने हारू राज कर हे।

परमेश्वर वे यिर्मयाह भविष्यवक्ता थकी वात करी अने केदो के एक दाड़ो इते एक नके वायदों करहे। इते नवी वायदों इजराएल ने हाते सीने इपर बघेली जुना वायदा ने जेवी ने थाहे। जेर मनख ने हाते इते आपडी नवी वायदों ने बादहे, ते इते अण इपर खुद ने व्यक्तिगत रूप थकी प्रगट कर है। हर एक जणी ऐने थकी परमेश्वार हे अने ऐनी व्यवस्था नो पालन करवा नी इच्छा राख हे। परमेश्वर वे केइ के थात्ते ऐनी व्यवस्था ने अणने साती इपर लखे देवाने वाणीय थाहे। इ ऐना मनख थाहे। अने परमेश्वर अणना पाप ने माफ़ी आल है। इते मसीह थाहे जी अण हाते हणी नवी वायदा ने बांधेगा।

परमेश्वर ना भविष्यवक्ता वे ऐन होदो के मसीह एक भविष्यवक्ता थाहो एक भविष्यवक्ता यो व्यक्ति है जी परमेश्वर न वसन ने हमळे है अने फेर मनख इपर परमेश्वर न सन्देश नी घोषणा करे है। जैसे मोकलवा ने परमेश्वर वे प्रतिज्ञा करी हेथी इते मसीह एक सिद्ध भविष्यवक्ता थाहे। अर्थात इते मसीह परमेश्वर न सन्देश ने ताज़ी रीती थकी हमळहे। अने इते मनख ने अण सन्देश ने ताजी रीती थकी हिकाड है।

इजराएली याजको वे मनख ने हारू परमेश्वर ने अगाड़ी भोग सडावू शरू राखयु। यु भोग मनख ने पाप ने हारू अणने परमेश्वर द्वारा सजा आलवा नी जगा इपर मसीह सिद्ध महायाजक थाहे जी परमेश्वर ने अलावा ने हारू एक सिद्ध भोग ने रूप म खुद ने सडाव देहे। अने इते फेर पाप ने कर है, अने जेर इते खुद ने भोग थावा ने हारू आल हे, ते दुनिया नो कुडू भी भोग आवश्य नहे थाहे।

मनख न झुण्ड इपर राजा अने प्रधान राज करी रया है, अने केर केर इ गलती करत हेथ। राजा दाऊद वे खाली इजराएली इपर राज करयु पोंणे राजा दाऊद नो पिढी मसीह पूरी दुनिया इपर राज्य कर हे अने इते हमेशा ने हारू राज कर हे। ऐने अलावा इते हमेशा न्यायपूर्ण रीती थकी राज कर हे अने खरी निर्णय ने लेह।

परमेश्वर न भविष्यवक्ता वे मसीह न बारा म घणीस वात ने केदी उदाहरण ने हारू मलाकी वे केदू के मसीह ने आववा ने पेल एक बिजो भविष्यवक्ता आव है। इते भविष्यवक्ता घणो खास थाहे। ऐने अलावा यशायाह भविष्यवक्ता वे लिख्यु के मसीह एक कुवारी थकी जन्म लेगा अने मिका भविष्यबकता वे केदू के मसीह बेतलहम नगर न जन्म लेहे।

यशायाह भविष्यवक्ता वे केदू के मसीह गलील न शेत्र म वास कर हे। जी मनख घण दुखी है मसीह अणने शांति आल है। इते कैदीय ने होदो आजाद कर है। मसीह बीमार ने अने जी हमळे नहे सका, देख नहे सक्त बोल नहे सक्त या साले नहे सक्त अणने होदो हासो कर हे।

यशायाह भविष्यवक्ता वे यु होदो केइ के मनख मसीह थकी नफरत कर हे अने ऐने स्वीकारवा थकी नकार देहे है। बिजा भविष्यवक्ताओ वे केदो के मसीह नो एक हात वाणों ऐने हासो उठ हे। जकर्याह भविष्यवक्ता वे केइ के ऐनु यो हात वाळा ऐवू करवा ने हारू बिज मनख थकी सादी न तिन सिक्का लूहे। ऐने अलावा थोड़क भविष्यवक्ता वे केइ के मनख मसीह ने मार दडहे अने यु के इ ऐना सीसर ने हारू जिही दड है।

भविष्यवक्ता वे होदो वाताड्यू के मसीह केकेम मर है। यशायाह वे भविष्यवाणी करी के मनख मसीह इपर थोक है, ऐनो मजाक उड़ाइ हे, अने ऐने कूट है। इ ऐने होद कर है अने इते मोटी पीड़ा अने म मरे जाहे, जेम के अणे कइ होदो भोड़ोत नही करयु वहे।

भविष्यवक्ता वे यु होदो वताड्यू के मसीह पाप नहे कर हे। इते सिद्ध थाहे। पोंणे इते ऐतरे हाज मरहे परमेश्वर ऐने बिज मनख ने पाप ने खातीर सजा कर है। ऐना मरवा थकी मनख परमेश्वर ने हाते मेंळ करवा म सक्षम थाहे। ऐतरु हारू परमेश्वर साहे है के मसीह मरे।

भविष्यवक्ता वे यु होदो वताड्यू के परमेश्वर मसीह ने मरेलम थकी जीवतो कर हे। यु वताड़े है के यु हेतु नवी वायदा ने बांधव नी परमेश्वर न योजना हेथी, ताकि इते हण मनख ने वसाडे सके जणवे ऐना हामे पाप करयो हेथो।

परमेश्वर वे भविष्यवक्ताओ इपर मसीह ने बारा म घणीस वात ने प्रगट करी, पोंणे मसीह हण भविष्यवक्ताओ म थकी कणाक न होदा जीवन काळ म नहीं आयो हेथो। अण भविष्यवक्ता वे आल्य जावा ने ४०० थकी वदू वरह ने बाद खास टाइम इपर परमेश्वर मसीह ने अणी दुनिया म मोकल है।