22. युहन्ना का जन्म

अतीत म परमेश्वर वे आपड भविष्यवक्ता थकी वात करी हेथी ऐतरे हारू इ मनख थकी वात करे सके है। पोंणे हणा टाइम थकी लेने फेर ४०० वरह ने बीतवा तक अणे अण थकी वात नहे करी तर परमेश्वर वे जकर्याह नाम भविष्यववक्ता ने कने एक हरगइत ने मोकल्यो जकर्याह अने ऐनी बजेर एलिशिबा परमेश्वर नो सम्मान करत हेथ। इ घण डोह थाए ज हेथ, अने ऐने कई सोर पैदा नहीं थाय हेथ।

हणे हरगदूत वे जकर्याह थकी केइ तारो बजेर ने एक सोरो पैदा नाहे। तू ऐनु नाम युहन्ना पाडसे। परमेश्वर ऐने पवित्र आत्मा थकी परिपूर्ण कर हे, अने युहन्ना मनख ने मसीह ने ग्रहण करवा ने हारू तैयार कर है। जकर्याह वे जवाब आल्यो हु अने मारी बजेर सोर पैदा करवाने हारू घण हुई है। हूँ केकेम जाणु के तमु माटे थकी हासो की रया है?

हणे हरगदूत वे जकर्याह ने जवाब आल्यो तारे कने अणा शुभ सन्देश ने लाववा ने हारू हूँ परमेश्वर ने द्वारा मोकल्यो ग्यो हूँ। केमके तेवे माटे इपर विश्वास नहे कारयो ऐतरे हारू सोरा ने जनम लेवा तक तू बोलवा में सक्षम ने थाही तरतेस जकर्याह बोलवा म असमर्थ हेथो। तर इते हरगदूत जकर्याह ने मेड थकी जातो सो। ऐने बाद, जकर्याह घेर करे आयो अने ऐनी बजेर पेट हपड़यु।

जेर एलिशिबा छः महीन नी गर्भवती हेथी, ते इस हरगदूत आपसुक थकी एलिशिबा नी हगावाळी इपर परगट थायो, जेनू नाम मरियम हेथू। मरियम कुवारी हेथी अने शादी करवा ने हारू युसुम नाम ने एक आदमी ने हाते ऐनी हगाई थाई गई हेथी। हरगदूत वे केइ तू गर्भवती थाही अने एक सोरा ने जन्म आल ही। तने ऐवु नाम यीशु राखन है। इते सर्व शक्तिमान परमेश्वर नो सोरो थाहे अने हमेशा ने हारू राज कर है।

मरियम वे जवाब आल्यो , यु केकेम थाहे, केमके हु ते कुवारी हूँ? हंणे हरगदूत वे हमजाडी पवित्र आत्मा तने इपर आव है अने परमेश्वर नी सामर्थ तने इपर साहेळो कर है। ऐतरे हारू इते बाळक पवित्र थाहे, अने परमेश्वर नो सोरो थाहे जी अणे हरगदूत वे केइ हेने इपर मरियम वे विखा करयो।

यु थावा ने बाद मरियम वे जाऐने एलिशिबा थकी दान करू जेमस मरियम वे ऐने नमस्कार करयु एलिशिबा नो बाळक ऐने मय उसळयो। अण हारू परमेश्वर वे जी करयु हेथू ऐना बारा म इ बजेरे एक हात्ते खुश थाजी एलिशिबा ने हाते तिन महीन रेवा ने बाद, मरियम घेर जाती री।

ऐने बाद एलिशिबा वे आपडे बाळक ने जन्म आल्यु। जकर्याह अने एलिशिबा वे हणा बाळक नो नाम युहन्ना राख्यु जेम के हणे हरगदूत वे हुकुम आल्यु हेथू। तर परमेश्वर वे जकर्याह ने बोलवा म सक्षम करयो। जकर्याह वे केइ, परमेश्वर नी महिमा थाए, केमके अणेवे आपड मनख नी मदद करवा ने याद राख्य है। हे मारा सोरा तू सर्व शक्तिमान परमेश्वर नो भविष्यवक्ता थारी। तू मनख ने वताडही के इ केकेम अपड पाप ने हारू माफ़ी प्रफ्त करे सको है।