23. यीशु का जन्म

यूसुफ नाम नो एक धर्मी व्यक्ति ने हाते मरियम नी हगाई थाइ सुकी हैथी। जेर अणे हमळु के मरियम गर्भवती है ते इते जाणतो हेथो के इते ऐनो सोरो नहे है। पोंणे इते मरियम ने बदनाम ने करवा साहतो हेथो ऐतरे हारू अणे ऐने इपर कृपा करवा नी अने ऐने सुपसाप तलाक कर देवानी होसी। पोंणे हेने पेल यो हेवो करतो, एक हरगदूत वे ऐना ह्पना म आवेने ऐने थकी वाते करी।

अणे हरगदूत वे केदू हे यूसुफ, मरियम ने आपडी बजेर ना रूप म लेने आववा थकी नहे समके ऐने मय जी सोरो हैइते पवित्र आत्मा नी तरफ थकी है। इते एक सोरा ने जन्म आल है। ऐनु नाम यीशु राख से( जेने मतलब है, यहोवा वसाडे है) केमके इ मनख ने अणन पाप थकी वसाड है।

अतः यूसुफ वे मरियम थकी शादी करी अने ऐने आपडी बजेर ना रूप म घेर ले आयो, पोंणे ऐना सोरा ने जन्म आलवा तक इते ऐने हाते नहे हुतो।

जर मरियम ने जन्म आलावा नो टाइम मेड हेथो, ते अणे अने यूसुफ वे बैतलेहम जावा नी एक लाम्बी यात्रा करी। अणे ने ता जावुस हेथो। केमके रोमी अधिकारी इजराएल में रवावाळ हेत मनख नी गणती करवा माह्तो हेथो। इ साहत हेथ के हेथ मनख ता जाए जा अणना पूर्वज रोहा रेता हेथा। राजा दाऊद नो जन्म बैतलेह्म म थायु हेयु अने इते मरियम अने यूसुफ बेय नो पूर्वज मोटोबा हेथो।

मरियम अने यूसुफ बेतलेहम ज, पोंणे ता जनावर ने राखवा वाळी जगा ने अलावा अणने ठहरवा ने हारू कुइ जगा ने हेथी तास जगा हेथी जा मरियम वे सोरा ने जन्म आल्यो अणयी ऐने सरणी म हुवाडयो केमके ता ऐने हारू कुई गोदडो नहे हेथो। अणवे ऐनु नाम यीशु राख्यु।

हणी रातरे ता मेंडस ना खेतर म थोडाक गोवाळ आपड भेड़ न झुण्ड नी देखभाळ करी रया हेथा। आपसुक थकी एक समकवा वाणे हरगदूत अण इपर प्रगट थायो , अने इ समके ग्या। अणे हरगदूत वे केदू, नहे समको, केमके माटे कने तमारे हारू खास सन्देश हमीवार है। बैतलहम म मसीह यीशु नो जन्म थायु है।

जायंने हणा बाळक नी खोज करो अने तमु ऐने सिसरा म पोथेलो थकी अने सरनी म हुतीलो देखहो। आपसुक थकी हरग हरगदूत थकी भराए ग्यु। इ परमेश्वर नी महिमा करी रिय हेथा। भणवे केदू हेती महिमा हरग माविराजमान परमेश्वर ने मळे। धरती इपर अण मनख म शांति थाए जणवे इते शांति करे है।

तर हरगदूत जाता रया। इ गोवाळ होदा आपडी येटल ने सोडेने बाळक ने देखवा ग्या। तरतेश इ हणी जगा इपर पोडया जा यीशु हेथो अने अणेवे सरनी म हुतेलो मळयो, जेम के हणे हरगदूत वे केदू हेयु। घण इ गोवाळ पासा करी जा, जा अणन घेरल हेथ। अणवे जी कई भी हमळयु अने दिख्यु हण हेत ने हारू इ परमेश्वर नी महिमा करी रया हेथा।

पूर्व म सिटी देश म थोडाक आदमी हेथा। अणवे तारा नो अध्ययन करयु हेथू। अने इ घणा अकाल वाळा हेथा। अणवे एक असामान्य तारा ने हरण म दिख्यो। अणवे केदो के ऐनो मतलब हे के यहूदिया ना एक नवा राजा नो जन्म थायु है। ऐतरे हारू अणवे हणा बाळक ने देखवा ने हारू आपडा देश थकी सफ़र करवा नो निर्णय करयो। एक लाम्बा सफर ने बाद, इ बैतलेहम आया अने घणा घेर ने जोयो जा यीशु अने ऐना भाई बा ठहरेल हेथ।

जर अण आदम ज वे यीशु ने आपडी आई हाते दिखी ते अणवे घटन टेकने ऐनी आराधना करी। अणवे यीशु ने कीमती मोगी भेट आली। फेर इ घरे पासा फरी ग्या।