25. शैतान यीशु नी परीक्षा करे है

यीशु ना बपतिस्मा थावा ने बाद स पवित्र आत्मा ऐने ढ़ोंगोर म ले ग्यो। यीशु ता साळी दाडा अने साळी रातर हेथो। हणा टाइम अणेवे उपवास करयो, अने शैतान वे यीशु ने मेड आवेने पाप करवाने हारू ऐनी परीक्षा करी।

पेल शैतान वे यीशु थकी केदो, अगर तो परमेश्वर नो सोरो हे वे अण पाण ने रोटी बणाव दे ताकी त खाए सके।

पोंणे यीशु वे शैतान थकी केदो, परमेश्वर ना वसन म यु लखेलु है। जीवत रेवाने हारू मनख ने केवल रोटा नी जरुरत नहीं है, पोंणे अणने हर हणी वात नी जरूरत है जी परमेश्वर अण थकी के है।

तर शैतान यीशु ने मंदिर न हेत थकी ओसा सिरा इपर ले ग्यो। अणवे ऐने थकी कैदो ,अगर तू परमेश्वर नो सोरो है ते आ थकी निस कूदे जा, केमके लखेलु है, परमेश्वर तने उठाडवा ने हारू आपडे हरगदूत ने हुकुम आल है के तारे पोण म पाण थकी ठोकर ने लागे।

पोंणे यीशु वे इते नहे करयु जी शैतान वे ऐने थकी करवा ने हारू केदू हेथू। ऐने बजाए अणे केदू, परमेश्वर हर एक थकी के है, तू प्रभु आपडा परमेश्वर नी परीक्षा नहे करजे।

फेर शैतान वे ऐने दुनिया न हेतु राज्य देखाडयु। अणे ऐने देखाड्यू के इ केतरा ताकत वाळा हेथा, अने इ केतरा संपन्न हेथा। अणे यीशु थकी केदू, हूँ तने यु हेतु आलुगा अगर तू घुटने टेकेने मारी उपासना करे।

यीशु वे जवाब आल्यु हे शैतान मारे कने थकी जाते रे। परमेश्वर ना नमन म इते मनख ने हुकुम आले है, केवल आपडा प्रभु परमेश्वर नी आराधना करो। परमेश्वर ना रूप म केवल हेनुस समान करो।

यीशु वे शैतान नी परीक्षा थकी हार नहे मानी, ऐतरे हारू शैतान ऐने मेड थकी जातो रयो। तर हरगदूत आवेने यीशु नी सेवाटहल करवा लग्या।