26. यीशु आपडी सेवा शुरू करे है।

शैतान नी परीक्षाओ ने इकार वा ने बाद, यीशु पासो गलील न शेत्र आयो। यो इ जगा है जा यो रेतो हेथो। पवित्र आत्मा ऐने घणी ताकत आली रयो हेथो, अने यीशु एक जगा थकी बिजी जगा म ग्यो अने मनख नी हिक आली। हेत वे ऐना बारा म ताज़ी वाते करी।

यीशु नासरत नगर म आयो यु वयु गाम हे जी इते आपड बाळकपन म रीय करतो हेथो। सबत ने दाडे इते अगती करवा नी जगह इपर ग्यो। अगुव वे ऐने यशायाह भविष्यवक्ता न सन्देश नी एक सोपड़ी आली। इ साहता हेथा के इते ऐने मा थकी मणे। अतः यीशु वे हणी सोपड़ी ने खोले ने ऐना एक भाग ने मनख ने हारू अणु।

यीशु वे भन्यु परमेश्वर वे अने आपडी आत्मा आली है ताकी हु कमाल म सुसमाचार प्रचार करे सकू। अणे मने ऐतरे हारू मोकल्यो हे के खेदित ने आजाद करू आध ने फेर थकी देखत करू, अने अणने सुटकारो आलू जणने बिज मनख सगरे रिय है, यो इ टाइम हे जर परमेश्वर हम इपर दया कर हे अने हमारी मदद कर है।

फेर यीशु बेहे ग्यो। हेत मनख ऐने बड़ा ध्यान थकी दिखे रिय हेथ। इ जगत हेथ के पवित्रशास्त्र नो जी भाग अणे हमण भग्यो हेथो इते मसीह ने बारा म हेथो। यीशु वे केदू जिवाते में हमण तमारे हारू भणी है इ अणा टाइम घटी री है। हेत मनख चकित हेथ। अणवे केदू , केम यो यूसुफ नो सोरो नहे?

तर यीशु केदू यु हासू हे के मनख कणाक ऐना भविष्यवक्ता ने फेर स्वीकार ने कहे जी अणना नगर म पलो बढ्यो वहे। एलियाह भविष्यवक्ता ना टाइम म इजराएल म घणीस विधवाए हेथी। पोंणे जर हडा तिन वरह तक पाणी नहे पड्यो ते परमेश्वर वे एलियाह ने इजराएल म कणी विधवा नी मदद करवा ने हारू नहे मोकल्यो। ऐने बजाए अणे एलियाह ने कणा बिजा देह नी विधवा ने कने मोकल्यो।

यीशु वे केवु शुरू राख्यु अने एलिशा भविष्यवक्ता ना टाइम में इजराएल माँ घण खर मनख सगड़ी ना रोग थकी पीड़ित हेथ। पोंणे एलिशा वे अण म थकी केने भी हाजो नहे करयो। पोंणे जी मनख यीशु ने हमळे रय हेथ इ यहूदी हेथ। ऐतरे हारू अणवे ऐने यु केन थक हमळयु ते इ ऐने इपर गुस्सो थाय।

नासरत न मनख वे यीशु ने हाथ लेदो अने ऐने आराधना नी जगा थकी घहेडेने बारत लेग्या। इ ऐने मार दडवा ने हारू निस फेकवा ने एक पाणा ने सिरा इपर ले ग्या। पोंणे यीशु भीड़ म थकी नकळे ग्यो अने नासरत नगर ने सोडेने जातो रयो।

फेर यीशु हेता गलील न शेत्र म जो अने बड़ी भीड़ ऐने कने आली। इ ऐण घण खह मनख ने लेने आय जी बीमार अने टोह हेथ। अणम थकी थोड़क देख साले हमळे या बोले नहे सकत हेथ, अने यीशु वे अणन हास करय।

ऐने अलावा घण खर ऐव मनख यीशु ने मेड लली ग्य जेनेम दुष्टआत्मा हेथो। यीशु वे दुष्टआत्मा ने ऐने म थकी नकळे जावा नो हुकुम आल्यो। इ दुष्टआत्मा अने अणवे परमेश्वर नी महिमा करी।

फेर यीशु वे बारह सेला ने सुन्या जण ने अणे आपडा सेला केदा। हण सेला वे ऐने हाते सफर करयो अने ऐने थकी ज्ञान प्रफ्त करयु।