27. दयालु सामरी नी कहानी

एक दाडो यहूदी व्यवस्था नो एक विशेषज्ञ यीशु ने मेड आयो इते हेत ने यु हिकाडवा मांगतो हैथा के यीशु अलग रीती थकी शिक्षा आले रयो है। ऐतरे हारू अणे केदू , हे गुरु अनंत जीवन लेवा ने हारू हु हु करू? यीशु ने जवाब आल्यो, परमेश्वर नी व्यवस्था म हु लखेलु है।

हणे आदमी ने केदू इते केहे है के आपडे परमेश्वर थकी आपडा देता मन, प्राण, सामर्थ, अने बुद्धि थकी परेम राख। अने आपडे पड़ोसी थकी आपडे वाहिस परेम राख। यीशु बे जवाब आल्यो तू एकदम हासो है। अगर हेवु करे ते तने अनंत जीवन मळ है।

पोंणे इत व्यवस्था ना विशेषज्ञ ने एक कहानी वताडवा ने द्वारा जवाब आल्यो। एक यहूदी आदमी हेथो जी एक सड़क थकी थारेने यरूशलेम थकी यरीहो ने सफ़र करी रयो हेथो।

यीशु ने व्यवस्था ना विशेषज्ञ ने एक कहानी वताडवा ने द्वारा जवाब आल्यो। एक यहूदी आदमी हेथो। जी एक सड़क थकी थारेने यरूशलेम थकी यरीहो ने सफ़र करी रयो हेथो।

पोंणे थोड़क सोर ने ऐने देख्यो अने ऐने इपर हमलो कर देदो। अणवे ऐनो हेतु कई ले लेदो अने ऐने लमसम मरवा तक मारयो कहयो। तर या जाता रया।

ऐना तुरंत बाद याजक हणी सड़क थकी थाएने मकल्यो। हने याजक वे हणा आदमी ने रोड इपर पड़ेंलो दिख्यो। जर अणे दिख्यो ते इते रोड नी बिजी साइड जाएने आगाडी जातो रयो। अणे हणा आदमी ने पूरी रीती वगरदिख्यो कर देदो।

ऐने बाद थोडोस टाइम जावा बाद, एक लेवी हणा रोड इपर आयो।( लेवी यहूदियों ना एक गोत्र हेथो जणवे मंदिर म याजक नी मदद करो हेथी। इते लेवी होदो रोड ने बिजी मेर थकी नकळे ग्यो। अणे मी हणा आदमी ने वगर दिख्यो कर देदो।

अगलों जणो जी हणी सड़क इपर आयो इते सामरिया नो एक आदमी हेथो।( सामरी अने यहूदी एक बिजा थकी नफरत करता हेथा) हणा सामरी वे रोड इपर हणा आदमी ने दिख्यो। अणे दिख्यो के इते यहूदी है, पोंणे फेर भी अणे ऐने इपर मोटो तरस खादों। अत इते ऐने मेड ग्यो अने ऐना पोग इपर पट्टी बाथी।

फेर हणे सामरी वे हणा आदमी ने आपडे खांदे इपर दडयो अने ऐने हणी सड़क थकी एक सराय म लग्यो। जा पर अणे ऐनी देखभाळ करवु शुर राख्यु।

बीजे दाडे हणा सामरी ने आपडी सफ़र ने शुरू करवा नी जरुरुत हेथी। अणवे हणा सराय न प्रभारी आदमी ने थोडोक धन आल्यो। अनवे ऐने थकी केदू। अणा आदमी नी देखभाळ करवी। अगर हणा धन ने अलावा तारु थोड़क धन ख़तम थाए ते पासो आवेने हु तारे हणा खरसा ने भूगसाल कर दूंगा।

फेर यीशु वे हणी व्यवस्था ना विशेषज्ञ थकी जुसु तमो इ होनो है। अण तिन आदमी म थकी कोण हणा व्यक्ति नो पडोसी है, जणे लुटयो, अने फुटयो ग्यो, हेथो? अणे जवाब आल्यो, योस जी ऐने यीशु वे ऐने थकी केदू, तू जा अने हेवुस कर।