28. धनी जोवन शासक

एक दाड़ो एक धनी जोवन शासक ने यीशु वे मेड आवेने ऐने थकी पुसु हे ताजा गुरु अनंत जीवन लेवा ने हारू मने हु करवु जुगे? यीशु वे ऐने थकी केदू तू मने केमके है?खाली एकेस उत्तम है अने इते परमेश्वर है। पोंणे अगर तू अनंत जीवन लेवा माने है ते परमेश्वर नी व्यवस्था नु पाळन कर।

मने कइनी हुकुम ने पाळवा नी जरुरत है? अणे पुस्यु। यीशु वे जवाब आल्यो मोत ने करवी। सेनाळी ने करवी। सोरी ने करवी, झूठ ने बोलवू। आपडे बा अने आई नो आदर करवु, अने आपडे पड़ोसी थकी आपडे वाणीय परेम करवो।

पोंणे हणे जोवन आदमी वे केदू, हूँ बाळकपन थकिस अणि है ती हुकुम नो पाळन करतो आयो हूँ। मने हमेशा ने हारू जीवन रेवा ने हावू होदो हु करवा नी जरूरत है? यीशु वे ऐने इपर आखे करी अने ऐने थकी परेम करयो।

यीशु ने जवाब आल्यो अगर तू सिद्ध थावा मांग है ते जाएने आपडू हेतु कई वेसे दे अने इते धन गरीब ने बाहे दे, अने तने हरग म धन मळ है। तर आवेने मारे वहे थाऐ जा।

जी यीशु वे केदू जर हणे जोवन आदमी वे हमळयु ते इते घणो नाराज थाए जो केमके इते घणो धनी हेथो अने अणे आपडी हेती सम्पत्ति ने मालवा नहीं मागतो हेथो। इते फेर ने यीशु ने मेड थकी जातो रयो।

तर यीशु ने आपड मेल थकी केदू, परमेश्वर ना राज म धनी मनख नो प्रवेश करवु घणु काठो है, हासो एक धनी आदमी ने परमेश्वर ना राज म प्रवेश करवा नी तुलना म कणाक ओट ने होई ने नाका म थकी थाए ने नकळे जावो सरल है।

जी यीशु वे केइ जेर सेल वे हमळयु ते इ सकित हेथा। अणवे केइ। अगर यु हेवु है ते परमेश्वर केने वसाडेगा?

यीशु ने सेला इपर आखे करी अने केदू , मनख ने हारू खुद नो उद्धार करवु मुस्किल है। पोंणे परमेश्वर ने हारू कई भी करवु मुस्किल नहे है।

पतरस ने यीशु थकी केइ , ह्मोसेला आपडू हेतु कई सोडेने तारे वहे थाऐ जा है। ते हमास हो थाहे।

यीशु ने जवाब आल्यो, हर एक जणो जणे मारे खातीर घेर भाई, बेन बा ,आई,सारे , या धन ने सोडी है इते ऐने थकी 100 गुना वइ प्रफ्त कर हे, अने अनंत जीवन ने होदो लेगर। पोंणे धन थक जी पेल हे इ वहे थाहे अने धन थक जी वहे है इ अगाड़ी थाहे।