29. निर्दयी दास की कहानी

एक दाड़ो पतरस वे यीशु थकी पुसु, हे स्वामी, मने आपडे भाई ने कतरी वखत माफ़ करवो जुमे कर इते मारे हासो पाप करे है? कम हात वखत तक यीशु ने केदू, हात वखत नहे, पोंणे हात न ती तित्तर वखत , ऐने द्वारा यीशु नो मतलब है के हमने हमेशा माफ़ करवु जुगे। तर यीशु ने ते कहानी वताडी।

यीशु ने केदू परमेश्वर नो राज एक राजा ने वाणीय है जी आपडा द्वारा थकी लेखो लेवा मागते हेथो। ऐनो एक दास २००००० वरह नी दाडकी ने एक मोटा कर्जा ना करदार हेथा।

पोंणे इते दास आपडा कर्जा ने सुकवे नहे सक्यो, ऐतरे हारू राजा वे केदू, ऐनो कर्जा सुकावा ने रास अणा आदमी ने अने ऐना परिवार न दास ने रूप वाणीय म वेसे दो।

हणा दास वे राजा ने हामे आपड धुरन इपर पड़ेंने केदू कृपापा मारे हाथे धीरज राख, अने हु आपडे कर्ज नी हेती इकम ने भोगतान कर दे। राजा वे दास इपर दया करी, ऐतरे दास अने ऐना हेतो कर्जा ने माफ़ कर देदो अने ऐने जावा देदो।

पोंणे जार इते दास राजा ने मेड थकी वारत ग्यो ते ऐने ऐनो एक हातवाळो दास आलो जी ऐणा चार महीने नी दाडकी नो कर्जदार हेथो। हंणे दास वे आपडे हातवाळा दास ने हांए लेदो अने केइ,जी तारे इपर मारो कर्जा हो अने ऐनो भुगतान कर।

हणा हातवाळा ने दास वे घुटन इपर पड़ेंने केइ, कृपापा मार इपर धीरज धर अने इ आपडी कर्जा नी हेती रकम नो भुगतान कर दूंगा। पोंणे ऐने बजाए हंणे दास ने आपडे हातवाळा दास ने जेल खाना म दड देदो जर तक के इते हणा कर्जा नो भुगतान ने कर दे।

जी कई आपु हेथू ऐने कई बिजा दासो वे दिखया अने ह घणा परेशान इ राजा ने मेड ग्या अने ऐने हेतु कई वताड्यू।

राजा वे हणा दास ने हादेने केदो , हे दुष्ट दास में तारा कर्जा ने ऐतरे हारू माफ़ करयो हेथो केमेके तेवे मने थकी बिनती करी हेथी। तने होदो हे मेस मरवू जुगतु हेथो। राजो ऐतरो गुस्सो हेथो के अणे हणा दुष्ट दास ने जेलखाना म दड देदो ,जर तक के इते आपड़ो हेता कर्जा ने पासो भुगतान ने कर दे।

तर यीशु ने केइ मारे हरग में विराजमान बा तं म थकी हर एक ना हाते हेमेस करेगा अगर तमु आपडा भाई ने आपडा ह्रदय थकी माफ़ नहीं करते।