30. यीशु पाच हजार मनख ने खवाणु खवाड़े है।

यीशु वे आपड सेल ने प्रसार करवा अने मनख ने ज्ञान अलवा ने हारू घणा थक अलग अलग गाव म मोकल्या जेर इ तो फरया जा यीशु हेथो ते अणवे ऐने वताडयो के अणवे हूँ करयो हेथो। तर यीशु वे अणने झील न बिजी मेर अणने हाते एक टाडी जगा इपर जाऐने थोडाक टाइम आरम करवा ने हारू आमंत्रित अतः इ एक नाव इपर सड़े ग्या अने झील ने बिजी मेर जाता रया।

पोंणे ता घण थक ऐन मनख हेथ जणवे यीशु अने सेलो ने नाव म जात थक दिखया हेथा य मनख अण थकी आगाडी झील न बिजी मेर जावा ने हारू झील ने घड़े धड़े दोडया। अतः जर यीशु अने सेला पोग्या ते मनख नो एक मोटो झूठ अणनी वाट करतो थको इते पेल थकी हेथो।

हणी झूठ म बजेरे अने सोर नी गणती ने वगर ५००० थकी वदू आदमी हेथा। यीशु वे अब मनख इपर दया करी। यीशु इ मनख वगर सरवाहा ने बोकड ने वाणिय हेथ। ऐतरे हारू अणे अणने ज्ञान आल्यो अने अणने विस म जी मनख बीमार हेथ अणने हाज करय।

दाडा न अंत म सेल वे यीशु ककी केदो आवु वार थाई गई है अने ऐर मेट म कई नगर नहे है। अण मनख ने काड दे ताकि इ जाएने खाव ने हारू कईक ले।

पोंणे यीशु वे सेलो थकी केहे तमु अणने खावा ने हारू आलो, अणवे जवाब आल्यो हमो ऐवो केकेम करे सक्से है? हमारे कने खाली पास रोटी अने बे मासली है।

यीशु वे आपड सेल थकी केदो के इ भीड़ न मनख ने खोड इपर ५० -५० ना लाइन म बेहवा ने हरू को।

तर यीशु वे पास रोटी अने बे मासली ने लेने हरग नी मेर दिख्यु अने हणा खावान ने हारू परमेश्वर ने धन्यवाद आल्यो।

फेर यीशु वे रोटी अने मासली ने बटक करय। अणे मनख ने आलवा ने हारू आपड सेल ने इ बटका आल देदो। सेल हणा खावाना न वाटता रया, अने इते केर ख़तम नहे थायु, इ हेत मनख खाऐने दाफे ग्य।

ऐने बाद सेल वे हणा खावाना ने भेळो करयो जेने खावायु ने हेथो अने इते बारे टोपल ने भरवा ने हारू पुरो हेथो। इते हेतो खवानो हणीय पास रोटी अने वे मासलीय थी आयु हेथू।