31. यीशु पाणी इपर साले है।

पास हजार मनख ने खावाने खवाडवा ने बाद, यीशु वे अपड सेल थकी नावडा म जावा ने हारू केदो। अणेवे अणने झील ने पिली मेर जाता रेवा ने हारू केदो जेम के इते थोडाक टाइम ने हारू तास ठेहरे ग्यो। अत सेला जाता रया अने यीशु वे भीड़ ने विदा करी के ई आपडे घेर जाए। ऐने बाद, यीशु दूवा करवा ने हारू एक दोंगोर इपर जातो रयो। ता इते ऐखलो हेतो अने अणेवे अरदी रातर तक दूवा करी।

हणा टाइम सेला आपडी नाव ने खेसता जाऐने जाई हेथा, पोंण वाइरी अणने हामी जोर थकी वागती हेथी। घणी रातर थाए जावा इपर होदी इ खाली झील ने विस म स पुग्या हेथा।

हणा टाइम म यीशु वे दूवा करवी ख़तम करी अने आपड सेल ने मेड पासो जावू शुरू करयु इते नावडा नी मेट जावा ने हारू पाणी ने इपर सालवा लाग्यो।

तर सेल वे ऐने दिख्यो इ घणा समके ग्या केमके अणवे होम्यु हेथो के इते कुई भुत है। यीशु जाणतो हेथो की या समके गया है, ऐतरे हारू अणेवे अणने सीसाए ने केइ समको नहीं आते हु है।

तर पतरस वे यीशु थकी केदो है परभू अगर आ तू है ते मने पाणी इपर साले तारे मेड आववा नो हुकम आल। यीशु वे पतरस थकी केदो !आव।

अतः पतरस नाव थकी उतरे ग्यो अने यीशु ने मेड जावा ने हारू पाणी नी इपर सालवा ने शुरू करयु। पोंणे थोड़ेक सिटी जाएने अणेवे आपडी आख ने यीशु थकी फेख लिदी अने झाबोळ ने देखवी अने ताज़ी हवा ने महसूस करवी शुरू देदो।

तर पतरस समके ग्यो अने पाणी म डूबवा लाग्यो। इते सिसायो हे परभू अने वसाड यीशु वे हणा टाइम हाथ लाम्बो करने ने ऐने हांए लेदो। तर अणे पतरस थकी केदो तारो विश्वा घणो कम हे तने हमो एखवा ने हारू तेवे मने इपर भरोहो केम नहे करयो।

तर यीशु वे अने पतरस नावडा इपर सड़े ग्या, अने तरत हवा सालनी बंद थाए गयी। सेला सकित थाए ने यीशु ने अगाडी घुटन टेक देद। अणवे ऐनी अगती करी अने ऐने थकी केदो, हासेस तू परमेश्वर नो सोरो है।