34. यीशु बिजी कहावत नी सिक्षा भाले है।

यीशु वे परमेश्वर ना राज्य ने बारा म बिजी घणीस कहावते हमळावी। उदाहरण ने हारू , अने केदू , परमेश्वर नो राज्य एक राई ना दाणा ने हरक हिया जेने कोणेक वे आपडा खेतर म भोर है के राई नो दाणों हे बिज म सब थकी नानो हे है।

पोंणे सेर राई नो बिज मोटो थाए है। ऐतरे मोटो के ओलजी आवे ने ऐनी डाळजी इपर आराम करे है।

यीशु एक बिजी कहावत वताडी परमेश्वर नो राज्य खमीर ने वाणीय है जेने लेने एक बजेर लोठ म पिंड म मेंळव दे है तर इते हेता लोठ म फेलाए जाए है।

हरग नो राजा हणा खजाना ने वाणीय है। जेने कोणेक बे खेतर म हाते देदो, कणाक बिजा आदमी ने इते खजानों मबे जो अने अणे ऐने एवा नी घणी इस्सा करी। ऐतरे हारू अणे जाएने आपड हेतु कई वेस देदु ताकि इते हणा खेतर ने वेसातो लेले जा इते खजाना हेथो।

हरग नो राज्य एक मोगावाळो शुद्ध मोती ने वाणीय होदो है। जी कई मोतीय ने वेपारी ऐने जोए ले ही ते इते एने वेसातु लेवा ने हारू आपडू हेतु कई वेसे दे है।

ता थोड्क मनख हेथ जी होसत हेथ के परमेश्वर अणने ऐतरे हारू स्वीकार करहे केमके इ भल काम करी रया है। इ मनख ऐवा मनख ने तुच्छ मानत हेथ जी अण भल काम ने नही करत हेथ। ऐतरे हारू चिभु वे अणने ये कहावत वताडी बे सोरा हेथा अने बेय ब दूवा करवा ने हारू मदर म जा। अण म थकी एक चुंगी लेवा वाळो हेथो। अने बिजो एक धार्मिक लीडर हेथो।

हणेधार्मिक लीडर वे अणे परकार थकी दूवा करी। हे परमेश्वर तापे धन्यवाद थाए के हु बिज मनख ने वाणीय जेम के डाकू मनख व्यभिचार या आ तक के आ उबिला अणा चुगी लेवा वाळा ने वाणीय एक पापी नहे हु।

उदाहरण ने हारू हु हर हफ्ते म बे वखत उपवास राखु है। अने हूँ मने मळवा वाळा धन अने समान नो द्सवो हिस्सों तने आलू है।

पोंणे यो चुंगी लेवा वाळो हणा धार्मिक लीडर थकी सिटी ऊबो रे जो। अने इपर हरण नी मेर आखे ने उढ़ावी साही। ऐने बजाए अणे आपडी मोठ थकी आपडी साती ने कुटी अने दूवा करी हे परमेश्वर किरपा करेने मने इपर दया कर केमके हु एक पापी है।

फेर यीशु के केदू हु तमने हासो को है। परमेश्वर वे हणा चुंगी लेवा वाळा नी दूवा ने हमळी सने धर्मी घोषित करयो। पोंणे अणे हणा धार्मिक लीडर नी दूवा ने पसंद ने करी परमेश्वर ऐक घमंडी ने भोडा ने निसा करहे, पोंणे इते हणा हरेक जणा ने आदर आलेगा जी खुद नम्र करे है।