35. दयालु बा नी कहावत

एक दाडो यीशु अण घण खर मनख ने शिक्षा आलतो हेथोजी ऐनी हमळवा ने हारू भेळ थाए रिय हेथ। य मनख चुंगी परावा वाळा अने हातेस बिज मनख होद हेथ जणवे मूसा नी व्यवस्था नो पाळन करवा नो कोशिश ने करी हेथी।

थोड़क धार्मिक अगुवो वे देख्यु के यीशु अण मनख थकी एक दोस्त ने वाणीय वाते करी रयो हेथो। ऐतरे हारू अणवे एक बिजा थकी ऐम केवु शुरु कर द्ग्यो के इते गलत करी रयो है। यीशु अणवे वाते करत हमळया, ऐतरे हारू अणे अणने ये कहावत वताडी।

एक आदमी हेथो ऐने बे सोरो हेथा नाने सुरे वे आपडे बा थकी केदू हे बा मने हमण माटो भाग जुगे। मत बा वे आपडे बे सोर ने विस म आपडी धन नो बटवारो कर देदो।

तरतेस नानो सोरो आपड हेतु किट भेड़ करेने सिटी देश म जातो रयो अने पापी जीवन जीववा म आपड हेतु धन ने वगाड दडयो।

ऐने बाद जा नानो सोरो हेथो हणा देश म एक भयंकर काळ पड्यो अने ऐने कने खावानु लेवा ने हारू पैसा नहीं हेथा। ऐतरे हारू ऐने जी काम मलळ इते हुवोट नो खवानो खावा मंगतो हेथो।

आखिरम हणे नाने सोटे ने खुद थकी केदू हु हु करी रयो हु? मारे बा ने हेत सेवक ने मेड खावा ने हारू घणु खरु है, फेर होदो हूँ आ भखो मरे रयो हूँ। हु आपडा बा कने पासो जय अने आपडा बा नो एक सेवक बणवा ने हारू ऐने थकी विनती करूंगा।

अतः हंणे नाने सोरे वे पासो आपडे बाने घेर नी मेर आवणु शुरू करयु जेमेक इते हमण सीटीस हेथो, ऐने बा वे ऐने दिख्यो अने ऐने इपर दया खादी। इते दोडेने आपडा सोरा ने मेड ग्यो मने ऐने गळे लगाने बोखे देदी।

हूँणे सोरे वे केदू हे बा में परमेश्वर ने अने तारे हामो पाप करयो है। हु तारो सोरो केवाने लायक भी नहे हूँ।

पोंणे बा वे आपडा एक सेवक थकी केदू हमणस जाए ने हेत करनो ताज सीसर लेने आवो अने मारे सोरा ने पेरावों ऐनी अगळी म अंगुटी अने ऐन पोग काहड पेरोवो। फेर सब थकी ताजो बोकडो मारो ताकी आयो खाजे अने आनद मानवजे केमके मारो सोरो मरे ग्यो हेथो पोंणे आवु इते जीवित है। इते खोवाए ग्यो हेथो, पोंणे आवु हमने मळे जो है।

ऐतरे हारू मनख वे आनद मनावो शुरू करयो। थोड़क टाइम जावा बाद मोटो सोरो खेतर म काम करे ने घेर आयो। अणे गीत अने नासवा नी आवाज ने हमळी अने भखनाए जो के यु हु थाए ग्यु है।

जर मोटा सोरा ने पतु पड़यु के इ ऐतरे हारू आनंद मना वी रय हेथ केमके ऐनो भाई घेर आवे जो हेथो, त इते घणो गुस्सो थायो अने घेर म भरायो ने। ऐना बा वे बारत आवेने ऐने अण हाते आनंद मनावा नो निवेदन करयो, पोंणे अणे ना के देदो।

हणे मोटे सोरे आपडे बा थकी केदो अण हेत वरह म तारे हारू निष्ठापूर्वक काम करयु , फेर भी तारी वात ने नहीं टाळी पोंणे तेवे केर मने एक नानी बोकड़ी होदी नहे आली ताकि हु मार दोस्त ने हाते पाल्टी जरे सकु। पोंणे तारे अणे सोटे वे तारे धन नी पापी काम करवा म बर्बाद कर दडयु है। अने आवु जर इते आयो है ते ऐने हारू आनंद मनावा ने ते सब थकी ताजो बोकडा ने मार दडयो।

बा वे जवाब आल्यो , है मारा सोरा तू हमेशा मारे हाते है, अने जी कई मारू है इते हेतु तारु है। पोंणे हमारे हारू आनंद मनवू ताजू है। केमके तारो भाई मरे ग्यो हेथो, पोंणे आवु इ जीवतो है। इते खोवाए जो हेथो पोंणे आवु आपने ने मळे जो है।