36. रूपांतरण

एक दाड़ो , यीशु वे आपडे तिन सेला, पतरस, याकूब , अने युहन्ना ने आपडे हात म लेदा।(यो युहन्ना नाम नो सेलो ह्यो आदमी नहीं है जणे यीशु ने बपतिस्मा आल्यु हेथू।) इ दूवा करवा ने हारू एक औसा दोंगोर इपर जा।

जर यीशु दूवा करे दयो हेथो ते ऐनो सेडरो सूरज ने वाणीय उसळो थाए जो। ऐन सीसर इजवाळा ने वाणीय थोळ थाए ज। जेम धरती इपर कुई करे सके ऐने थकी भी बढेने धोळु।

तर मूसा अने ऐलिय्याह भविष्यवक्ता प्रगट थाया। या आदमी अणी धरती इपर अणा टाइम थकी सेकड़ो वरह पेल रिय करता हेथा। अणवे यीशु थकी ऐनी मोत ने बारा म वाते करी , केमके इते तरतेस यरूशलेम म मरे जाएगा।

जर मूसा अने ऐलिय्याह यीशु थकी वाते करी रया हेथा तर पतरस वे यीशु थकी केदू हमारे हारू आ रेवु ताजो है। हमो तिन झोपड़ ने बणावजे , एक तारे हारू एक मुसाने हारू, अने एक ऐलिय्याह ने हारू पोंणे पतरस नहे जाणतो हेथो के इते हु के रयो है।

जर पतरस वात करी ग्यो हेथो, ते एक समकवा वाळो वादळो निस आवेने अण इपर ठाकाए ग्यो। फेर अणवे वादळा म थकी एक आवाज ने आवत थकी हमळी। अने केदू, आ मारो सोरो है। जेने थकी हु परेम करू है। हु ऐने थकी खुश हु। ऐनी हमळो ने इ तिने सेला समके जा अने जगा इपर हुई जा।

तर यीशु वे अणने भडया अने केदू समको नहे। उठे जो। जेर अणवे साडी भेट दिख्यु ते जी भी ता हेथो इते खाली यीशु हेथो।

यीशु अने इ तिन सेला हणा दोंगोर थकी पासा निस उतरे आया। तर यीशु वे अण थकी केदू हमण जी मा थायु ऐनी सरया केने थकी नहे कारयो। हु तरतेस मरे जाऊंगा अने फेर जीवतो थाए जाऊँगा। ऐने बाद तमे मनख ने वताडे जको है।