37. यीशु लाजर ने मौत म थकी जिवाड़े है।

लाजर नाम नो एक आदमी हेथो। ऐनी बे बेने हेथी जणीय नो नाम मरियम अने मार्च हेथू। इ हेत यीशु न खास दोस्त हेथ। एक दाड़ो केमके यीशु ने वताडयु के लाजर घणो बीमार है। जर यीशु वे यु हमळयु ते अणे केदू मा बीमारी लाजर ने मरवा ने हाते ख़तम ने थाए। ऐने बजाए येते मनख ने परमेश्वर नो आदर सम्मान करवा ने हारू वताड है।

यीशु आपड दोस्त थकी परेम करो हेथो पोंणे जा इते हेथो , ता अणे बे दाड तक वाट जोवी। अण वे दाड ने बाद अणे आपड सेल थकी केदू आवो पासा यहूदिया म जाजे। सेल वे जावाब आल्यो पोंणे हे गुरु हमण थोडाक टाइम पेल तान मनख तने मारवा दडवा मांगत हेथ, यीशु वे केदू , आपड़ो दोस्त लाजर हुई जो है। अने मने ऐने जगाडवो है।

यीशु न सेल वे जवाब आल्यो हे परभू अगर लाजर हुई रयो है, ते इते ठीक थाए जा हे। तर यीशु वे अण थकी साफ़ रूप थकी के देदू, लाजर मरे जो है। हूँ आनंदित हु के हु आ ने हेथो, ताकि तमो मने इपर विश्वा करे सको।

जर यीशु लाजर ने गाव म पोग्यो ते लाजर ने मरवा ना पेल थकी पार दाडा थाए सुक्या हेथा। मर्या यीशु थकी मळवा ने हारू बारत भावी अने केइ , हे प्रभु अगर तू आ हैथो ते मारो भाई ने मारतो। पोंणे हु विश्वा करू है के जी कई भी तू परमेश्वर थकी मांगे इते तने आल है।

यीशु वे जवाब आल्यो, पुनरुत्थान अने जीवन हु है। जी कोई मने इपर विश्वा करे है, अगर इते मेरे भी जाए ते होदो जिवेगा। जी कोई मने इपर विश्वास करे है इते केर होदो ने मरेगा। के तू ऐने इपर विश्वास करे है? मार्था वे जवाब आल्यो, हे प्रभु हूँ विश्वास करो है के तू परमेश्वर नो सोरो मसीह है।

तर मरियम आवी अणयी यीशु न सरण म पड़े ने केदू , हे प्रभु अगर तो आ हेथो ते मारो भाई ने मारतो। यीशु वे ऐने थकी पुस्यु तम वे लाजर ने का मेल्यो है? अणवे ऐने वताडयो कबर म। आव अने देख ले। तर यीशु गागरवा लाजो।

इते कबर एक दयडो हेथी जेने द्वारा इपर एक पाणों ने रगडायो जो हेथो। जेर यीशु कबर इपर पोग्यो ते अणे अण थकी वोदु पाणा ने हरकाव दो। पोंणे मार्था वे केदू ऐने मरवा ना चार दाडा थाए सुळया है। ऐनेम थकी पोमेळ भावती वहे।

यीशु वे जवाब आल्यो कमे में तम थकी नो केदो हेथो के अगर तम अने इपर विश्वास कर ते परमेश्वर नी सामर्थ ने देख दो? ऐतरे हारू अणवे पाणा ने हरकाव देदो।

तर यीशु वे इपर हरग नी मेर देखे ने केदू हे बा मारी हमळ लेवा ने हारू हु तारो धन्यवाद करो है। हु जाणो है के तू हमेशा मारी हमळे है , पोंणे में यो आ इब अण हेत मनख नी मदद करवा ने हारू केदो ताकि य विश्वास करे के तुवे मने मोकल्यो है। तर यीशु वे आवास वगाडी हे लाजर बारत नकळे आव।

अतः लाजर वारत नके आयो इते हमण कफन में पोपेलो हेथो। यीशु वे ऐने थकी केइ अणा कफन ने काडवा म ऐनी मदद करो अने ऐने आजाद करो। अणा समतकर ने खातीर घण थक यहूदियों वे यीशु इपर विश्वास करयो।

पोंणे यहुदियो न धार्मिक अगुवो यीशु थकी वळवा लाग्या, ऐतरे हारू इ योजना बणावा ने हारू एक हाते भेळ थाया के केकेम यीशु अने लाजर ने मार दडया जाए