38. यीशु को हवाड़यो जाए है।

हर वर यहूदी मनख फसह नो पर्व मनावत हेथ। यो जणा बारा मा एक तैयार हेथो के कई शातब्दियो पेल परमेश्वर वे अणना बाप दादो ने मिस्त्र न गुलामी थकी सोडाया हेथा। लमसम तिन वरह ने बाद यीशु वे सार्वजानिक रूप थकी प्रचार करवो अने हिक आलवी शरू करयु। यीशु वे आपड सेल ने वताड्यू के इते अण हाते यरूशलेम म फसह ना पर्व ने मनावा मागतो हेथो, अने यो होदो के इते तास मर दडयो जाहे।

यीशु न सेल म एक यहूदी नाम नो एक आदमी हथो। यहूदा न धन नी पोटली रखवा नो खाजाची हेथो, पोंणे आक्सर इते हणी थेली म थकी पैसा काड लिय करतो हेथो। यीशु अने सेलो ने यरूशलेम म पुगवा ने बाद यहूदा यहूदी अगुवा ने मेड ग्यो। अणे धन ने बदला म यीशु ने अण हट पकड़ावा नी वात करी। इते जाणतो हेथो के यहूदी अगुवा मानवा नहीं करता हेथा के यीशु ही मसीह है। इते जाणता हेथो के इ ऐने मार दडवा साडता हेथा।

महायाजक ने केवा इपर यहूदी अगुवो वे यीशु ने अणना हाथो म पकड़ाववा ने हारू यहूदा ने तिन सादी ना सिक्का आल्या। यु हणी पह्कार थकी थायु के भविष्यवक्ता वे केइ हेथू के थाहे। यहूदा माने जो अने घन लेने जातो रो। इते यीशु ने हवाडवा म अणनी मदद करवा ने हारू कणा अवसर नी खोज करवा लाग्यो।

येरूशलेम म यीशु वे आपड सेल ने हाते फसह नो पर्व मनायो। फसह ना भोजन दौरान , यीशु वे रोटो लेने तोड़ो। अणे केदो ऐने लो अने खाओ। यु मारी शारीर है जी हु तमारे हारू आतु है। ऐने मारी याद म करयो। अणे प्रकार थकी यीशु वे केइ के इते अण हरू मरे जाएगा अर्थात अण हारू इते आपड शारीर वे भोग सडाव देगा।

फेर यीशु वे एक दाखरस नो कटोरों लेदो अने केदो , ऐने पि लो। युते नवी वासा नो मारू लुई है जी केहु उडेलगा ताकी परमेश्वर तमारे पाप ने माफ़ करे। हर वखत ऐने पीत वखत मारी याद म ऐने करो जी हु हमण करी रयो है।

तर यीशु वे आपड सेल थकी केइ हामू माहो एक जणो मने हवाड़हे , सेला भखनाए अने पुसवा लाग्या के कोण ऐवू काम करहे। यीशु वे केइ मने हवाडवा वाळा आदमी यो है, जेने हु ये रोहा नो इकड़ो आलू है। तर अने इते रोटी यहूदा ने आल्यो।

हणी रोटी न लेवा ने बाद यहूदा म सैतान भराए जो। यहूदा नकळे ने यीशु ने हवाडवा ने हारू यहूदी अगुवो नी मदद करवा ने जातो रयो। जो रातर ने टाइम हेथो।

भोजन ने बाद यीशु अने ऐना सेला जैतून दोंगरो में जाता रया। यीशु ने केइ तमु हेत आज रातरे अने सोड देदो। यु लखेतु थकु है। हु गोवाख ने मारूंगा अने हेती भेड़े वार वखेर थाए जाहे।

पतरस वे जवाब आल्यो भले ही बाकी न सब तने सोड देड हु ने सोडूगा। तर यीशु वे पतरस थकी केइ, शैतान हम हेत ने ले लेवा मांगे है। पोंणे है पतरस में तारे हारू दूवा करी है। के तू विश्वास थकी सुके ने जाए। फेर होदो आज नी रात कुकड़ा न बोलवा ने पेल तू तिन वखत ना के देही के तू मने जाणतो भी नहे है।

पतरस वे तर यीशु थकी केइ भले ही हु मरे भी जू केर भी तारो इंकार ने करूँगा। वाळी न हेत सेल वे होदो हेमेस केइ।

तर यीशु वे आपड सेल ने हाते गतसमनी नाम नी जगा इपर जो। यीशु वे आपड सेला थकी दूवा करवा ने हारू केइ ताळी सैतान अणनी परीक्षा ने करे। तर यीशु खुद दूवा करवा ने हारू जातो रो।

यीशु वे तिन वखत दूवा करी हे मारा बा अगर थाए सके तो करया केर ने यु दुःख नो कटोरों पिवा ने हारू मने नहे आल। पोंणे मगर मनख ने पाप माफ़ करया जावा ने हारू काई बिजो वाह नही हैम ते तारी मर्जी पूरी थाए। यीशु घणो इखी हेथो अने एनो पसीनो लुई नी बूंद ने वाणीय हेथो। ऐने सामर्थ आलवा ने हारू परमेश्वर वे एक हरगदूत ने मोकल्यो।

हर वखत दूवा ने बाद, यीशु आपड सेल ने मेड पासो आयो पोंणे इ हुई ग्या हेथा। जर यीशु तीसरी वखत फरयो ते यीशु वे केइ जागे जो अने हवाडवा वाळो आ है।

यहूदी अगुवा सैनिक अने एक मोटी भीड़ ने हाते यहूदा आयो। अणने तलवारे अने लाकडणे लेदेली हेथी। यहूदा वे यीशु ने मेड आवेने ऐने थकी केइ, हे गुरु नमस्कार अने ऐने बोखे देती। अणे हवाडवा वाळा आदमी ने यहूदी अगुवो इपर प्रगट करवा वे हारू ऐवू करयु हेथो। तर यीशु वे केइ, हे यहूदा कम तू एक बोख थकी अने हवाडे रयो है।

जेर इ सैनिक यीशु ने पकडे रया हेथा ते पतरस वे आपडी तलवार काडी अने महायाजक ना एक सेवक नो कादडो कापे दडयो। यीशु वे केदो तरुवार ने सिटी कर हु आपडा बा थकी मारो बसाव करवा ने हारू हरगदूत नी एक सेना ने हारू विनती करे सकू है। पोंणे मारा बा नी वात मानवी है। तर यीशु वे हणा आदमी नो कादडो ने ठीक कर देदो। तर हेत मनख नाहे ग्य।