39. यीशु इपर मुक़दमा साले है।

हावू यो भरदी रातर नो टाइम हेथो। इ सेनिक यीशु ने महायाजक ने घेर ले आया , केमके इते यीशु थकी सवाल करवा मागतो हेथो। पतरस सी ती थकी अणनो पिसो करे रयो हेथो। जर सेनिक यीशु ने घेर में ले जा तो पतरस बारत रुके ने खुद ने भाग थकी तापवा लाग्यो।

घेर ने मय यहूदी अगुवा वे यीशु इपर मुकदमा सलाइयो। इ ऐना हामे झूठी वात ने बोलवा ने हारू घाणा थका झूठा गवाह ने लेने आया। हालाकि भणनी वाते एक बिजा सहमत हेथी ऐतरे हारू यहूदी अगुवा थे साबित ने करे सक्या के इते कणी वात नो दोषी हेथो। यीशु वे कई ने केदू।

अतः म महायाजक वे हिदू यीशु नी मेर केधेने केइ हमन वताड के केम तुस जीवता परमेश्वर नो सोरो मसीह है?

यीशु वे केइ हु है अने तमु अने परमेश्वर ने हाते बेदेलो थको अने हरग थकी आवतो होदो देख है। महायाजक वे अपडे सीसर हेथो। इते बिज अगुवा इपर सिसायो हमने यु वताडवा ने हारू कणीक बिजा गवाह नई जरुरत नहे है के अणा मनख वे इ करयो है। तमय खुदेस ऐने यु केत हमळ लेदु है के इते परमेश्वर नो सोरो है। ऐना बारा मा तमारो हु विसार है?

हेता यहूदी अगुवा वे महायाजक ने जवाब आल्यो इते मरवा ने हरको है। तर अणवे यीशु नी आख इपर पट्टी बाँध देदी, ऐने इपर चुएका , टेने कडयो , अने ऐनो मजाक उड़ायु।

अने पतरस जर इते घेर ने बारत वाह जोवी रयो हेथो। तर एक दासी सोरी वे ऐने दिख्यो। अणयी ऐने थकी केदो, तू होदो यीशु ने हाते हेथो। पतरस वे ना के देदु। बाद म बिजी सोरजे वे अणिज वात ने केदी अने पतरस वे फेर थकी ना कर देदु। अत म थोडाक मनख वे केइ हमू जाणके है के तू यीशु ने हाते हेथो। केमके तमु बेये गलील थकी हो।

तर पतरस वे केइ अगर हु अणा मनख ने जाणतो वे ते परमेश्वर मने हराफ दे तरतेस पतरस ने हेम केवा होगन खावा ने बाद एक कुकडे वे बोल देदो। यीशु वे वहे फरे ने पतरस ने दिखो।

पतरस ताहो जातो रयो अने जोर जोर थकी गागयो। हणास टाइम यीशु ने हवाड़वा वाळे यहूदा वे दिख्यो के यहूदी अगुवो वे यीशु ने मोतदड आल्यु है। यहूदा घणो दुखी थाए जो अने जाएने खुद ने मार दडयो।

हावू हणा देश नो राज्यपाल पिलातुस हेथो। इते रोम ने हारू काम करय करतो हेथो। यहूदी अगुवा यीशु ने ऐने कने लेने आया। इ साहना हेथा के पिलातुस ऐने मोतदंड आले अने ऐने मार दडे। तर पिलातुस वे यीशु थकी पुग्यु के तू यहूदियों नो राजा है?

यीशु वे जवाब आल्यो ते हसोस केदो है। पोंणे मारो राज आयो। धरती नो नही है। अगर हेथो ते मारे दास मारे हारू लड़ाई करता। हु धरती इपर परमेश्वर ने बारा म वताडवा ने हारू आयो है। हरेक जणे जी हासाई थकी परेम करे है। इते मारी हमळे है। पिलातुस वे केदू ते हासू हु है?

यीशु ने हाते वात करवा ने बाद, पिलातुस वे बारत भीड़ ने मेड जाएने केइ, हु ऐवु कई कारण नहीं देखतो के यो मनख मार दडवा ने बराबर वहे। पोंणे यहूदी अगुवा अने भीड़ वे सीसाए ने केइ, ऐने कम इपर सडाव दो। पिलातुस ने जवाब आल्यो इते कई भी गलत करवो नो दोषी नहे है। पोंणे इ अजु होदी लोसी आवाज म सीसावा लाग्या। तर पिलातुस वे तीसरी वखत केइ, इते दोषी नहे है।

पिलातुस समके जो के इते भीड़ दगो शुर कर देहे, ऐतरे हारू इते आपड सेनिक द्वारा यीशु ने क्रूस इपर सडावा ने हारू माने जो। रोमी सेनिक वे यीशु ने कोड़ा ववाडया अने ऐने राजसी सीसर पेराय अने मोका इपर काह थकी बण्यो मुकुट मेल्यो। तर ह ऐम केने ऐनो मजाक उड़ाडवा लाग्या देखो यहूदियों नो राजा।