40. यीशु ने क्रूस इपर सडायो जाए है।

यीशु नो ठट्ठा करवा ने बाद, सैनिक ऐने क्रूस इपर सडावाने हारू ले जा। भणेव हणा क्रूस ने ऐने थकी तोकाडयो जेने इपर इते मर है।

इ सैनिक यीशु ने हणी जगा इपर लेने आया जी खोपड़ी केवातू हेथू अने ऐना हाथो अने पोग ने क्रूस इपर ठोक देदा। पोंणे यीशु वे केइ हे बा अणने माफ़ कर , केमके या नहीं जाणता के या हु करी रया है। अणवे एक बोड ने होदो ऐना मोणका ने उपर टांग देदो। ऐने इपर लखेलू हेथो यहुदियो नो राजा पिलातुस वे अण थकी युस लखवा ने हारू कदों हेथू।

तर सैनिको वे यीशु न सीसर ने हारू सिरजी दडी। जेर अणवे हेवो करयु तो अणवे हेवो करयु तो अणेव मार सीसर ने आपड म वाट लेद अने मार सीसर ने हारू सिटिजे दडी।

ता बे डाकू होदा हेथा जणने सैनिक वे हणास टाइम इपर क्रूस इपर सडाया हेथा। अणवे अणने यीशु नी बे तरफ राज्य हेथा। हणम थकी एक डाकू वे यीशु नो मजाक उड़ाड्यू पोंणे बिसे वे केइ , कम तू नहे समकतो के परमेश्वर तो दंड आल है? हमू घण थक भुंड काम ने करवा ने दोषी पापी है। पोंणे यो मनख निर्दोष वगर पाप वाळो है। फेर अणे यीशु थकी केदू जर तू आपडा राज्य म भावे ते कपापा मने याद राखजे। यीशु वे जवाब आल्यो आजे म तू मारे हाते हरगलोक म रेही।

यहूदी अगुवो अने भीड़ न बिज मनख वे यीशु नो मजाक उड़ाड्यू। अणवे ऐने थकी केइ अगर तू परमेश्वर नो सोरो है। ते क्रूस थकी निस उतरे आव खुद ने वसाड ले, तर हमू तने इपर विश्वास कर हु।

तर हणा आखा देश मो आकाश हरग पूरी तरह थकी काळो थाए जो, भले ही इते दाडा ने विस नो टाइम हेथो। या बफोर ने टाइम काळो थायो हेथो, अने तिन घंटा तक हेवोस रयो हेथो।

तर यीशु ने सीसाए ने केइ, पुरु थायु, हे बा हूँ मारी आत्मा तारे हाथ में होपो है। तर अणे आपड मोणका ने नमायु अने आपडा जिव ने काड दडयो। जर इते मरो ने एक भूकंप आयो। इते मारो पड़दो जी परमेश्वर नी उपस्थिति थकी मनख ने अलग करजो हेथो ऊपर थकी निस नी तरफ फाटे ने बे भाग थाय जो।

आपडी मोत ने बाद, यीशु वे मनख ने हारू परमेश्वर ने मेड आववा नी वाट खोल देदी। जर यीशु नी निगराणी करवा वाळा एक सैनिक वे जो कई थायु हेथो यु हेतु दिख्यु ते अणे केइ खरे खर रूप थकी, यो मनख निर्दोष हेथो यो परमेश्वर नो सोरो है।

तर यूसुफ अने निकुदेमुस नाम ने वे यहूदी अगुवा आया। इ विश्वास करता हेथा के यीशु ही मसीह हेथो। अणवे पिलातुस थकी यीशु न शारीर ने माल्यु। अणवे ऐना शरीरी ने सीसर म पोग्यो। तर इ ऐने एक माणा म थकी कापे ने बणावेली कबर म लेजा अने ऐने मय मिल्यो। तर अणवे हणी कबर ने मोदा ने बंद करवा ने हारू एक मोटा पाणा ने रगडाव देदो।