44. पतरस अने युहन्ना एक मांगवा ने हाजो करे है।

एक दाडो पतरस अने युहन्ना मंदिर म जा। एक अपंग आदमी भीख मांगवा ने हारू फाटक इपर बेढेलो हेथो।

पतरस वे हण लंगड़ा आदमी नी मेर दिख्यु अने केदू मारे कने तेन आलवा ने हारू पैसा ते नाहे। पोंणे जी मारे कने है। इते हूँ तेन आलू है। यीशु ना नाम थकी उठ अने सालतो फर।

तखेस परमेश्वर वे हणा टूटा आक्मी ने हाजो कर देदो। अणे अई नई सालवों अने कद्वो अने परमेश्वर नी महिमा करवी शुरू कर देदी। मंदिर न आजना म इबिल मनख अचंबित हेथ।

घडिक म मनख नी एक भीड़ हणा आदमी ने देखत ने हारू आप जी हाजो थाए जो हेथो। पतरस वे ऐने थकी केइ, यु मनख ठीक है। पोंणे अणि वात इपर अचंभित नहे थात वे। हमे ऐने आपडी ताकत थकी हाजो नहे करयो है। या ऐतरे हारू नहे के हमू परमेश्वर नो आदर करजे है। बल्के इते यीशु है जणे अण आदमी ने आपडी ताकत थकी हाजो करयो है केमके हमे यीशु इपर भरोहो करजे है।

इते तमोम हो जणवे हणा रोमी राज्यपाल ने यीशु ने मार दडवा ने हारू केइ हेथू। तमे वे ऐने मार दडयो जी हेत ने जीवन आले है। पोंणे परमेश्वर वे ऐने मरेला म थकी जीवतो करो। तमने ने हमझो के तमो हु करी रया हेथा, पोंणे जेर तमु हण काम ने करी रया हेथा ते जी भविष्यवक्ताओ वे केइ हेथू इते पुरु थायु। अणवे केइ हेथू के मसीह दुःख उठाव हे अने मेरे जाहे। परमेश्वर वे ऐने अणा तरीका थकी थावा देदू। ऐतरे हारू आवु पश्चाताप करो अने परमेश्वर नी मेर फहो ताकि इते तमारे पाप ने धोवेने साफ़ कर हे।

जर मंदिर ना अगुवा ने पतरस अने युहन्ना ने हमळया हते ह हणा घबराए जा। ऐतरे हारू अणवे अणने हाए लेदा ने जेलखाना म दड देदा। पोंणे पतरस वे केइ हेथू ऐने इपर घण खर मनख वे विश्वास करयो। यीशु इपर विश्वास करवावाळ नी सख्या बड़े ने लमसम ५००० थाए गई।

बिसे दाडे इ यहूदी अगुवा पतरस अने युहन्ना ने महायाजक अने बिजा धार्मिक अगुवा ने हामे लेने आया। इ हणा आदमी ने होदा लेने आया जी अपंग हेथो। अणवे पतरस अने युहन्ना थकी पुस्सू केने अधिकार थकी तमवे हणा अपंग आदमी ने हाजो करयो?

पतरस वे जवाब आल्यो थो आदमी जी तमारे हामे रबो है ऐने यीशु मसीह नी सामर्थ ने द्वारा हाजो करयो है। तमवे यीशु ने क्रूस इपर सढाव देदो पोंणे परमेश्वर वे ऐने फेर थकी जीवतो कर देदो। तमवे ऐने अस्वीकार कर देदो, पोंणे यीशु ने सामर्थ न माध्यम ने अलावा उद्धार लेवा नो काई बिजी वाह नहे है।

इ अगुवा हेरान हेथा के पतरस अने युहन्ना ने घणी साहसी रूप थकी वात करो हेथो। अणवे वे दिख्यो के या साधारण आदमी हेथो जी के अनपढ भमन हेथा। पोंणे फेर अणने याद आयो के या आदमी यीशु ने हाते रेता हेथा। ऐतरे हारू अणवे अण थकी केइ हमू तमने घबोल रहू दंड आल हे। अगर तमु अण मनख यीशु ने बारा म मनख ने काई बीजू संदेह आलो है। ऐवी घणीस वाते केवाने बाद अणवे पतरस अने युहन्ना ने जावा देदा।