43. मण्डली नी शुरुआत थाए है।

यीशु ने हरग जातो रेवा ने बाद सेला यरूशलेम म स सेकाया जेम के यीशु वे अणने करवा नो हुकुम आल्यो हेथो। ताना विश्वास मनख लगातार एक हाते दूवा करवा ने हारू भेळ थाप करत हेथ।

हर वर फसह ना तेवार न ५० दाड ने बाद यहूदी मनख पिन्तेकुस्त नाम न एक खास दाडा ने मनाय करत हेथ। पिन्तेकुस्त इते टाई हेथो जर यहूदी मनख गोव नी वडाई ने मनाय करत हेथ। पूरी दुनिया आली यहूदी मनख पिन्तेकुस्त ना दाडे म एक हाते मनावा ने हारू यरूशलेम म आय हेथ अणे वर पिन्तेकुस्त मनावा ना टाइम यीशु ने हरग म जातो रेवा ने लमसम एक हफ्ता ने बाद आयो हेथो।

जणे टाइम हेत विश्वासी मनख एक हाते भेळा हेथ ते जणा घेर म इ हेथ अवसुक थकी इते तेज वाईरी नी आवाज थकी भराए जू। तर आग नी ने जेवी देखता वाळू थोड़क हेत विश्वासी न मोणक ने उपर प्रगट थायु हे। इ हेत पवित्रआत्मा थकी भराए ज अने अणने अन्य भाषाओं म परमेश्वर नी महिमा करी। ये इ भाषाए हेथी जेने बोलवा ने हारू अणने पवित्र आत्मा वे सक्षम करया हेथा।

जर यरूशलेम म रेवा वाळ मनख वे हणा सिसावा ने हमळयु ते इ भीड़ ना रूप म यु देखवा ने हारू एक हाते आय के दू थाए रु है। अणवे विश्वासियो ने परमेश्वर द्वारा करेला मोटा मोटा काम नी घोषणा करत थक हमळय। इ विस्मित हेथ केमके इ हण काम ने आपडी भाषा म हमळी रिय हेथ।

अण म थकी थोड़क मनख वे कइ के इ सेला नशा म हेथा। पोंणे पतरस इबो थायो अने यो बोल्यो मारी वात हमळे य मनख नशा म नही है। ऐने बजाए की तमो दिखे रया हो इते इस है। जी योएल भविष्यवक्ता वे केइ हेथो। थाहे, परमेश्वर वे केइ अ ना दाडा म हमारी आत्मा रेडुगा।

हे इजराएल आदम जो यीशु एक ऐवा मनख हेथो जणे यु देखाडवा ने हारू के इते कोण हेथो घणस थक गजब काम करय हेथ। अणे परमेश्वर न सामर्थ थकी घणास थक गजब काम ने करय हेथ। तमु यु जणो है। केमके तमवे अण काम ने दिख्य है। पोंणे तं वे ऐने क्रूस इपर सडाव देद।

यीशु मरे जो पोंणे तं वे ऐने मरेल मा थकी जीवतो कर देदो। अणे हणी वात ने पूरी कर देदी। जेने एक भविष्यवक्ता वे लखयु हेथू तो आपडे पवित्र जण ने कबर म हडवा नही हे है। हमो गवाह है के परमेश्वर वे यीशु ने फेर थकी जीवतो कर देदो।

परमेश्वर बा वे आवु यीशु ने आपडी जमनी पाकती बहाड ने ऐने आदर आल्यु है। अने यीशु वे हमारे हारू पवित्रआत्मा मोकली है। जेम के अणे प्रतिज्ञा करी हेथीके इते मोकलेगा पवित्रआत्मा स हण काम ने थावा दे रयो है। जणने तमो देखे रया अने हमळे रया है।

तं वे हणा मनख यीशु ने क्रूस इपर सढाव देदो। पोंणे निश्चय रूप थकी जाण लो के परमेश्वर वे यीशु ने हेती वस्तु इपर प्रभु अने मसीह बेये बणाता है।

पतरस नी हमळवा वाळ मनख ऐने द्वारा केदी ली वाते थकी अंत तक हले ज। ऐतरे हारू अणवे पतरस अने सेल थकी पुस्सू , हे भाजो हमने हु करयु जुगे।

पतरस वे अणने जवाब आल्यो तमो म थकी हरेक आपड पापो ने हारू पश्चाताप करो ताकि परमेश्वर तमारे पाप ने माफ़ कर और यीशु मसीह ना नाम थकी बपतिस्मा लो। तर इते तमने वरदान जेवी पवित्रआत्मा होदो आल है।

पतरस वे जी केइ ऐने इपर लमसम ३००० मनख वे विश्वास करयो अने यीशु न सेला बणे जा। अणवे प्रतिज्ञा लेदो अने यरूशलेम नी मण्डली नो भाग अणे ज।

जर प्रेरित वे अणने शिक्षाए आली ते विश्वासियो वे लगातार हमळी। इ अक्सर मळय करत हेथ अने एक हाते खावाने। खाय करत हेथ अने अणवे अक्सर एक बिजा ने हारू दूवा करी। अणवे मळे ने परमेश्वर नी महिमा करी अने जी कई भी अण कने हेथो अणवे एक बिजा ने हाते आल्य करया। नगर नो हरेक आदमी अणने हारू ताजो विसार राखता हेथा। दाडरोज घण थकी घण मनख विश्वासी बणत ज।